ზუგდიდში დევნილთა საცხოვრებლის კედელი ჩამოინგრა

ზუგდიდში, მოსკოვის ქუჩაზე მდებარე საცხოვრებელ სახლში, სადაც ცხრა დევნილი და ერთი ადგილობრივი ოჯახი ცხოვრობს, კედელი ჩამოინგრა. ნგრევას მსხვერპლი რა მოჰყოლია. ზუგდიდის სახანძრო-სამაშველო სამსახურის უფროსის, თამაზ უბილავას განცხადებით, შენობაში კედელი 2 თვის წინ გაჩენილი ხანძრის შედეგად იყო დაზიანებული.

ზუგდიდის გამგებლის მოადგილის მოვალეობის შემსრულებელის, გურგენ სართანიას განცხადებით, ოჯახები აქ ცხოვრებას ვერ გააგრძელებენ, რადგან მათ სიცოცხლეს საფრთხე ემუქრება. "ჩვენ მათ დეკემბრის ბოლოს ჩავასახლებთ ხუბულავას ქუჩაზე მდებარე ყოფილ სააფთიაქო შენობაში", - აღნიშნა სართანიამ.

გამგებლის ინფორმაციით, ამ დროისთვის შენობას საქართველოს ოკუპირებული ტერიტორიიდან იძულებით გადაადგილებულ პირთა განსახლებისა და დევნილთა სამინისტრო არემონტებს.

იხილეთ ვრცლად

livepress.ge