12
მაისიდღის ზოგადი ასტროლოგიური პროგნოზი
სოციალურ ქსელ "ფეისბუქში" ლადო ბედუკაძე ერეკლე დეისაძეს დაუპირისპირდა. სამოქალაქო ჩართულობის ცენტრმა დღეს ფილარმონიასთან აქცია სახელწდებით - "არ აწამო" დაგეგმა. აქციის გვერდზე მწერალმა ერეკლე დეისაძემ დაწერა :" ლადო ბედუკაძეც მოდის ამ აქციაზე? რა კარგია სამართლიანობა აღდგა, ფილარმონიიდან რუსთაველამდე" . ამ მინაწერს ლადო ბედუკაძემ უპასუხა და დეისაძეს "ურჩია" მისი სახელის ხსენების დროს დაფიქრებულიყო.
ამ დიალოგს გაგრძელება მოჰყვა. დეისაძემ ბედუკაძეს უპასუხა და დაწერა, რომ მას თუ "სირობიდან" (იგულისხმება წიგნი "საიდუმლო სირობა") იცნობენ, ბედუკაძე წამების კადრებითაა ცნობილი. "მე სირობიდან მიცნობ და მე აქედან გიცნობთ, ისე დარწმუნებული ვარ ღმერთს მე უფრო ვუყვარვარ, იმიტომ რომ ცხოვრებაში არავინ მიწამებია "- აღნიშნა დეისაძემ, რაზეც ბედუკაძემ უპასუხა, რომ "სიამოვნებით აწამებდა ნაც. ხროვას".
"ეგ რა ქენი ...ღმერთიც გწამს? ისე ჩემი ნება რომ იყოს სიამოვნებით ვაწამებდი ასეთი მეთოდებით მთელს ნაც.ხროვის ელიტას, ვინც ქვეყანა ასეთ დღეში ჩააგდო ერეკლე-ბოკერიადან დაწყებული - სააკაშვილამდე დამთავრებული, თუნდაც იმიტომ რომ თქვენნაირ ხალხს ამ ქვეყანაში "მწერლებად " აღიარებენ! "- დაწერა ბედუკაძემ "ფეისბუქზე".
ბედუკაძის ამ კომენტარს სოციალური ქსელის მომხმარებლებიც გამოეხმაურნენ და აღნიშნეს, რომ მას მორალური უფლება არ აქვს მსგავს აქციას დაესწროს და წამება გააპროტესტოს, თუნდაც იმიტომ რომ "სიამოვნებით" აწამებდა ნაც. ხროვას".
"სულ რომ ცამდე მართალი იყოთ, ცოტა დაუფიქრდით და მერე მიხვდებით რომ თუნდაც ამ კომენტარის გამო არ გაქვთ მორალური უფლება წამება გააპროტესტოთ ;)) "სიამოვნებითო" მაინც არ გეთქვათ, კაცო :დ"- წერს "ფეისბუქის" ერთ-ერთი მომხმარებელი.
