მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მურმან დუმბაძე - მომაცილეთ ბათუმის ინფექცია მერაბ ღოღობერიძე
08:54 / 10-03-2014
პარლამენტის ვიცე-სპიკერი, მურმან დუმბაძე მის მიერ მერაბ ღოღობერიძისთვის ფიზიკური შეურაცხყოფის მიყენებას კატეგორიულად უარყოფს.
როგორც მურმან დუმბაძემ "ინტერპრესნიუსს" განუცხადა, მერაბ ღოღობერიძე შეურაცხადია და პირადად მას სამსახურებრივი უფლებამოსილების განხორციელებაში უშლის ხელს.
"საქმე გვაქვს სერიოზულ, ვირუსულ დაავადებასთან ბათუმში. ეს კაცი ბოლო 5-6 თვის განმავლობაში პირადად ჩემი სამსახურებრივი უფლებამოსილების განხორციელებას უშლის ხელს. მე ვერ მიბედავს პირადად, სადაც დამინახავს გარბის, მაგრამ, შეუძლია ბიუროს კარებთან, სადაც მე ვმუშობ, მოვიდეს, აჭედოს, კვერცხები ესროლოს. შეუძლია პოლიციას დედა აგინოს იმის გამო, რომ რატომ არის აქ ეს კაცი, რატომ მუშაობსო. სახლში ამოვიდა ჩემთან და ეკლესიის მაკეტი დაწვა. ეს არის ფსიქიკურად ავადმყოფი", -განაცხადა დუმბაძემ.
მისივე თქმით, ის პირადად "ფეისბუქს" იშვიათად ნახულობს, თუმცა უთხრეს, რომ ღოღობერიძის მიერ მისი მისამართით ადგილი ჰქონდა დედის გინებას. "საკანონდებლო ხარვეზია, მესმის, რომ ჩვენ თმენის ვალდებულება გვაქვს, მაგრამ დედის გინება მოუთმენელია. ჩემი პირადი სუბიექტური აზრია, რომ ის ვინც დედას შეგაგინებს, პასუხი აუცილებლად გაეცით", – აღნიშნა დუმბაძემ.
მისივე მტკიცებით, ფიზიკურ შეურაცხყოფას დღეს ადგილი არ ჰქონია არც მისი მხრიდან და არც მსგავსი დაუნახავს.
"მაგრამ, მე არ მაქვს პასუხისმგებლობა აღებული სხვაზე, ჩემი შვილი იქნება მეგობარი თუ მხარდამჭერი, ვისაც ღირსება და პატივი აქვს. არ გამოვრიცხავ, რომ ის ხვალ, ზეგ ვინმემ სცემოს. ამ კაცის იზოლაციაა საჭირო. როდესაც სახელმწიფო არის უძლური, ადამიანები თავის თავს იცავენ. პროკურატურა, სამმართველო, პოლიცია, ადგილობრივი უბანი, ყველა გაფრთხილებული მყავს – მომაცილეთ ეს კაცი, რომ სამსახურებრივი უფლებამოსილება განვახორციელო. მე სიტყვიერად მივმართე ყველას. ერთი კვირის წინ კი პოლიციის მთავარ სამმართველოს მივმართე. ღურტაში რომ შეხლა-შემოხლა მოხდა, მოქალაქეებსა და პოლიციას შორის, მისი ორგანიზებულია. ინფექციაა ეს კაცი, ჩე გევარა გახდა. სულიერად ავადმყოფია და სახელმწიფომ ღონისძიებები უნდა გაატაროს, რომ თანამდებობის პირები დაგვიცვას. თორემ, პასუხისმგბელობას ვერ ავიღებ, დედის გინების გამო ვერ გავჩერდები. მე თავს ვალდებულად მივიჩნევ ჩემი ოჯახი და ღირსება დავიცვა", - განაცხადა დუმბაძემ.
ხელვაჩაურში ადგილობირივ თვითმმართველობის არჩევნებისთვის "თავისუფალი საქართველოს" სიის პირველი ნომერი მერაბ ღოღობერიძე პარლამენტის ვიცე-სპიკერ მურმან დუმბაძეს შეურაცხყოფის მიყენებაში ადანაშაულებს.
როგორც ღოღობერიძემ "ინტერპრესნიუსს" განუცხადა, ბათუმში, მემედ აბაშიძისა და ასათიანების ქუჩების კვეთასთან მეგობრებს ესაუბრებოდა, რა დროსაც ავტომობილი სანომრე ნიშნით "DUM 777" გაჩერდა, გადმოვიდა მურმან დუმბაძე და მისი ძმა და მას "გაუსწორდნენ".
"ავტომობილი გაჩერდა, საიდანაც გადმოვიდნენ მურმან დუმბაძე და მისი ძმა ნუგზარ დუმბაძე. მურმან დუმბაძემ დედა შემაგინა, ხოლო მისი ძმა მომიახლოვდა და ფიზიკურად შემეხო. მოხდა ჩვენს შორის დაპირისპირება. ადგილზე გამოვიძახე საპატრულო პოლიცია, რომელიც კონფლიქტის დეტალებს არკვევს", - აღნიშნა მერაბ ღოღობერიძემ.
როგორც ღოღობერიძე აცხადებს, შემთხვევა დააფიქსირეს აღნიშნულ ქუჩებზე განთავსებული ობიქტების ვიდეოკამერებმა.
აღსანიშნავია, რომ გასულ კვირას მერაბ ღოღობერიძემ მურმან დუმბაძის შვილთან სატელეფონო საუბრის ჩანაწერი გამოაქვეყნა, რომელშიც მუხრან დუმბაძე "თავისუფალი საქართველოს" წარმომადგენელს შეხვედრას სთხოვს და შეურაცხმყოფელი სიტყვებით მიმართავს.
ინციდენტთან დაკავშირებით სისხლის სამართლის საქმე აღიძრა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
