ჟურნალისტ გიორგი ღონღაძის დედა გარდაიცვალა

ჟურნალისტ გიორგი ღონღაძის დედა ლესია ღონღაძე 69 წლის ასაკში გარდაიცვალა.

"ლესია ღონღაძე იყო ძლიერი ქალბატონი. უკრაინის პატრიოტი ქალი, რომელმაც არაჩვეულებრივი ვაჟი გაზარდა -  უკრაინის ნაციონალური, სახელმწიფოებრივი და დამოუკიდებლობის იდეის ნამდვილი დამცველი... მთელი ლვოვი გლოვობს",- ნათქვამია ქალაქის მერის ანდრეი სადოვის განცხადებაში.

ლესია ღონღაძე (კორჩაკი) ლვოველი იყო. მამამისი თეოდორ კორჩაკი დასავლეთ უკრაინაში პირველი რადიოტექნიკოსი იყო. თავად ლესია ღონღაძე კი სპეციალობით ექიმი გახლდათ.

ოპოზიციური ინტერნეტ-გამოცემა "უკრაინსკაია პრავდას" ხელმძღვანელი გიორგი ღონღაძე კიევში 2000 წლის სექტემბერში გაიტაცეს. ორი თვის შემდეგ ტყეში მისი თავმოკვეთილი თავი და ცხედარი იპოვეს.

მომზადებულია interfax.com.ua-ს მიხედვით.