24
მარტიდღის ზოგადი ასტროლოგიური პროგნოზი
განათლების სამინისტროში 2014-2015 სასწავლო წლისთვის ერთიანი ეროვნული გამოცდების შედეგად ჩარიცხული სტუდენტების დაფინანსების შემცირების შესახებ ინფორმაციას უარყოფენ. ამასთან დაკავშირებით, სამინისტრო სპეციალურ განცხადებას ავრცელებს და იმ სქემას აქვეყნებს, რომლის მიხედვითაც მოხდება უმაღლეს საგანმანათლებლო დაწესებულებებში ერთიანი ეროვნული გამოცდების შედეგად ჩარიცხულ სტუდენტთა სახელმწიფო დაფინანსება.
სამინისტროს ინფორმაციით, საერთო ჯამში დაფინანსება კი არ მცირდება, არამედ გასულ სასწავლო წელთან შედარებით 1 095 000 ლარით იზრდება და 2014-2015 წელს დაფინანსება 23,895,000 ლარი იქნება. 2013-214 წლებში დაფინასება 22,800,000 ლარს, 2012-2013 წლებში კი 11,182,085 ლარს შეადგენდა.
აღნიშნული დაფინანსება, მოიცავს ერთიანი ეროვნული გამოცდების საფუძველზე გასაცემი სახელმწიფო სასწავლო გრანტების სრულ ოდენობას და განათლებისა და მეცნიერების სამინისტროს მიერ დაფინასებული ბაკალავრიატის აკრედიტებული საგანმანათლებლო პროგრამების დაფინანსების მოცულობას.
ერთიანი ეროვნული გამოცდების საფუძველზე გასაცემი სახელმწიფო სასწავლო გრანტების სრული ოდენობა 2014-2015 წელს 12,600,000 ლარი იქნება, 12,600,000 ლარი იყო 2013-14 წლებშიც, ხოლო 2012-2013 წლებში 11,182,085 ლარს შეადგენდა.
რაც შეეხება საქართველოს განათლებისა და მეცნიერების სამინისტროს მიერ დაფინასებული ბაკალავრიატის აკრედიტებული საგანმანათლებლო პროგრამების დაფინანსების მოცულობას, 2014-2015 წელს დაფინანსება 11,295,000 ლარი იქნება, მაშინ, როდესაც 2013-214 წწ დაფინასება 10,200,000 ლარს შეადგენდა, 2012-2013 წლებში კი ამ მიმართულებით გრანტი გამოყოფილი არ იყო.
რამდენიმე დღის წინ მედიაში გავრცელდა ინფორმაცია, რომ სტუდენტური გრანტების მოცულობა 3 მლნ ლარით მცირდებოდა.
ნათია ლეშკაშელი, Ambebi.ge
