მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სალომე კოკუაშვილი: "ბანკის გაძარცვის სურვილი მაქვს"
23:11 / 09-05-2013
სალომე კოკუაშვილს ხოჭოებისა და ობობების პანიკურად ეშინია. მოლუსკებსა და ხახვიან კერძს ვერასოდეს შეჭამს. უყვარს "ჰოთდოგი" და "ჰამბურგერი". ძალიან უნდა, მოტოციკლეტი ჰყავდეს. "იუმორისტული გადაცემის - "რომ გადახვალ, გააჩერე" - გარდა, სხვა პროექტში მონაწილეობას ვერ მივიღებ: ბრეკეტების გამო, "არასაეკრანოდ" გამოვიყურები. რამდენჯერმე კასტინგზე დამიბარეს, მაგრამ ბრეკეტები რომ დამინახეს, უკანვე გამომაბრუნეს", - გვითხრა მსახიობმა სალომე კოკუაშვილმა, რომელმაც ჩვენს შეთავაზებულ უხერხულ "სიტუაციებს" თავი მარტივად დააღწია...
- ვთქვათ, თმის შეღებვის შემდეგ აღმოაჩინე, რომ შენთვის სასურველი შეფერილობის ნაცვლად, თმა მწვანე გაგიხდა. არადა, სერიოზულ შეხვედრაზე გაგვიანდება...
- რა პრობლემაა, მწვანე თმით წავალ, შეხვედრაზე მისული კი ვიტყვი, - ახლახან სარეკლამო გადაღებისთვის ასე შემღებეს-მეთქი.
- ვარცხნილობაზე ექსპერიმენტს ხშირად იტარებ?
- ექსპერიმენტი დეკემბერში პირველად ჩავიტარე: თმა ჯერ მოკლედ შევიჭერი, შემდეგ ქიმიურად დავიხვიე... მგონი, ვარცხნილობაზე ექსპერიმენტის ჩატარება შემიყვარდა.
- უხერხულ სიტუაციაში ხშირად აღმოჩენილხარ?
- არცთუ ისე ხშირად, მაგრამ უხერხულ სიტუაციაში ვწითლდები...
- ვთქვათ, გადაღებაზე მიიჩქარი. საჭესთან მჯდომმა აღმოაჩინე, რომ ქვედაბოლოს ჩაცმა დაგვიწყებია...
- შოკში ჩავვარდები! 3-4 წუთის მერე, უკვე გონს მოსული ოჯახის წევრებს ან რომელიმე დაქალს დავურეკავ და ვთხოვ, სასწრაფოდ ქვედაბოლო "შემომაწოდოს".
- ვთქვათ, ვიდრე "მაშველი ძალა" მოვა, პატრული მოძრაობის წესების დარღვევის გამო გაჩერებს...
- მე მოძრაობის წესებს არასოდეს ვარღვევ (იცინის)!
- დიდი ხანია, ავტომობილს მართავ?
- 8-9 თვეა. მართვის მოწმობის ასაღებად თეორიული მეცადინეობა 3 წლის წინ დავიწყე. ვერაფრით მოვაბი თავი, რომ ბოლომდე მესწავლა და გამოცდაზე გავსულიყავი. ავტომობილის მართვა ავტოსკოლაში ვისწავლე, შემდეგ - ქალაქში მანქანით მეგობართან ერთად დავდიოდი, რადგან ავარიის ძალიან მეშინოდა. დაახლოებით 2 კვირაში ავტომობილის დამოუკიდებლად მართვას მივეჩვიე და გავთამამდი. ვერ ვიტყვი, - შუმახერი ვარ-მეთქი, მაგრამ ქალი მძღოლების უმეტესობას ნამდვილად არ ვგავარ. ერთადერთი, უკანა პარკინგი მიჭირს...
- ვთქვათ, თუთიყუში იყიდე და აღმოჩნდა, რომ ის გამუდმებით ბილწ სიტყვებს ამბობს...
- უკან დავაბრუნებ!
- ვთქვათ, ძალიან საყვარელია...
- როგორი საყვარელიც უნდა იყოს, სტუმრებთან თუ შემარცხვენს, რად მინდა?!
- ცხოველები და ფრინველები გიყვარს?
- ძალიან! დღეს გადაღება დიდ, საყვარელ ძაღლებთან ერთად მქონდა. კარგად გავერთე. ძაღლებს ბევრი ვეთამაშე... ბავშვობაში პატარა თუთიყუშები მყავდა, მაგრამ მერე ერთ-ერთი მათგანი მოკვდა. ავდექით და მეორე თუთიყუში გავაჩუქეთ, რადგან შეგვეშინდა, ისიც არ მომკვდარიყო.
- ვთქვათ, შეყვარებული გეუბნება, რომ ლამაზი ქალების შიში აქვს, რის გამოც უმჯობესია, ერთმანეთს დაშორდეთ...
- ვეტყვი, რომ სრული იდიოტია, თან - იქვე დავძენ: არც ისეთი ლამაზი ვარ, რომ ჩემი გეშინოდეს-მეთქი!
- იქნებ ხუმრობს?
- თუ ხუმრობს, მაშინ მხოლოდ იმას ვეტყვი, რომ იდიოტია, მეტს - არაფერს (იცინის).
- ვინ არის შენი რჩეული?
- ერთი კარგი, 23 წლის ბიჭია.
- ხშირად კამათობთ?
- თუ ერთად ვმუშაობთ (სალომე მოცეკვავე გახლავთ. - ავტ.), შეიძლება ითქვას, რომ ერთმანეთს "ვჭამთ". სამაგიეროდ, იმ პერიოდში, როცა მე ჩემს საქმეს ვაკეთებ, ის კი თავისას, ძალიან ბედნიერები ვართ.
- ამჟამად, ბედნიერები ხართ თუ ისევ თანამშრომლობთ?
- თანამშრომლობა ახლახან დავასრულეთ, ამიტომ უკვე ბედნიერები ვართ: სპორტის სასახლეში, მინიფეხბურთში ჩემპიონთა ლიგის ფინალი იყო. მე მხარდამჭერი გოგონების გუნდში ვიყავი, ჩემი შეყვარებული კი ქორეოგრაფი გახლდათ.
- შანსი რომ გქონდეს, ერთი დღით რომელ არსებად გადაიქცეოდი?
- ალბათ, რომელიმე ფრინველად; მერე ამერიკაში გავფრინდებოდი და იქ დავრჩებოდი!
- ამერიკაში რას გააკეთებდი?
- მინდა, სწავლა კინოაკადემიაში გავაგრძელო. ვფიქრობ, უახლოეს მომავალში ეს სურვილი ამიხდება.
- იღბლიანი ხარ?
- არა! რამდენიმე წლის წინ, ჩემი საყვარელი გამაგრილებელი სასმელი ერთგვარ აქციას ატარებდა: ყოველი მეორე ბოთლი ბურთს იგებდა. 2 წლის განმავლობაში, დღეში 2 ბოთლს ვყიდულობდი და ბურთი ვერ მოვიგე. მას შემდეგ გადავწყვიტე, რომ იღბალი საერთოდ არ მაქვს!
- ვთქვათ, ჯეკპოტი მოიგე...
- რა მაგარია! ალბათ სიხარულისგან გავგიჟდები... ფულს უაზროდ არ დავხარჯავ: გარკვეულ თანხას ჩემს საყვარელ კინოაკადემიაში სწავლისთვის გადავდებ. თან, ამერიკაში ბინის ქირის გადახდაც ხომ მომიწევს და მანქანაც დამჭირდება... მოკლედ, მოგებულ ფულს საჭიროებისამებრ გავანაწილებ და ცხოვრებას არაჩვეულებრივად ავიწყობ - ერთ წამში უბედნიერესი ადამიანი გავხდები!
- ვთქვათ, ლატარიის წარმომადგენლები გეუბნებიან, რომ ჯეკპოტიდან მხოლოდ მცირე თანხა გერგება, დანარჩენი კი ქველმოქმედებას უნდა მოახმარო...
- მოვახმარ! გაჭირვებული ადამიანების დასახმარებლად ფული არ დამენანება. ბოლოს და ბოლოს, მოგებული თანხის ნაწილით სწავლას მაინც დავიფინანსებ...
- უჩინმაჩინი რომ იყო, რას მოიმოქმედებდი?
- ბანკს გავძარცვავდი. ბოლო დროს ეს აზრი თავში ხშირად მომდის (იცინის).
- რომელიმე ბანკი უკვე შეგულებულიც ხომ არ გაქვს?
- აქვე ახლოს 2 ბანკია...
- ოდესმე რამე მოგიპარავს?
- არა, რა თქმა უნდა, მაგრამ ბანკს მაინც გავძარცვავდი! საკუთარი სახლიდან კანფეტიც არ მომიპარავს... ალბათ, კანფეტების ჭამა არ მიყვარს!..
- ხალხს გაძარცვას რატომ უპირებ?
- ხალხის კი არა, ბანკის გაძარცვის სურვილი მაქვს! ბანკის თანამშრომლებს ისედაც ბევრი ფული აქვთ (იცინის)...
- ვთქვათ, "უნივერსალ ფიქჩერსი" ეროტიკულ სცენაში გადაღებას გთავაზობს...
- "უნივერსალ სტუდიოს" ფილმებში, ეროტიკულ სცენებში ისეთი მსახიობები მონაწილეობენ, მე რომ გითხრათ, - ასეთ როლს არ დავთანხმდები-მეთქი, მაინც არ დამიჯერებთ. ამ სტუდიასთან თანამშრომლობა ყველა მსახიობის ოცნება გახლავთ!
ეთო ყორღანაშვილი
(გამოდის ხუთშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
