მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
პარასკევი, მთვარის მეცამეტე დღე დაიწყება 17:58-ზე, მთვარე სასწორშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას; მგზავრობას, მოგზაურობის დაწყებას; საქმის, საქმიანობის შეცვლას. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ჩინელ გენერლებს რიგითებამდე ჩამოაქვეითებენ
02:32 / 26-04-2013
ჩინეთის ახალი ლიდერი სი ცზინპინი საკუთარი არმიის რეფორმირებას შეუდგა. მისი ბრძანებით, არმიის ყველა გენერალი და უფროსი ოფიცერი ორი კვირა რიგითის წოდებით იმსახურებს. ბრძანება ვიცე-პოლკოვნიკსა და ყველა ზემდგომ სამხედრო წოდებას ეხება. აღნიშნული გადაწყვეტილება ჩინეთის არმიაში საბრძოლო სულისკვეთების ამაღლების კამპანიის ფარგლებში მოქმედებს.
მსგავსი მეთოდისთვის ჩინეთში უკვე 55 წლის განმავლობაში არ მიუმართავთ. მაღალი წოდებების მქონე სამხედრო პირების დროებითი ჩამოქვეითების იდეა მაო ძედუნს ეკუთვნის. 1958 წელს მაოს ბრძანებით გენერლები და უფროს ოფიცერთა შემადგენლობა ერთი თვის განმავლობაში რიგითებამდე უნდა ჩამოექვეითებინათ. მსგავსი პოლიტიკით მაო შეიარაღებულ ძალებზე კონტროლის გამყარებას ცდილობდა. თუმცა "წოდებრივ როქს" ბევრი გენერლის თანამდებობა შეეწირა.
სი ცზინპინის გადაწყვეტილებას ჩინეთის სამხედრო და სამოქალაქო წრეებში დიდი გამოხმაურება მოჰყვა. პირველ რიგში ყველას აინტერესებს, როგორ მოერგებიან ფუფუნებასა და განცხრომას შეჩვეული ჩინელი მხედარმთავრები ყოველდღიურ სამწყობრო მომზადებას, ყაზარმების დალაგება-დასუფთავებას და ვარჯიშს.
დღეს ჩინურ არმიაში კარიერული წინსვლა უპირველესად ნაცნობობასა და ოჯახის საზოგადოებრივ მდგომარეობაზეა დამოკიდებული. შესაბამისად, არმიის ხელმძღვანელი პირების გარკვეულმა ნაწილმა კარიერულ კიბეზე ისე სწრაფად აირბინა, რომ ჯარის სირთულეები არ უგრძვნია. დისციპლინა, კორუფცია და ოფიცრებსა და რიგითებს შორის არსებული "უფსკრული" ჩინურ არმიაში სერიოზულ პრობლემებს ქმნის.
მოამზადა ნუკრი მგელაძემ topwar.ru-ის მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდება იმ შემთხვევაში თუ პირი ჯარიმას არ გადაიხდის და რა ვადებს უკავშირდება მისი აღსრულება?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
