7
მაისიდღის ზოგადი ასტროლოგიური პროგნოზი
კონკურს World Beer Awards-ის ჟიურიმ 2013 წლის საუკეთესო ხარისხის ლუდი გამოავლინა. წელს საუკეთესო ლუდად ჩეხური Primator Weizenbier დასახელდა. მასვე ერგო ჯილდო საუკეთესო ხორბლის ლუდის კატეგორიაში.
საუკეთესო Lagerbier-ი (დაძველებული ლუდი) ინგლისური Sharp's Cornish Pilsner-ი გახდა, ხოლო საუკეთესო მუქ ლუდად - ბელგიური Malheur 12 დასახელდა.
ნომინაციაში Pale Ale (ღია ფერის ლუდი) ლიდერი ფრანგული Maison de Brasseur Thou-ია. ხოლო იაპონურმა Minoh Beer Imperial-მა გაიმარჯვა კატეგორიაში სტაუტი (მუქი ლუდი, რომელიც მოხალული ალაოს, კარამელის ალაოსა და მოხალული ქერის გამოყენებით მზადდება).
ასევე დაჯილდოვდნენ: ბელგიური Lindemans Old Kriek Cuvée René (ნომინაცია sour beer), იაპონური შებოლილი ლუდი Tazawako Beer Rauch (არომატიზებულებში) და კანადური Le Trou du Diable La Bretteuse Brassin Special (სპეციალური ტექნოლოგიით მოხარშული ლუდი).
ჟიურიმ ლუდის საუკეთესო ეტიკეტიც აირჩია - იგი ამერიკულ Deschutes The Dissident-ზეა.
კომერციული კონკურსი World Beer Awards-ი ბრინატულმა კომპანია Paragraph Publishing-მა 2007 წელს დააარსა და ის ერთადერთი მსგავსი ღონისძიება არ არის. ლუდის ერთ-ერთ ყველაზე ავტორიტეტულ კონკურსად მიიჩნევა ასევე International Brewing Awards-ი, რომელიც 1886 წლიდან ტარდება.
მომზადებულია lenta.ru-ს მიხედვით.
