ქართველი მსახიობი ამერიკული "ემ-ტი-ვის" ეთერში
წარმატებული ქართველების რიცხვი მთელ მსოფლიოში იზრდება. სულ მალე ამერიკულ "ემ-ტი-ვიზე" გავა ახალი სერიალი "თინეიჯერები ბევერლი ჰილზიდან", რომელშიც მთავარ როლს ქართველი მსახიობი სანდრო ჩომახიძე ასრულებს. 18 წლის სანდრო საბერძნეთისა და აშშ-ის მოქალაქეა. მსახიობი "ყველა სიახლეს" ამერიკიდან ესაუბრა:
- სანდრო, როგორ მოხვდით სერიალში?
- რამდენიმე წელია, ამერიკაში ვცხოვრობ, მყავს ჩემი პროდიუსერი და უამრავი ნაცნობ-მეგობარი. სწორედ მათი მეშვეობით მოვხვდი კასტინგზე და დამამტკიცეს მთავარ როლზე სერიალში "თინეიჯერები ბევერლი ჰილზიდან", რომელიც ამერიკულ "ემ-ტი-ვიზე" ივნისიდან გავა. სერიალში ბევერლი ჰილზის მკვიდრის, წარმატებული ოჯახის განებივრებული შვილის როლს ვთამაშობ. ჩემი ეპიზოდის გადაღებები მომღერალ ნიკი მინაჟის სახლში მიმდინარეობს. ძალიან მომწონს კინოგადაღებები, ბავშვობიდან მქონდა ამის სურვილი და ავიხდენ კიდეც ამ ოცნებას, მაგრამ ვაპირებ კონსერვატორიაში ჩავაბარო და სრულყოფილი მუსიკალური განათლება მივიღო, რადგან განსაკუთრებით მიყვარს ოპერა.
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე
"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე
