ივლისის ასტროლოგიური პროგნოზი კირჩხიბებისთვის: “არ გირჩევთ სამშობლოს დატოვებას, ნათესავებთან კონტაქტის გაწყვეტას, საყვარელ ადამიანებთან და ძველ მეგობრებთან განშორებას“
ივლისში გარშემო მყოფები უფრო მგრძნობიარენი იქნებიან თქვენი ინდივიდუალური თვისებებისა და ნიჭის მიმართ. თქვენს ნიშანშია ვენერა - სილამაზისა და სიყვარულის პლანეტა, რომელიც მოგიტანთ წარმატებას სიყვარულში და ფინანსურს საკითხებში. ღირს თქვენი საუკეთესო თვისებების უფრო ხშირად ჩვენება, უღირსი ქცევის, უხეში ფრაზებისა და კონფლიქტების თავიდან აცილება. მომხიბვლელი თუ გახდებით, გაიჩენთ ახალ თაყვანისმცემლებს, მიიღებთ საინტერესო შეთავაზებებს, მოსაწვევებს, ჯილდოებს და სასიამოვნო სიურპრიზებს. კარგი იქნება იქნება ქორწინება, თაფლობის თვის მოწყობა, ჩასახვა, შვილების დაბადება და ა.შ. არ გირჩევთ სამშობლოს დატოვებას, ნათესავებთან კონტაქტის გაწყვეტას, საყვარელ ადამიანებთან და ძველ მეგობრებთან განშორებას.
ივლისის ფინანსები
თქვენი სურვილების ასრულება 6 ივლისიდან, თქვენს ნიშანში ახალმთვარეობიდან დაიწყება! ამ დროიდან ხელსაყრელია ახალი პროექტების წამოწყება, ახალ საქმეებში ინვესტირება და ახალი მეთოდების გამოყენება. დადეთ გარიგებები და გააკეთეთ დიდი ხნის ნანატრი შესყიდვები. გააფორმეთ გრძელვადიანი ხელშეკრულებები და კონტრაქტები. ბიზნესმენები და თავიანთი სფეროს პროფესიონალები შეძლებთ გრანდიოზული იდეების პრაქტიკაში განხორციელებას და მიზნების მიღწევას მოკლე დროში. სავარაუდოდ, შეხვდებით ადამიანებს, რომლებიც დაგეხმარებიან თქვენი ბიზნესისა და კარიერის განვითარებაში. თვის მეორე ნახევარი კიდევ უფრო ხელსაყრელია. თქვენი გადაწყვეტილებები დადებითად აისახება საწარმოს საქმიანობაზე და გუნდის ფინანსურ მდგომარეობაზე. წარმატება გელით, თუ მენეჯერული ან საპასუხისმგებლო პოზიცია გიკავიათ.
სამუშაო და ბიზნესი
თქვენი კავშირები და კონტაქტები უფრო პროდუქტიული გახდება. ეს ხელსაყრელი დროა მოლაპარაკებებისთვის, თქვენი უნარების ან პროდუქტების პრეზენტაციისთვის. გაგიადვილდებათ აზრების მკაფიოდ და დამაჯერებლად გამოხატვა. გამოიყენეთ ეს თქვენს სასარგებლოდ კოლეგებთან, კლიენტებთან ან მენეჯმენტთან კომუნიკაციის დროს. ფინანსური საკითხებიც უფრო ეფექტურად გადაწყდება. უკეთესად შეძლებთ სიტუაციებისა და დოკუმენტების გაანალიზებას და უფრო ყურადღებიანი გახდებით დეტალების მიმართ, განსაკუთრებით, თუ საქმე ეხება ბიუჯეტის შედგენას, ხარჯებს და შემოსავლებს. შეგიძლიათ მოძებნოთ შემოსავლის ახალი წყაროები. იყავით გახსნილი ახალი იდეებისთვის, რადგან მათ შეუძლიათ ფული მოგიტანონ ან შეცვალონ თქვენი კარიერის მიმართულება. თუმცა, მნიშვნელოვანია, რომ ფრთხილად იყოთ ხარჯებთან. გაითვალისწინეთ თქვენი ფინანსური მიზნები და მოერიდეთ არასაჭირო ხარჯებს, რამაც შეიძლება დაგაზარალოთ.
25 ივლისიდან მერკური გადადის თქვენი კონტაქტების სახლში. გექნებათ ბევრი რამ, რაც სასწრაფოდ უნდა დაასრულოთ. მოემზადეთ მრავალი მოგზაურობისთვის, ბევრი ინფორმაციისთვის. ასევე მოგიწევთ მუშაობა ბევრ დოკუმენტთან. შესაძლოა დამატებით ცოდნის მიღება გახდეს საჭირო. სხვადასხვა ადამიანთან მიდგომის პოვნის უნარი დაგეხმარებათ პროფესიული პრობლემების გადაჭრაში. კომპრომისი ასევე ბევრს ნიშნავს საქმიან ცხოვრებაში.
ჯანმრთელობა და აქტიურობა
ივლისი კარგი თვეა ფიზიკური დატვირთვისთვის. მაგრამ უმჯობესია ივარჯიშოთ მეგობრებთან, ოჯახის წევრებთან ერთად. დარეგისტრირდეთ ჯგუფურ გაკვეთილზე სპორტის რომელიმე სახეობაში. თუ თავისუფალი დრო გაქვთ, ეცადეთ უფრო აქტიურად გაატაროთ, გადით ბუნებაში, მიიღეთ მონაწილეობა სპორტულ თამაშებში. მთავარია ყველაფერი სიხარულით გააკეთოთ და არა ძალით. განსაკუთრებით თუ არსებობს ჯანმრთელობის უკუჩვენებები. ასევე კარგი იქნება ცურვა. თუ წონაში დაკლებას გადაწყვეტთ, არ დაიცვათ მკაცრი დიეტა, უბრალოდ, შეზღუდეთ კალორიები საკვებში, ტკბილეულში, ცხიმიან საკვებში.
სიყვარული და ფლირტი
ივლისის დასაწყისში უფრო მიმზიდველი და ქარიზმატული გახდებით. უფრო მეტ დროს დაუთმობთ გარეგნობას და რაღაცას შეცვლით საკუთარ იმიჯში. ამ დროს თქვენთვის განსაკუთრებით მნიშვნელოვანი იქნება, რას ფიქრობენ სხვები თქვენზე. უფრო დიპლომატიური, ტაქტიანი გახდებით, იღბალი გეხმარებათ და ეს საშუალებას გაძლევთ მოიგოთ თქვენი თანამოსაუბრეების გული. კარგი პერიოდია ოჯახური და სასიყვარულო საკითხების მოსაგვარებლად.
11 ივლისიდან ღირებულებები და ფინანსური საკითხები გახდება აქტუალური. გაძლიერდება მატერიალური სიკეთის მნიშვნელობა ურთიერთობებში. შეგიძლიათ მოიძიოთ პარტნიორები, რომლებიც უზრუნველგყოფენ ფინანსურად. სიყვარული შეიძლება გამოიხატოს მზრუნველობით, საჩუქრებით. სიამოვნება და სენსუალურობა გახდება რომანტიკულ ურთიერთობებში აუცილებელი. მათთვის, ვინც უკვე გრძელვადიან ურთიერთობაშია, ჰარმონიისა და სტაბილურობის პერიოდი დგება. ურთიერთობა მშვიდი და საიმედო იქნება. სახლში არსებული ატმოსფერო დაგეხმარებათ გაიუმჯობესოთ თქვენი ფინანსური მდგომარეობა, დაიწყებთ ზოგად კეთილდღეობასთან დაკავშირებული საკითხების განხილვას. დაგეგმავთ დიდ შესყიდვებს, შვებულებას. იყიდით ლამაზ ნივთებს, სამკაულებს. ეწვევით რესტორნებს, სადაც დააგემოვნებთ უგემრიელეს კერძებს.
6 ივლისის შემდეგ დროა იფიქროთ საკუთარ თავზე. კარგია გეგმების შედგენა და მათი განხორციელება. ეს არის გარე და შინაგანი ტრანსფორმაციის დრო. იგრძნობთ, რომ თქვენი თავდაჯერებულობა გაიზარდა და შეგიძლიათ მიაღწიოთ იმას, რაც გსურთ, - ეს შეიძლება იყოს საზოგადოებაში პოზიციების განმტკიცება, პირადი ცხოვრების მოწყობა. იქნება ბევრი შესაძლებლობა თვითგამოხატვისთვის. თქვენი ავტორიტეტი გაიზრდება, ბევრი მოუსმენს თქვენს რჩევას. უბრალოდ უნდა იპოვოთ ბალანსი თქვენსა და თქვენი საყვარელი ადამიანების საჭიროებებს შორის. იქნება მეტი კონტაქტი, შეძლებთ ახალი მეგობრების, თანამშრომლების, პარტნიორების პოვნას. თუ მომსახურების სფეროში საქმიანობთ, კლიენტთა ქსელი გაფართოვდება და მეტი შეკვეთა იქნება. რომანტიკული ურთიერთობა შეიძლება სერიოზულ ურთიერთობაში, ქორწინებაში გადაიზარდოს.
21 ივლისის შემდეგ პარტნიორობის თემა უფრო აქტუალური გახდება. ზოგიერთისთვის ეს ნიშნავს ვინმესთან თანამშრომლობის დასრულებას, პარტნიორის შეცვლას, კოლეგის წასვლას ან სამსახურის დატოვებას. ზოგიერთისთვის წინა პლანზე გამოვა პირადი ცხოვრება და ურთიერთობა რჩეულთან. მათში რაიმე სახის ტრანსფორმაცია ან საბოლოოდ დაშორება მოხდება. ამასთან, კარგი დროა შერიგებისთვის, თუ ადრე ვინმესთან ნაჩხუბარი იყავით. ასევე კარგია საქმიანი და სამართლებრივი საკითხების დახურვა. სამსახურში შეეცადეთ გაითვალისწინოთ არა მხოლოდ თქვენი ინტერესები, არამედ თქვენი კოლეგებისა და მომხმარებლების საჭიროებები.