მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ აუხსნეს სიყვარული მაშო მელქაძეს
23:10 / 04-11-2013
მსახიობმა მაშო მელქაძემ მაყურებელს თავი "კომედი შოუდან" დაამახსოვრა. ის და ეკა აბშილავა სუსტი სქესის პირველი წარმომადგენლები იყვნენ, რომლებიც იუმორისტებმა საკუთარ ჯგუფში აიყვანეს. ახლა მაშო ყველაზე პოპულარულ სერიალ "ჩემი ცოლის დაქალებში" თამაშობს. მისი გმირი პრანჭია და გულუბრყვილო გოგონაა. მაშო ზაფხულში დედა გახდა და სერიალში მონაწილეობა 4 დღის კატომაც მიიღო.
- კატოს ძიძის გარეშე ვზრდი. დედობა ყველაზე ძლიერი გრძნობა ყოფილა, თითქოს ხელახლა დავიბადე, მივხვდი, რომ აქამდე არ მიცხოვრია. ცხოვრების სტილიც შევიცვალე, ძირითადად, სულ შინ ვარ, მხოლოდ ძალიან ახლო მეგობრის დაბადების დღეზე თუ მივდივარ. ადრე თუ კაფეში დავდოდი მეგობრებთან ერთად, ახლა ჩემთან მოდიან სტუმრად. გადაღებებზე ორსულობის დროსაც დავდიოდი, სხვა საქმე მაშინ არ მქონდა და კვირაში ერთხელ გადაღებაზე წასვლა სასიამოვნოც კი იყო. სერიალში ჩემი შვილიც მონაწილეობდა - 4 დღის იყო კატო, როცა ამადეუსის როლი ითამაშა.
- რითი გგავს შენი პერსონაჟი?
- სცენარი ისე არის შედგენილი, რომ ამ პატარა როლში დიდი აზრი დევს, პატარ-პატარა მინიშნებები არის. ვგავარ იმით, რომ ჩემნაირად გულუბრყვილოა. ის მოდაზე, მასაჟსა და გაპრანჭვაზეა ორიენტირებული. ზედმეტად შტერია, მე კი სხვა ინტერესები მაქვს. ჩემთვის მთავარი შვილი და ოჯახია.
- მეუღლე, ოპერატორი დავით ქელეხსაშვილი შენს როლზე შენიშვნებს გაძლევს?
- არანაირ შენიშვნას არ მაძლევს, ერთხელ მითხრა ჩემს პერსონაჟზე, ცოტას ხომ არ აჭარბებსო, მაგრამ მე ასე არ ვფიქრობ, რადგან გარშემო ნინისნაირი გოგონა ბევრია.
- რაზე კამათობთ?
- ყველაფერზე, მაგრამ, ღვთის წყალობით, სერიოზულად ჯერ არ გვიჩხუბია. 8 წელია დათოს ვიცნობ, ჩვენი ურთიერთობა სიყვარულში შარშანწინ გადაიზარდა. კაფეში ვიყავი მეგობრებთან ერთად, დათოც იქ იყო, სახლში მან გამაცილა და იმ დღესვე მითხრა, მიყვარხარო, ვერც წარმომედგინა, აღმოჩნდა, რომ მანამდეც ვუყვარდი. მეც დავფიქრდი და მას შემდეგ 5 თვე ვიყავით შეყვარებულები.
- ყურადღებიანი მეუღლე ხარ?
- არ დაიჯერებთ და, კარგი მეოჯახე ვარ. კერძებსაც ვამზადებ, ტანსაცმელსაც ვრეცხავ, ვაუთოვებ და სახლსაც ვალაგებ. სულ ვცდილობ, დათოს ყურადღება არ მოვაკლო, განსაკუთრებულს არაფერს ვაკეთებ მისთვის ყოველდღიურობის გამრავალფეროვნებისთვის, მე თვითონ ვარ ისეთი მრავალფეროვანი ადამიანი, რომ არ მგონია "ბრელოკა" ერთფეროვნებამ დაღალოს (იცინის).
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
