მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ აფასებს იულია ქავთარაძეს მისი თანაქალაქელი
04:09 / 25-12-2013
"ცეკვავენ ვარსკვლავები" ფინალს მიუახლოვდა. ამიტომ, მინდა, მასში ყველაზე ძლიერი კონკურსანტის, იულია ქავთარაძის მონაწილეობას კიდევ ერთხელ შევეხო.
კარგად მახსოვს ამ შოუს მაყურებლის პირველი შოკი, როდესაც შეიტყო, რომ პროექტში უკრაინაში გაზრდილი, სკანდალური იმიჯის მქონე, უკრაინელების მიერ სექსიმბოლოდ აღიარებული ქართველი მომღერალი - იულია ქავთარაძე მიიღებდა მონაწილეობას. მას მერე, ყველანი მოუთმენლად ელოდნენ მის ეკრანზე გამოჩენას. იულიამ გაამართლა იმედები, შესანიშნავად წარსდგა ქართველი მაყურებლის წინაშე, უძლიერესი კონკურსანტი აღმოჩნდა, რომელსაც ასევე არაჩვეულებრივ პარტნიორობას პროფესიონალი მოცეკვავე ოთო ფოლადაშვილი უწევდა... ქართველი უკრაინელის ცეკვა ყველას მოსწონდა, მას ვარსკვლავები სერიოზულ კონკურენტად მიიჩნევდნენ, მაგრამ ძალიან მალე იულიამ შოუ დატოვა, რადგანაც ესემესები ვერ დააგოვა. ეს ფაქტი მაშინ იმით ახსნეს, რომ იულია საქართველოსთვის ახალი ვარსკვლავი იყო და აქ მას ბევრი გულშემატკივარი არ ჰყავდა...
თუმცა შოუს მიღმა დარჩენილი ვარსკვლავის გარშემო დიდი ამბავი ატყდა, - ადამიანები მის პროექტში დაბრუნებას მოითხოვდნენ. ამის დასტურად, "ფეისბუქზე" გვერდიც კი შეიქმნა, მაგრამ პროექტის მკაცრი წესები ამას ვერ დაუშვებდა. შოუს პროდუსერი, ნოე სულაბრიძე კი ამბობდა, - თუ ასე გინდოდათ იულიას "ვარსკვალვებში" ყოფნა, თავის დროზე დაგემესიჯებინათო...
აი, რას ამბობს და როგორ აფასებს მას ალიონა შოპტენკო, "ცეკვავენ ვარსკვლავების" უკრაინელი ქორეოგრაფი:
- იულიამ კონკურსი ადრე დატოვა...
- ორივე კიევიდან ხართ. ერთმანეთს უკრაინიდან იცნობთ?
- კიევში და ზოგადად უკრაინაში, ბევრი ხალხი ცხოვრობს და ამის ფონზე იქ ნამდვილი ვარსკვლავებიც ცოტანი არიან (ეს ჩემი აზრია)... მე და იულია კიევში ერთმანეთს ახლოს არ ვიცნობდით, თუმცა ერთამანეთზე გარკვეული ინფორმაცია გვქონდა. ჩვენ თბილისში დავახლოვდით. მოკლედ, ის, რომ იულია ჩვენი კუთხიდან არის, მას არაფერში წაადგა და დაეხმარა... კარგად ცეკვავდა და პროექტში დიდხანს უნდა ყოფილიყო, მაგრამ სამწუხაროდ, აქ ნაკლებად იცნობდნენ და ალბათ, ეს არის მისი პროექტიდან გაგდების მიზეზიც. არ დაუმესიჯეს... არ იცნობდნენ და სათანადოდ არ დააფასეს. ასე რომ, ესეც ერთი ნიმუშია იმისა, რომ ყველაფერს ესემესები წყვეტს... მოკლედ, ადამიანს თავისი ქარიზმა სჭირდება და ის მასობრივად უნდა უყვარდეთ...
- კი, მაგრამ იულიამდე პროექტიდან (მიმაჩნია, რომ ძალიან ადრე), მასობრივად ცნობილი და საყვარელი მსახიობი ნოდარ გურგენაშვილიც გავარდა. ის ჩვენში ძალიან პოპულარულია. თუ იულიას ქართველი მაყურებელი ახლოს არ იცნობდა, ნოდარი ხომ უყვარს?
- კი, მართალია... ნოდარის შემთხვევაშიც გული დამწყდა... და მიმაჩნია, რომ რაღაც უცნაური რამ მოხდა...
- რას იტყვით, როგორ ცეკვავდა?
- მეგონა, რომ ნოდარ გურგენაშვილიც უფრო დიდხანს იქნებოდა პროექტში. რაც შეეხება ცეკვას, ის ყველაფერს რაღაც სხვანაირად, თავისებურად აკეთებდა (სიცილით ამბობს)... შოუს ასეთი კონკურსანტი სჭირდება...
ნოდარი ძალიან კარგი ადამიანია... ვიცი, რომ აქ პოპულარულ სერიალში იღებდნენ და პოპულარული მსახიობია, მაგრამ ხანდახან უცნაური რაღაცებიც ხდება ხოლმე...
ლალი ფაცია
სპეციალურად "ამბები.გე"-სთვის
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
