3 დეკემბერს დაბადებული ადამიანები - რა არის მათთვის ცხოვრებაში მატერიალურ სარგებელზე მნიშვნელოვანი
დეკემბერი, მეათე თვეა რომაული კალენდრის მიხედვით (ლათინურად decem — ათი), გრეგორიანული კალენდრით კი მეთორმეტე თვედ ითვლება. მისით სრულდება წელიწადი. იგი გარკვეულწილად შემაჯამებელი თვეა, რომელიც საშუალებას გვაძლევს გადავხედოთ მთელი წლის მანძილზე განვითარებულ მოვლენებს და დასკვნები სწორად გამოვიტანოთ, საიმისოდ რომ მომდევნო წელი გაცილებით უფრო წარმატებული იყოს ჩვენთვის. დეკემბერი ქართული წარმართული კალენდრით — ტირისდენი, ქრისტიანობიდან მომდინარე ხალხური სახელწოდება — ქრისტეშობისთვეა. ასტროლოგიურად ეს თვე ორ, რადიკალურად განსხვავებულ ზოდიაქოს ნიშანს - თავქარიან, ოპტიმისტ, მაწანწალა მშვილდოსანს და ფრთხილ, დაკვირვებულ, კონსერვატორ თხის რქას აერთიანებს. რომელთათვისაც საერთო ხასიათის თვისებად, მიზანსწრაფულობა შეიძლება ჩაითვალოს. თუმცა მიზნისკენ სავალი გზები და მეთოდები ორივესთვის სხვადასხვაა.
- როგორია 3 დეკემბერს დაბადებული ადამიანი
3 დეკემბერს დაბადებული ადამიანები, გამომგონებლური ნიჭითა და უზომო ფანტაზიის უნარით არიან დაჯილდოებულნი. მათთვის ცხოვრებაში ფულზე და მატერიალურ სარგებელზე მნიშვნელოვანი, ხშირად საკუთარი იდეალებისკენ სწრაფვაა. ამიტომ მზად არიან დასახული მიზნისკენ უკანმოუხედავად და დაუღლელად იარონ.