8
მაისიდღის ზოგადი ასტროლოგიური პროგნოზი
ორგანიზაცია Oxfam-მა გამოაქვეყნა ქვეყნების რეიტინგი, რომელიც ასახავს, თუ როგორ იკვებება მსოფლიოს მოსახლეობა. ყველაზე კარგად ამ მხრივ, თავს ნიდერლანდების მაცხოვრებლები გრძნობენ, ყველაზე ცუდად კი ჩადის მოქალაქეები.
ექსპერტებმა შეაფასეს, ხელმისაწვდომია თუ არა ადამიანებისთვის საჭირო რაოდენობის საკვები, როგორია პროდუქტების ხარისხი და რამდენად გავრცელებულია საკვების მიღებასთან დაკავშირებული დაავადებები.
აღმოჩნდა, რომ ნიდერლანდებში პროდუქტებზე ფასები დაბალია, ქვეყნის მოსახლეობის რაციონი საკმაოდ მრავალფეროვანია, ხოლო დიაბეტის გავრცელების დონე - დაბალი. მაგრამ, აქ საკმაოდ მაღალია სიმსუქნის დონე - თითქმის ყოველი მეხუთე მკვიდრის სხეულის მასის ინდექსი 30-ს (ნორმა 18-25-ია) აღემატება. ნიდერლანდებს საფრანგეთი, შვეიცარია, დანია, შვედეთი, ავსტრია, ბელგია, ირლანდია, იტალია და პორტუგალია მოსდევს.
ცენტრალური აფრიკის ქვეყანა ჩადში კი არაჯანსაღ საკვებს იღებენ და ის მაღალი ფასით გამოირჩევა. პროდუქტების მომზადებისას არ არის დაცული ჰიგიენური ნორმები. ჩადში ყოველ მესამე ბავშვს არასაკმარისი წონა აქვს. ამ ქვეყანას ეთიოპია და ანგოლა მოსდევს. რეიტინგის ბოლოს ასევე აღმოჩნდნენ სხვა აფრიკული ქვეყნები და იემენი.
კვლევამ აჩვენა, რომ საკვები ყველაზე ხელმისაწვდომი აშშ-შია. ყველაზე ხელმიუწვდომი კი - ანგოლაში. საუკეთესო ხარისხის საკვები - ისლანდიაშია, ხოლო ყველაზე უვარგისი - მადაგასკარზე. დიაბეტის ყველაზე მაღალი დონე საუდის არაბეთშია (18%-ს დიაბეტი აქვს ხოლო მოსახლეობის მესამედს ზედმეტი წონა), ზედმეტი წონა ყველაზე მეტად კუვეიტში აწუხებთ (42%). აშშ-სა და ეგვიპტეში მოსახლეობის მესამედი ჭარბწონიანია.
საშუალო შემოსავლიან ქვეყნებში ჭარბწონიანობის საკითხი ასევე აქტუალურია. ყველაზე შემაშფოთებელი მაჩვენებლები ფიჯიზე, მექსიკაში და ვენესუელაშია. თითქმის არ აწუხებთ ზედმეტი წონა ბანგლადეშში, ნეპალსა და ეთიოპიაში. კვლევაში ჩართული არ იყო კუნძული ნაურუ, სადაც მოსახლეობის 71% ჭარბწონიანია.
საკვების უკმარისობას განსაკუთრებით განიცდის ბურუნდი (მოსახლეობის 67% ცუდად იკვებება, ხოლო ბავშვების 35%-ს არასაკმარისი წონა აქვს). მას მოსდევს იემენი, ინდოეთი, მადაგასკარი. ინდოეთში ბავშვების 44%-ს წონის უკმარისობა აქვს.
მომზადებულია Meddaily.ru-ს მიხედვით.
საქართველო არ იყო მაგ რეიტინგში? დაგეწერათ ორიოდ სიტყვით.