ქორწინებას საფრთხეს ღამით ჩვილის ტირილი უქმნის

მეცნიერებმა აღმოაჩინეს, რომ უძილო ღამეები, რომელიც ჩვილის ტირილითაა გამოწვეული, ყოველ 3 ქორწინებას განქორწინებით ემუქრება.

ამერიკელმა ფსიქოლოგებმა და მეცნიერებმა 2 000 ადამიანი გამოკითხეს, რომელთა 30% აცხადებს, რომ ოჯახი  იმიტომ დაენგრა, რომ ღამე ბავშვის ტირილის გამო ვერ იძინებდნენ და მეორე დღეს სრულიად გამოფიტულნი იყვნენ.

როგორც წესი, პატარების დიდი ნაწილი ღამე ჭირვეულობს. სწორედ ამიტომ მშობლებს დაახლოებით 6 საათი სძინავთ, რაც ჯანმრთელობისთვის სახიფათოა. ყოველი 20 გამოკითხულიდან ერთი ამბობდა, რომ უძილო ღამით დაღლილს მეორე დღეს ძილის გარდა, ვერაფერი გაუკეთებია.

"ყოველ დღე მიწევს იმ ადამიანებთან ურთიერთობა, რომელთაც უძილობასთან დაკავშირებით პრობლემა აქვთ და ეს მათი პატარების გამო ხდება", - ამბობს ფსიქოლოგი ტანია ბირონი.

მომზადებულია dailymail.co.uk-ის მიხედვით.