25
მარტიდღის ზოგადი ასტროლოგიური პროგნოზი
"ჩვენ გამოგვივა" - ამ სახელწოდების პრეზენტაცია-კონფერენცია გუშინ ონკოლოგიური დაავადებების მქონე ქალბატონებისთვის გაიმართა. პროექტი "გამარჯვებულ ქალთა კლუბის" წევრებისთვის ხორციელდება და ის 15 ქალბატონისთვის არტ-თერაპიის კურსის დაფინანსებას ითვალისწინებს.
ღონისძიებაში მონაწილეობას იღებდნენ მთავრობის წევრები, სახელმწიფო და კერძო ორგანიზაციების წარმომადგენლები და ასევე საზოგადოებისთვის ცნობილი სახეები. პროექტის ერთ-ერთი მხარდამჭერია მედია "პალიტრაც". მხარდამჭერები პროექტში ჩართულობის საკუთარ მოტივებზე საუბრობდნენ.
პროექტის ფარგლებში რესტორან "ძველ ქალაქში" გამოფენა-გაყიდვაც გაიმართა, სადაც წარმოდგენილი იყო ანუკი არეშიძის, ირაკლი რუსაძის და ანა ჩანგიანის ნამუშევრები. ორგანიზატორებს იმედი აქვთ, რომ სამომავლოდ პროექტში ონკოლოგიური პრობლემების მქონე მეტი ქალბატონი ჩაერთვება.
საქველმოქმედო პროექტს - "არტ-თერაპია ონკოლოგიური პრობლემის მქონე ქალებისთვის" - ერთობლივად ახორციელებენ დიზაინერი ანუკა არეშიძე და "ხელოვნების სახლი". პროექტის ფარგლებში ქალბატონებისთვის ტარდება არტ-თერაპიის სხვადასხვა კურსი, მათ შორის: თექის ხელოვნება, კონსტრუირება და თიხის ხელოვნება.
