"პუტინის მედია არაა მთელი რუსეთი" - გოგი გვახარია სოჭის ოლიმპიადის გაშუქებაზე

კინომცოდნე და რადიო "თავისუფლების" ბლოგერი გოგი გვახარია "ფეისბუქის" პირად გვერდზე წერს, რომ რუსეთის საბჭოთა ისტორიის 70-იან წლებში დაბრუნდა. ბლოგერი სოჭის ოლიმპიადის გაშუქებას აფასებს.

"დღეს "როსია 1"-ზე ოლიმპიადა დაიწყო (ფიგურული სრიალის მოკლე პროგრამები, გუნდური შეჯიბრი). დიდი ხანია არ მომისმენია ასე ხანგრძლივად რუსი კომენტატორებისთვის და არც პუტინის ტელევიზიის რომელიმე გადაცემა მინახავს. ალბათ ერთი 10 წელია.

მე მგონი ეს ქვეყანა არ მარტო საბჭოთა კავშირში, არამედ საბჭოთა ისტორიის კონკრეტულ დროში - 70-იან წლებში დაბრუნდა.

მერე ფიგურული სრიალის რუსულ ფორუმზე შევედი და მოულოდნელად ვნახე რომ ფორუმზე დარეგისტრირებული ხალხი ზუსტად იგივეს წერდა პუტინის ტელევიზიის მოფაშისტო კომენტატორებზე. დასცინოდნენ და ყვებოდნენ როგორ ეძებდნენ სხვა არხებს, სხვა ქვეყნების არხებს იმისთვის, რომ ამ იდიოტებისთვის არ მოემინათ.

ეს იმას ნიშნავს, რომ პუტინის მედია არამც და არამც არაა მთელი რუსეთი. რომ იმ ქვეყანაში ცხოვრობენ ადამიანები, რომლებიც აუცილებლად გადალახავენ შიშს და ბოლოს მოუღებენ მარაზმს, რომლის ერთ-ერთი გამოვლინება იყო ეს რეპორტაჟი - სიძულვილით აღსავსე ყველა არარუსის, განსაკუთრებით ამერიკელების მიმართ და ისტერიული, სრულიად მანიაკალური პატრიოტიზმით:)", - წერს გვახარია.

"სოჭი 2014"-ის გახნის ოფიციალური ცერემონია დღეს 20:00 საათზე გაიმართება.

იხილეთ ასევე: თენგიზ გაჩეჩილაძე სოჭიდან: 50 წუთი... ოლიმპიადამდე