მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როდის გაიზრდება საქართველოში პენსია 500 ლარამდე
00:12 / 15-09-2013
სექტემბრიდან საქართველოში სახელმწიფო პენსიის ოდენობა 125 ლარიდან 150 ლარამდე იზრდება. სოციალური დახმარება ეზრდებათ შეზღუდული შესაძლებლობების მქონე პირებს, მარჩენალდაკარგულ ოჯახებს და სხვებს. რა რესურსი აქვს სახელმწიფოს ამ თანხის გასაცემად? - ამ საკითხის განხილვა საქართველოს პარლამენტის წევრს, დარგობრივი ეკონომიკისა და ეკონომიკური პოლიტიკის კომიტეტის თავმჯდომარის მოადგილე თემურ მაისურაძეს ვთხოვეთ.
- ბატონო თემურ, ხომ არ გამოიწვევს მოსახლეობაში ამ რაოდენობის ფულის გაცემა ინფლაციურ პროცესებს?
- ის, რომ პენსიები და სოციალური დახმარებები იზრდება, კარგია, მაგრამ სახელმწიფოსათვის ეს ძალიან რთულია იმიტომ, რომ ჩვენი სახელმწიფოს შემოსავალი არც ისე დიდია - დასაქმებულ პირთა მიერ გადახდილი საშემოსავლო გადასახადი ვერანაირად ვერ შეესაბამება სახელმწიფოს მიერ გასაცემი თანხის ოდენობას. აქედან გამომდინარე, სახელმწიფოში უნდა დასაქმდეს რაც შეიძლება მეტი ადამიანი, რაც შეიძლება ბევრი მოქალაქე უნდა გახდეს საშემოსავლო გადასახადის გადამხდელი და მაშინ ეს პრობლემაც აღარ გვექნება. როცა ქვეყანაში დასაქმებულთა რაოდენობა მოიმატებს და ნაკლები ადამიანი იქნება სახელმწიფოს კისერზე, მაშინ პენსიაც გაიზრდება და არა 240, ან 250 ლარამდე, არამედ 400 და 500 ლარამდეც კი.
- ითქვა, რომ პენსიის მატება 681 392 პენსიონერს შეეხება, ეს რიცხვი 25-ზე რომ გავამრავლოთ, საკმაოდ დიდ ციფრს მივიღებთ, რა რესურსი აქვს სახელმწიფოს საამისოდ გათვალისწინებული?
- თანხა, რომელიც ბიუჯეტიდან უნდა გავიდეს, არავითარ შემთხვევაში არ შეუშლის ხელს იმ ეკონომიკურ თუ სასოფლო-სამეურნეო პროგრამებს, რომელთა განხორციელებაც დაგეგმილი გვაქვს. ამ სიტუაციაში სოციალური დახმარებების უფრო მეტად გაზრდა წარმოუდგენელი იყო. ქვეყნის მდგომარეობის გათვალისწინებით, ეს არის აბსოლუტური მაქსიმუმი, რომლის გაკეთებაც შეიძლებოდა. მიმაჩნია, რომ უფრო მეტი თანხის გაცემა შესაძლოა, მართლაც გახდეს სერიოზული ინფლაციის წყარო და რთული ეკონომიკური პრობლემებიც გამოიწვიოს.
- სოციალური დახმარება ეზრდებათ პოლიტრეპრესიების მსხვერპლად აღიარებულ პირებსაც. ვინ იგულისხმება ამ კატეგორიაში?
- ყველა, ვისაც ეს სტატუსი აქვს მინიჭებული. შესაძლოა ვიღაც "ნაციონალების" მმართველობის დროს გახდა პოლიტიკური რეპრესიების მსხვერპლი, ვიღაც კი - უფრო ადრე.
ცნობისთვის: გარდა ასაკოვანი პენსიონერებისა, პენსია ეზრდებათ მნიშვნელოვნად გამოხატული შეზღუდული შესაძლებლობების პირებს - 70 ლარიდან 100 ლარამდე. შეზღუდული შესაძლებლობების მქონე ბავშვებისა და ბავშვობიდან შეზღუდული შესაძლებლობის მქონე პირთა პენსიაც 70 ლარიდან 100 ლარამდე იზრდება. მარჩენალდაკარგული ოჯახის წევრების სოციალური პაკეტი 55 ლარიდან გაიზრდება 100 ლარამდე. პოლიტიკური რეპრესიების მსხვერპლად აღიარებულ პირთა სოციალური პაკეტი კი - 62 ლარიდან იზრდება 107 ლარამდე. ხოლო სახელმწიფო კომპენსაციები და აკადემიური სტიპენდია 272 ლარიდან 292 ლარამდე მოიმატებს.
ლარზე გადაანგარიშებით, ესტონეთში პენსია 660 ლარია, ყაზახეთში - 585, რუსეთში - 438 ლარი, ხოლო აზერბაიჯანში - 303 ლარი. აღარაფერს ვამბობთ მოწინავე ქვეყნებზე, სადაც პენსიები ჩვენთან შედარებით "კატასტროფულად" მაღალია: დანიაში, მაგალითად, პენსიონერის შემოსავალი თვეში 2 800 დოლარია, აშშ-ში - 1 164, ხოლო ფინეთში - 1 344 ევრო.
ესაუბრა ხათუნა ჩიგოგიძე
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
