8
მაისიდღის ზოგადი ასტროლოგიური პროგნოზი
"კარფური მარკეტი" თბილისში 18 სექტემბერს გაიხსნება. როგორც კომპანიაში გადაცემა "რადიო მარკეტს" განუცხადეს, "კარფური მარკეტი" სავაჭრო ცენტრ "ქარვასლაში" განთავსდა და მომხმარებელს კვების პროდუქტების, ჰიგიენის საშულებების ფართო არჩევანს შესთავაზებს. მენეჯმენტის ცნობით, მარკეტში მცირე რაოდენობით ტექნიკა და ტექსტილიც იქნება წარმოდგენილი. რაც შეეხება ფასებს, "კარფური" საფასო პოლიტიკას არ ცვლის და მომხმარებელს დაბალ ფასებს ჰპირდება.
გარდა ამისა, ერთი წლის იუბილესთან დაკავშირებით "კარფური" მომხმარებელს გათამაშებას სთავაზობს. ის, ვინც "კარფურში" 65-ლარზე მეტის შენაძენს გააკეთებს, გათამაშების ბილეთი გადაეცემა. თამაშდება 7 პრიზი, მათ შორის მაცივარი, ტელევიზორი და სხვა წვრილი საყოფაცხოვრებო ტექნიკა და 2 მთავარი პრიზი 2- კაციანი საგზური დუბაიში და ავტომობილი "ფორდ მონდეო". გათამაშება ტელეკომპანია "იმედის" ეთერში 30 სექტემბერს გაიმართება. აქციაში ჩართვა მომხმარებელს 29 სექტემბრის ჩათვლით შეუძლია.
რა? სად? რა ფასად?
გაიგეთ "რადიო მარკეტში"
ყოველ სამუშაო დღეს 10:50 და 11:50 საათზე
რადიო "პალიტრის" ეთერში - FM 103.9
