მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რატომ შეეშვა სამოდელო საქმიანობას ანა კოშაძე
23:15 / 02-03-2013
სამოდელი სააგენტო "ნატალის" ყოფილი მოდელი - ანა კოშაძე ოთხი წლის მაშოსა და წლინახევრის ანასტასიას ზრდის. ერთ დროს წარმატებული მოდელი ცდილობს, კარიერას ოჯახზე ზრუნვაც შეუთავსოს. როგორც ამბობს, ცელქი და ჯიუტი გოგონები ჰყავს და მათთან ხშირად სიმკაცრის გამოჩენა უწევს.
- როდესაც ბავშვიsalesland.ge - ფასდაკლებებისsalesland.ge - ფასდაკლებების სამყარო! სამყარო! ჩნდება, ოჯახში ცხოვრების წესიც იცვლება. დედობა ისეთი კარგი შეგრძნებაა, რისი აღწერა და გადმოცემა შეუძლებელია. 20 წლის ვიყავი, როცა პირველი შვილი შემეძინა. დედობა თანდათან შევიგრძენი. დროის გასვლასთან ერთად, მაშო უფრო და უფრო მიყვარდებოდა. როგორც ახალბედა დედა, ყველაფერზე შეშინებული და დაპანიკებული ვიყავი. პირველი შვილის გაზრდაში ყველა მეხმარებოდა და ეს, რა თქმა უნდა, ძალზე მახარებდა. რაც შეეხება ანასტასიას - ის თითქმის დამოუკიდებლად გავზარდე. სულ ჩემთან იყო და არც სურვილი მქონდა, დედობის გამოცდილების მქონეს, ვინმე დამხმარებოდა. ანასტასიას მოვლა დიდ სიამოვნებას მანიჭებდა.
- ბავშვებს სახელები როგორ შეურჩიეთ?
- პირველ შვილს მაშო მე დავარქვი, ანასტასიას სახელი კი, მამამ შეურჩია. "ნატალიში" იყო ერთი გოგო - მაშო გაგუა, რომელთანაც ვმეგობრობდი. ძალიან მომწონდა და ალბათ, ამიტომაც დავარქვი შვილს ეს სახელი.
- ბავშვების მოვლაში ძიძა თუ გეხმარებათ?
- ძიძა გვყავს. მაშო ბაღში დადის, ანასტასიას კი ძიძასთან უწევს ხოლმე დარჩენა. ის კარგი ადამიანია, თითქმის ჩვენი ოჯახის წევრია. ამიტომ როცა ბავშვს ვუტოვებ, არ მეშინია. შვილების მოვლაში დედამთილიც მეხმარება. მაშოსთან ხშირად იძინებდა, მე რომ დამესვენა და დღემდე ცდილობს, ხელი შემიწყოს. რაც შეეხება ანასტასიას, ის რთულად გასაზრდელი ბავშვია. უზომოდ ცელქი, მოჩხუბარი და ჯიუტია. მას შემდეგ, რაც სიარული დაიწყო, გაგვაგიჟა. მისი მოვლა საკმაოდ ძნელია. როცა მაშო და ანასტასია ერთად არიან, გამუდმებით ჩხუბობენ, თანაც - ყველა წვრილმანზე. თუ ბავშვებიsalesland.ge - ფასდაკლებებისsalesland.ge - ფასდაკლებების სამყარო! სამყარო! ავად არიან, შვებულებას ვიღებ და მათთან ვარ.
- თავისუფალ დროს როგორ ატარებთ?
- თავისუფალი დრო ძირითადად, შაბათ-კვირას მაქვს. ამ დღეებში ბავშვებთან ერთად პროდუქტების საყიდლად დავდივარ და ვცდილობ, სადმე გასართობად წავიყვანო. მართალია, სამუშაოს გამო შინ იშვიათად ვარ, მაგრამ პატარა მაინცდამაინც არ წუხს. აი, მაშოს კი სულ უნდა, რომ მასთან ვიყო.
- მკაცრი დედა ხართ?
- ძალიან. არ მომწონს, ბავშვებიsalesland.ge - ფასდაკლებებისsalesland.ge - ფასდაკლებების სამყარო! სამყარო! რომ უზრდელობენ. ჩემი შვილები ჯიუტები არიან და ვფიქრობ, რომ მათთან სიმკაცრე აუცილებელია. ბებოები მეჩხუბებიან, - ზედმეტად მკაცრი ხარო, მაგრამ მათ ხშირადაც ვეფერები.
- სამოსს რაც შეეხება - შვილებს ტანსაცმელს რის მიხედვით ურჩევთ?
- მაშოსთვის არ აქვს მნიშვნელობა, რას ჩაიცვამს, უპრეტენზიოა. ზაფხულში თმა ბიჭურად შევჭერი და ესეც არ გაუპროტესტებია. როცა ეუბნებოდნენ, - ბიჭს ჰგავხარო, ამბობდა: კი, მე ბიჭი ვარო. რომ გითხრათ, - შვილების ჩაცმულობას ძალიან დიდ ყურადღებას ვაქცევ-მეთქი, - მოგატყუებთ. სამაგიეროდ, მაშოზე ძალიან ზრუნავს მისი მამიდა და მეუღლის დეიდაშვილი, რომელიც ამერიკაში ცხოვრობს. ყოველ ჩამოსვლაზე ბავშვებისთვის იმდენი ტანსაცმელი ჩამოაქვს, რომ სამოსის ყიდვა აღარ გვჭირდება.
- ბავშვების მოვლაში მეუღლე თუ გეხმარებათ?
- მეუღლე მაშოს მოვლაში უფრო მეტად იყო ჩართული... თავისუფალ დროს, რა თქმა უნდა, მათთან ატარებს. როცა სახლშია, ორივე სულ "მამას" გაიძახის. ახლახან, სამი დღით ქალაქგარეთ მოუხდა წასვლა და ანასტასია გამუდმებით ეძებდა.
- კაცებს ბიჭის ყოლის განსაკუთრებული სურვილი აქვთ ხოლმე...
- ასეა! რადგანაც ორი გოგონა გვყავს, ბიჭი მასაც უნდა. ალბათ, მესამე შვილსაც გავაჩენ, მაგრამ როდის - არ ვიცი. ისე, შეიძლება მესამეც გოგო იყოს (იცინის)... მე დედისერთა ვარ და ეს არ მომწონდა. ანასტასია მალე იმიტომ გავაჩინე, რომ მინდოდა, მაშოს მეგობარიც ჰყოლოდა.
- ალბათ რთულია, გქონდეს წარმატებული კარიერა და ამავდროულად, ოჯახზე იზრუნო...
- ყველა ხელს მიწყობს, რომ კარიერა და ოჯახი ერთმანეთს შევუთავსო. დედა, მეუღლე, დედამთილი, მამიდა, ბებია - ყველანი მეხმარებიან. მესმის, რომ ბავშვებიsalesland.ge - ფასდაკლებებისsalesland.ge - ფასდაკლებების სამყარო! სამყარო! პატარები არიან და მათ დედის მზრუნველობა, ყურადღება სჭირდებათ, მაგრამ მუშაობაც აუცილებელია. ხანდახან ისე ვიღლები, რომ ერთი სული მაქვს, სახლში მივიდე და დავიძინო, მაგრამ მაინც ვერ ვახერხებ.
- დიდი ხანია, სამოდელო სფეროში აღარ ჩანხართ. პოდიუმს საბოლოოდ ჩამოშორდით?
- რამდენიმე წელია, ჩვენებაზე აღარ გამოვსულვარ. აბა, რაღა დროს ჩემი პოდიუმია (იცინის)?! მოდელობა არ იყო ჩემი პროფესია, მხოლოდ ჰობის დონეზე ვაკეთებდი ამ საქმეს. ვერ მოგატყუებთ და ვერ გეტყვით, რომ მოდელობა მომენატრა. გათხოვების შემდეგ, დაახლოებით ორი წელი სამოდელო საქმიანობაში ვიყავი ჩართული, მაგრამ მერე მაშო გაჩნდა, შემდეგ - ანასტასია, სათანადო ფორმაშიც არ ვარ და მოდელობას შევეშვი. მართალია, რაღაც შემოთავაზებებიsalesland.ge - ფასდაკლებების სამყარო! იყო, მაგრამ ამ საქმის გაგრძელების არც სურვილი მაქვს და აღარც - დრო.
- დაბოლოს, რას ურჩევდით ახალბედა დედებს?
- ვერავის ვერაფერს ვურჩევ, მაგრამ იმას კი გეტყვით, რომ კარგია, როდესაც შვილებთან მეგობრობ. მიუხედავად იმისა, რომ დედა საკმაოდ მკაცრი იყო ჩემ მიმართ, ერთმანეთთან მაინც, მეგობრული დამოკიდებულება გვქონდა: მაძლევდა რჩევა-დარიგებას, ამავდროულად, თავადაც მეკითხებოდა აზრს ამა თუ იმ საკითხზე და ითვალისწინებდა კიდეც. მეც შევეცდები, შვილები სწორად აღვზარდო და მათთან ვიმეგობრო...
ჟანა გოგინაშვილი
(გამოდის ხუთშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
