16 ნოემბერს სავსემთვარეობაა კუროში - რა გველოდება მომდევნო ორი კვირის განმავლობაში და რას უნდა მივაქციოთ ყურადღება
16 ნოემბერს 01:28-ზე სავსემთვარეობა გველოდება კუროში. მთვარესთანაა მოულოდნელობების პლანეტა ურანიც. კურო, კომფორტისა და მატერიალური სიმდიდრის სიმბოლოა, ხასიათდება სტაბილურობითა და ნდობით. თუმცა, ურანი მას სიურპრიზისა და ცვლილების ელფერს აძლევს. სავსემთვარეობის ენერგია გვიბიძგებს ხელახლა შევაფასოთ ის, რაც გვაძლევს უსაფრთხოებისა და ჰარმონიის შეგრძნებას. სავსემთვარეობაზე საინტერესო სტატიას შეგიძლიათ გაეცნოთ საიტზე. ახლა კი ნახეთ რა გელოდებათ მომდევნო ორი კვირის განმავლობაში და რას უნდა მიაქციოთ ყურადღება
ვერძი
თქვენი ფინანსური მდგომარეობა შეიცვლება: შემოსავლის ზოგიერთი წყარო დასრულდება, მაგრამ გამოჩნდება სხვები. განიხილეთ შემოსავლის დამატებითი წყაროების მოძიება საყვარელ ადამიანებთან, კოლეგებთან ერთად. შესაძლებელია მიიღოთ ანაზღაურება დიდი ხნის წინ შესრულებული სამუშაოსთვის, დაიბრუნოთ ვალი.
კურო
სავსემთვარეობა ხდება თქვენს ნიშანში, პირადად თქვენთან დაკავშირებული მოვლენები იქნება აქტიური. შეიძლება გქონდეთ ახალი ამბიციები, მიზნები ცხოვრებაში, სამსახურში ან რომანტიკული ურთიერთობა ქორწინებით დააგვირგვინოთ, თქვენს რჩეულთან ერთად დაიწყოთ ცხოვრება. ნუ დახარჯავთ ენერგიას იმაზე, რასაც კმაყოფილება არ მოაქვს. თქვენი საკუთარი საჭიროებები და მისწრაფებები გახადეთ პრიორიტეტი.
ტყუპი
მოგინდებათ განმარტოება. მიიღებთ სიცხადეს თქვენს პირად ურთიერთობებში. მიხვდებით, როგორ გამოხვიდეთ კავშირიდან მინიმალური ემოციური დანაკარგებით. რთული საკითხები, რომლებიც აქამდე ვერ გადაწყვიტეთ, მოგვარდება. დაღლილობისა და შინაგანი სიცარიელის განცდა გზას დაუთმობს პოზიტივს, იგრძნობთ ძალის მატებას.
კირჩხიბი
შეძლებთ მკაფიოდ ჩამოაყალიბოთ თქვენი მიზნები, დაინახოთ განვითარების გზები და დასახოთ გრძელვადიანი გეგმები. გამოასწორეთ თქვენი შეცდომები. მეგობრები და კოლეგები ფინანსურად დაგეხმარებიან, მოგცემენ ღირებულ რჩევებს. კარგია გუნდში პოზიციის გაძლიერება, ავტორიტეტის დამკვიდრება.
ლომი
ყურადღება მიაქციეთ კარიერას, საზოგადოებრივ იმიჯს, უფრო თვალსაჩინო გახდებით. მიიპყრობთ ავტორიტეტების, საზოგადოების ყურადღებას. გაიზრდება ამბიციები და წარმატების მიღწევის სურვილი. გამოიყენეთ ეს დრო გრძელვადიანი მიზნების შესაფასებლად და სტრატეგიული ნაბიჯების გადასადგმელად.
ქალწული
სავსე ხართ იდეებით და მათი განხორციელების მონდომებით. შეადგინეთ სამოქმედო გეგმა და გააქტიურდით. შესაძლოა შეგეცვალოთ შეხედულება მნიშვნელოვან საკითხზე. კარგია უცხო ენების, სხვა კულტურების, ისტორიისა თუ რელიგიების შესასწავლად. გახშირდება კონტაქტები უცხოელ პარტნიორებთან, საზღვარგარეთ მცხოვრებ ადამიანებთან.
სასწორი
იწყება თქვენი შინაგანი სამყაროს ტრანსფორმაცია. ზოგიერთი დაძაბული მომენტი და შეგრძნება წარსულში დარჩება, ძალას და ენერგიას აღარ წაგართმევთ. ეს შეიძლება იყოს ძველი შიშები, გაურკვევლობა, ფსიქოლოგიური პრობლემები. ფინანსური საკითხების მოგვარება თქვენი მთავარი ამოცანა უნდა იყოს. ნუ მოერიდებით პასუხისმგებლობის აღებას, სირთულეებს.
მორიელი
მნიშვნელოვანი ცვლილებები გელოდებათ პარტნიორულ ურთიერთობებში. შესაძლოა გაიზარდოს კონფლიქტები, დაძაბულობა. გირჩევთ, ბალანსი და ჰარმონია გქონდეთ ურთიერთობაში. გულწრფელი კომუნიკაცია და კომპრომისი აუცილებელია პრობლემების გადასაჭრელად და კავშირების გასაძლიერებლად. მარტოხელები შეიძლება შეხვდეთ პოტენციურ პარტნიორებს.
მშვილდოსანი
გადაწყვეტთ გაზარდოთ ან შეამციროთ თქვენი პროფესიული დატვირთვა ან გადახვიდეთ დისტანციურზე. ზოგიერთს მოგინდებათ სამუშაოს შეცვლა, ახალი სპეციალობის სწავლა ან საკუთარი ბიზნესის დაწყება. დაასრულეთ საქმე ან ვალდებულება, რომელიც ადრე გქონდათ აღებული. მიიღებთ გამოკვლევის ან მკურნალობის საბოლოო დიაგნოზს.
თხის რქა
ნახავთ თქვენი მუშაობის შედეგებს ან შეცდომებს, რომლებიც უნდა გამოასწოროთ. პრიორიტეტული გახდება ბავშვების აღზრდის საკითხები, საყვარელ ადამიანებთან ურთიერთობა. საინტერესო შემოქმედებით იდეებს განახორციელებთ. დაოჯახებულებისთვის ურთიერთობები გაუმჯობესდება, ყველა სირთულე წარსულში დარჩება. შესაძლებელია ცვლილებები მეგობრულ ან პროფესიულ კონტაქტებში. შვილებისგან კარგ ამბებს მიიღებთ.
მერწყული
გაძლიერდება კავშირი საყვარელ ადამიანებთან, სახლში ჰარმონიულ გარემოს შექმნით. შეეხმიანეთ ნათესავებს, რომლებთანაც დიდი ხანია არ გქონიათ ურთიერთობა. მოგინდებათ სახლის დალაგება, გადაკეთება. ხელსაყრელი პერიოდია საცხოვრებელი ადგილის შესაცვლელად. ზოგიერთს ახლობლების პრობლემების მოგვარება მოგიწევთ.
თევზები
მეგობრობა და პირადი ურთიერთობები, საქმიანი კონტაქტები და ოჯახთან ურთიერთობა პირველ ადგილზე იქნება. უნდა მოაგვაროთ ყველა ძველი კონფლიქტი და საკამათო საკითხი, ზოგიერთს კი სამუდამოდ უნდა დაშორდეთ. ნუ შეგეშინდებათ ადამიანებთან განშორების: მათ მალე ჩაანაცვლებთ ახალი ნაცნობებით. კარგია მოგზაურობა და შეხვედრები.