ლუგანსკში ექსტრემისტებს 60 ადამიანი მძევლად ჰყავთ აყვანილი

უკრაინის უშიშროების სამსახურის ანტიტერორისტული ჯგუფის ინფორმაციით, რადიკალური ორგანიზაციის წევრებს ლუგანსკში უშიშროების საბჭოს ადმინისტრაციული შენობა დანაღმული აქვთ, - ამის შესახებ "უნიანს" უშიშროების საბჭოს პრესსამსახურში აცნობეს.

სააგენტოს ინფორმაციით, სეპარატისტები იარაღისა და ასაფეთქებლების მუქარით 60 ადამიანს ემუქრებიან, რომლებიც შენობაში ჰყავთ მძევლად აყვანილი.

"უშიშროების სამსახური დამნაშავეებისგან მძევლების გათავისუფლებას, შენობის განაღმვასა და იარაღის დაყრას ითხოვს", – წერს "უნიანი".

სეპარატისტებმა 6 აპრილს ლუგანსკის უშიშროების სამსახურის შენობა დაიკავეს და ის იარაღი მიიტაცეს, რომელიც შენობაში იყო.