მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ბიძინა ივანიშვილი - "მოვახერხეთ იმაზე მეტის გაკეთება, ვიდრე ამ დროში იყო შესაძლებელი"
03:47 / 05-02-2013
ჩვენ მოვახერხეთ იმაზე ბევრის გაკეთება, ვიდრე ამ დროში იყო შესაძლებელი, - ასე აფასებს პრემიერ-მინისტრი ბიძინა ივანიშვილი მთავრობის 100 დღის მუშაობას.
ივანიშვილმა მთავრობის 3-თვიანი მუშაობის შესახებ ანგარიში მედიას "შერატონ მეტეხი პალასში" შეხვედრაზე ჩააბარა. პრემიერმა საუბარი სამართლიანობის აღდგენის პროცესით დაიწყო და აღნიშნა, რომ ძალადობა, რასაც წინა ხელისუფლება ახორციელებდა, შეწყდა.
"სამართლიანობის აღდგენის პროცესი დაწყებულია და კარგად ვითარდება. მთავარია, ის დიდი ძალადობა, რასაც წინა ხელისუფლება ახორციელებდა, შეწყდა. ძველი მთავრობის სისტემის შედეგად დაზარალებულებიდან 190 პოლიტპატიმარი გათავისუფლებულია, 3 ათასზე მეტი კი - შეწყალებული. პოლიტპატიმართა ამხელა რიცხვი განპირობებულია იმით, რომ საქართველოში ძალადობა იყო უპრეცედენტო, ქართველი ხალხი კი მას არ ეგუებოდა", - განაცხადა ივანიშვილმა.
პრემიერმა მთავრობის მიღწევებს შორის სხვადასხვა პროდუქტზე ფასების შემცირებაც დაასახელა და განმარტა, რომ ამ კუთხით ხელისუფლება მუშაობას აგრძელებს.
"ტრაბახით არ მინდა გამომივიდეს, რადგან არ მიყვარს, მაგრამ რამდენიმე მონაცემს გეტყვით - საქართველოში დაიწყო ფასების შემცირება. ელექტროენერგიის გადასახადი შემცირდა 21-27 %-ით, საწვავის ფასები შემცირდა საშუალოდ 10 %-ით, გაზის ფასი 10 %-ით შემცირდება თებერვლიდან და განვაგრძობთ მუშაობას. შეინიშნება ფარმაცევტული პროდუქციის ფასების 30-დან 50 %-მდე შემცირებაც", - აღნიშნა ივანიშვილმა.
პრემიერმა 2013 წლის ბიუჯეტის პროექტზეც გაამახვილა ყურადღება და იმ განსხვავებებზე ისაუბრა, რაც მიმდინარე წლის ბიუჯეტის არსებულ და წინა ხელისუფლების მიერ შემუშავებულ პროექტებს შორის არსებობს.
"კოლოსარული სხვაობაა წინა ხელისუფლების მიერ მომზადებული ბიუჯეტის პროექტსა და ჩვენს პროექტს შორის. ვფიქრობ, რომ ძალიან კარგი ბიუჯეტი მივიღეთ. ზოგიერთ ციფრს დაგისახელებთ. 2012 წელთან შედარებით ჯანდაცვის ბიუჯეტი პირველად საქართველოს ისტორიაში გაორმაგდა, 1-ელი თებერვლიდან მინიმალური სადაზღვევო პაკეტით იქნება ყველა მოქალაქე უზრუნველყოფილი, 1-ელი ივლისიდან კი ყველა მიიღებს საბაზისო სადაზღვევო პაკეტს. საპენსიო უზრუნველყოფისთვის 2013 წლის ბიუჯეტში მილიარდ 654 მილიონზე მეტი ლარია გაწერილი, რომელიც 20 %-ითაა გაზრდილი წინა წელთან შედარებით. შესაბამისად 1-ელი აპრილიდან ყველა პენსიონერის და პირველი ჯგუფის ინვალიდის პენსია გახდება 125 ლარი, 1-ელი სექტემბრიდან კი ყველა პენსიონერისა და პირველი ჯგუფის ინვალიდის პენსია გაიზრდება და გაუტოლდება საარსებო მინიმუმს და გახდება 150 ლარი. ყველა სხვა დანარჩენი კატეგორიის ადამიანის პენსია გაიზრდება 100 ლარამდე. ასევე, 1-ელი ივლისიდან 57 ათას ქულამდე მქონე სოციალურად დაუცველი მოსახლეობის დახმარება გაორმაგდება. 2013 წლის ბიუჯეტში სიახლე იქნება საშემოსავლო გადახასადთან დაკავშირებითაც. 6 ათას ლარამდე შემოსავლის მქონე პირები 150 ლარამდე საშემოსავლო გადასახადით აღარ დაიბეგრება. 1-ელი იანვრიდან საგადასახადო კანონმდებლობაში შეტანილი ცვლილებებით შემცირდა ჯარიმებიც", - განაცხადა პრემიერმა.
ამასთან, ბიძინა ივანიშვილმა სოფლის მეურნეობის სფეროში დაგეგმილ პროგრამებზეც გაამახვილა ყურადღება და აღნიშნა, რომ ქართული საზოგადოება არნახული საგაზაფხულო სამუშაოების მომსწრე გახდება.
"1-ელი თებერვლიდან 1-ელ აგვისტომდე განხორციელდება მცირემიწიან ფერმერთა საგაზაფხულო-სამუშაობის ხელშემწყობი პროგრამა. მიწების აღწერა იყო მოუგვარებელი და ამ კუთხით სოფლის მეურნეობის სამინისტრომ დიდი სამუშაოები ჩაატარა, 640 ათას მოსახლეს კარდაკარის შემოვლის პრინციპით დავუმტკიცეთ მიწები. ეს პროცესი დასრულდა და ხვნა-თესვაზე, სასუქზე და ა.შ. გამზადებული გვაქვს სასოფლო-სამეურნეო ბარათები. გარდა ამისა, გლეხები შეძლებენ 5 ათასიდან 100 ათას ლარამდე სამომხარებლო კრედიტების აღებას. ისინი მხოლოდ 7-დან 8 %- ს გადაიხდიან, დანარჩენს კი ის მილიარდიანი ფონდი დაფარავს, მე რომ ვსაუბრობდი. სოფლის მეურნეობაში მოხდება არნახული დახმარება და იქნებით მოწმეები, რომ უპრეცენდენტო საგაზაფხულო სამუშაოები დაიწყება", - განმარტა ივანიშვილმა.
მედიისთვის ანგარიშის ჩაბარებისას პრემიერმა განათლების სექტორში დაგეგმილ რეფორმებზეც ისაუბრა და ამ კუთხით კმაყოფილება პედაგოგებისთვის პენსიების ზრდასა და საგრანტო პროგრამებზე გამოთქვა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
