რობერტო კავალი ბიონსეში ესთეტიკას ვერ ხედავს

იტალიელი დიზაინერი, 72 წლის რობერტო კავალი მომღერალ ბიონსეში ესთეტიკას ვერ ხედავს და როდესაც საკითხი მისი სასცენო კოსტუმების შექმნას ეხება, წარმოსახვას მიმართავს. დიზაინერმა პოპ-ვარსკვლავის მსოფლიო ტურნესთვის სასცენო კაბების ექსკლუზიური კოლექცია - Mrs. Carter Show შექმნა. თუმცა, ესკიზებზე მომღერლის ნამდვილი სხეულის ნაცვლად სუპერმოდელის ტანია წარმოდგენილი.

რობერტო კავალის მოდის სახლის ოფიციალურ ვებ-გვერდზე ესკიზებთან ერთად ორიგინალი ფოტოც განთავსდა, რომელზეც ბიონსე კავალის კაბით სცენაზე პოზირებს. მომღერლის ტანზე ელეგანტური კაბა მომხიბვლელობას ნამდვილად კარგავს.

დიზაინერის მოდის სახლის "ფეისბუქის" გვერდზე ბიონსეს გულშემატკივრებმა კავალის ნამდვილი ომი გამოუცხადეს. კომენტარებში ისინი წერენ, რომ ყველა ქალი ვალდებული არაა, მოდელის სტანდარტებს აკმაყოფილებდეს.

მომზადებულია Daily Mail-ის მიხედვით.