მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ავღანეთში ISAF-ის მისიაში მონაწილე ჯარისკაცებს ჯგუფი "ელდრაინი" CD ალბომს მიუძღვნის
05:15 / 20-06-2013
ჯგუფი "ელდრაინი" ავღანეთში ISAF-ის მისიაში მონაწილე საქართველოს და სხვა ქვეყნის ჯარისკაცების მხარდასაჭერად პირველ CD ალბომს გამოსცემს.
როგორც "ინტერპრესნიუსს" "ბრავო რექორდსიდან" აცნობეს, ჯგუფი "ელდრაინი" და "ბრავო რექორდსი" ერთობლივად პროექტს განახორციელებენ. კერძოდ, ჯგუფი "ელდრაინი" პირველ CD ალბომს გამოსცემს, რომელიც ეძღვნება ავღანეთში ISAF-ის მისიაში მონაწილე საქართველოს და ყველა სხვა ქვეყნის ჯარისკაცს. ამჟამად "ბრავო რექორდსში" ალბომის სტუდიური ჩაწერები და დიზაინზე მუშაობა მიმდინარეობს. ახალი ალბომის პრეზენტაცია 5 ივლისს, თბილისის სახელმწიფო უნივერსიტეტის სააქტო დარბაზში კონცერტზე იგეგმება.
"ჯგუფი "ელდრაინი" ქართულ მუსიკალურ ინდუსტრიაში მაღალი საშემსრულებლო დონით, სიმღერების სოციალური თემატიკით და დახვეწილი რეპერტუარით გამოირჩევა. ეს ჯგუფის პირველი CD ალბომია, სახელწოდებით - "till the End" ("ბოლომდე") და იგი ანტიტერორისტულ თემატიკას ეძღვნება. ალბომში შესული კომპოზიციები ჯგუფის წევრების დიდი ხნის ნაფიქრი და ნამუშევარია. მასში 12 ინგლისურენოვანი მუსიკალური ნაწარმოები შედის. ჯგუფის წევრები სიმღერების მუსიკისა და ტექსტის ავტორები თავად არიან. ალბომზე მუშაობის პერიოდში, ისინი მუდმივად ხვდებოდნენ ავღანეთის ომის ვეტერანებს და მათთან საუბრის და კონსულტაციების შედეგად თავიანთი პირველი ალბომისთვის რეპერტუარს ქმნიდნენ.
ახლო მომავალში იგეგმება ჯგუფის გასვლითი კონცერტი ავღანეთში, სადაც ისინი საკონცერტო პრეზენტაციის სახით, ISAF-ის მისიაში მონაწილე საქართველოს და სხვა ქვეყნის ჯარისკაცების წინაშე აღნიშნულ ალბომს წარადგენენ.
ამ ერთობლივი პროექტით "ბრავო რექორდსი" და ჯგუფი "ელდრაინი" გამოხატავს უდიდესს თანადგომას და პატივისცემას ყველა იმ ახალგაზრდა სამხედროს მიმართ, რომლებიც უსაფრთხოების მისიის განსახორციელებლად ავღანეთში თავიანთ სამხედრო ვალს იხდიან", - აცხადებენ "ბრავო რექორდსში".
"ბრავო რექორდსი" და ჯგუფი "ელდრაინი" მადლობას უხდის პროექტის მხარდამჭერებს: საქართველოს თავდაცვის სამინისტროს, საქართველოს სპორტისა და ახალგაზრდობის სამინისტროს, საქართველოს კულტურისა და ძეგლთა დაცვის სამინისტროს; გენერალურ სპონსორს - კომპანია "გალფს" და სპონსორს - "ელიტ ელექტრონიქსს".
ჯგუფი "ელდრაინი" 2010 წლის დასაწყისში შეიქმნა. პირველი გამოსვლა, სადაც ჯგუფმა საყოველთაო წარმატება მოიპოვა, 2010 წელს ფესტივალზე "ALEVIsION newcomers" შედგა.
2011 წელს ჯგუფმა სოლისტად მომღერალი სოფო ტოროშელიძე აიყვანა. ამავე წელს ჯგუფი "ევროვიზია 2011"-ის შიდა შესარჩევ კონკურსზე წარდგა და გაიმარჯვა, ხოლო გერმანიაში გამართულ "ევროვიზია-2011"-ში 43 ქვეყანის მუსიკოსებს შორის მე-9 ადგილი დაიკავა.
ევროვიზიიდან რამდენიმე თვეში, ბათუმში, გაიმართა ენრიკე იგლესიასის გრანდიოზული კონცერტი "MTV LIVE GEORGIA", კონცერტის warm up-ზე ჯგუფი "ელდრაინი" გამოვიდა.
"ბრავო რექორდში" დღეს პრესკონფერენცია გაიმართება, რომელიც ჯგუფ "ელდრაინისა" და "ბრავო რექორდსის" აღნიშნულ ერთობლივ პროექტს მიეძღვნება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
