რას მოგვიტანს მარსის ბობოქრობა

ოქტომბერში მარსი ქმნის რამდენიმე მნიშვნელოვან და გასათვალისწინებელ ასპექტს:

9-ში მარსი ეჩხუბება პლუტონს (ასპექტი აქტიურია 8-15 ოქტომბრის შუალედში) ამ პერიოდის განმავლობაში შეგიძლიათ დიდხანს იმუშაოთ და უფრო მეტი გააკეთოთ, ვიდრე სხვა დროს.

მოერიდეთ უხეშობას, იმპულსურობას. უმჯობესია არ დაგეგმოთ მნიშვნელოვანი მოლაპარაკებები და დისკუსიები. ამ დროს ძალაუფლებისთვის ბრძოლა უფრო მწვავე, მკაცრი და სპეციფიკური გახდება. უმჯობესია თავი აარიდოთ სახიფათო, ხალხმრავალ და უცნობ ადგილებში გადადგილებას და ექსტრემალურ სპორტს.

ეს არის ტრავმული პერიოდი. ფრთხილად იყავით ასაფეთქებელ ნივთიერებებთან, ბასრ საგნებთან.

12 ოქტომბერს კი მარსი გადავა მორიელში - თავისი მმართველობის ნიშანში. კარგია ვარჯიში, მაგრამ ზომიერი. უპირატესობა მიანიჭეთ აღმოსავლურ პრაქტიკებს, ცურვას. მოერიდეთ სპორტის ექსტრემალურ სახეობებს. სიფრთხილე გმართებთ მჭრელ საგნებთან მუშაობისას.

ადამიანებში მოიმატებს გამძლეობა, მონდომება და გამბედაობა და ამის წყალობით შეძლებთ სირთულეების გადალახვას, სასურველის მიღწევას.

მოერიდეთ ზედმეტ რისკს, დაპირისპრებას, ცხარე დისკუსიებსა და კონფლიქტებს.

13-ში, მომდევნო დღეს კი მარსი სატურნთან ქმნის მეგობრულ ასპექტს (აქტიურია 7-20 ოქტომბრს). მოიმატებს გამძლეობა, დისციპლინირებულობა. სასურველის მისაღწევად შეიძლება დაგჭირდეთ ფიზიკური ძალის გამოყენება ან გავლენიანი, ასაკიანი ადამიანების ჩარევა.