მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სავარაუდო მოტივი, რის გამოც "მიცკევიჩზე" ექიმმა და პაციენტმა ერთმანეთი დახოცეს
08:48 / 28-01-2014
2014 წლის 27 იანვარს მიცკევიჩის ქუჩაზე, დედათა და ბავშვთა სამკურნალო-პროფილაქტიკურ ცენტრთან მომხდარ ტრაგედიას ცენტრის ექიმ-დერმატოლოგის ზურაბ ბენდელიანის და მისი პაციენტის, ანზორ ბეკურაშვილის სიცოცხლე ემსხვერპლა. ცნობილია მხოლოდ ის, რომ ცენტრის ექიმმა ზურაბ ბენდელიანმა ცეცხლსასროლი იარაღით მისივე პაციენტი მოკლა. მანამდე კი პაციენტმა ცენტრის შენობაში, იმ ოთახში, სადაც ექიმი ბენდელიანი იმყოფებოდა, ასაფეთქებელი მოწყობილობა შეაგდო. არსებული ინფორმაციით, ექიმმა პაციენტს ცეცხლსასროლი იარაღი ესროლა, თუმცა ოთახში გაჩენილ ხანძარს თავი ვერ დააღწია და დაიწვა. ამ დრომდე უცნობი იყო მოტივი, რის გამოც ტრაგედია დატრიალდა.
Ambebi.ge-სთვის "მიცკევიჩის" ტრაგედიის ახალი დეტალები გახდა ცნობილი. ერთ-ერთი ვერსიით, 30 წლის პაციენტი ანზორ ბეკურაშვილი ექიმ-დერმატოვენეროლოგ ზურაბ ბენდელიანთან 1 წლის განმავლობაში მკურნალობდა. ერთწლიანი მკურნალობა უშედეგო აღმოჩნდა. პაციენტის აზრით, არასწორმა მკურნალობამ დაავადების გართულება გამოიწვია; სავარაუდოდ, სწორედ ამის გამო, იმედგაცრუებულმა პაციენტმა გადაწყვიტა, ექიმზე შურისძიების რადიკალური ხერხისთვის მიემართა. ამ ვერსიას ადასტურებს მანქანაში ნაპოვნი წერილი, რომელშიც ანზორ ბეკურაშვილი დედას მიმართავდა: "დედა, მაპატიე. ტკივილს ვეღარ ვუძლებ და სანამ მე მოვკვდები, მოვკლავ იმას, ვინც ამ დღეში ჩამაგდო".
საუბრობენ იმის შესახებაც, რომ ექიმისთვის ცნობილი იყო პაციენტის ზრახვები და ის თავდაცვისთვის ემზადებოდა. ამ ვერსიას ამყარებს ის ფაქტი, რომ იმ მომენტში, როდესაც მასთან შურისძიებისთვის მისული ანზორ ბეკურაშვილი ასაფეთქებელი მოწყობილობით შეიჭრა, ექიმს სამსახურში თან ჰქონდა ცეცხლსასროლი იარაღი.
გარდაცვლილების გვამები ოჯახებში უკვე გადაასვენეს. მიცკევიჩის ქუჩაზე მომხდარ შემთხვევაზე სისხლის სამართლის საქმე 109-ე მუხლით აღიძრა. საქართველოს შინაგან საქმეთა სამინისტროს მომხდარზე გამოძიება უკვე დაწყებული აქვს. სამინისტროს ინფორმაციით, საქმე დამამძიმებელ გარემოებებში ჩადენილი განზრახ მკვლელობის მუხლით აღიძრა.
ასევე დაგაინტერესებთ:
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
