თბილისში ძლიერი ქარი ამაღამ შესუსტდება. როგორც "ინტერპრესნიუსს" სინოპტიკოსმა აზა გოგობერიშვილმა განუცხადა, ხვალ დასავლეთ საქართველოში უმეტესად უნალექო ამინდია მოსალოდნელი. აღმოსავლეთის ქარი 10-15 მ/წმ იქნება, ტემპერატურა დაბლობში +13 - +18 გრადუსი, მთაში + 8 - + 13, მაღალ მთაში კი + 8 გრადუსი იქნება.
აღმოსავლეთ საქართველოში უმეტესად უნალექო ამინდია მოსალოდნელი, სუსტი ქარი. ჰაერის ტემპერატურა ბარში + 10 - +15 , მთაში + 7 – + 12, მაღალ მთაში + 5 - + 10 გრადუსი იქნება.
რაც შეეხება თბილისს, ასევე უნალექო ამინდი და სუსტი ქარია მოსალოდნელი, ჰაერის ტემპერატურა კი + 14 გრადუსამდე აიწევს.
