13
მაისიდღის ზოგადი ასტროლოგიური პროგნოზი
მსახიობი გოგოლა კალანდაძე მის წინააღმდეგ აგორებულ ჭორებს "პირველ არხზე" მძღოლად მუშაობის შესახებ "ფეისბუქით" ეხმაურება.
"როგორც წესი, ჭორებს არ ვპასუხობ:), მით უფრო აბსურდულს, მაგრამ რადგან დღეს გავრცელებულმა ჭორმა კამპანიის სახე მიიღო, "ჩემს კეთილისმსურველებს" მინდა ვუთხრა: "პეტეესის" მძღოლობა ნამდვილად არ მეთაკილება, მაგრამ მე "პირველ არხზე" საპროდიუსერო საბჭოს წევრი ვიყავი. ასევე, ვმუშაობდი ჩემს საავტორო გადაცემაზე, რომელიც გასართობი თოქ-შოუ უნდა ყოფილიყო. სამწუხაროდ, ის ეთერში ვეღარ გავიდა", - წერს გოგოლა კალანდაძე.
სოციალურ ქსელში გავრცელებული ინფორმაციის თანახმად, "საზოგადოებრივი მაუწყებლის" შემოწმებისას აღმოაჩინეს, რომ მსახიობი გოგოლა კალანდაძე გაფორმებული იყო "პეტეეს"-ის (პირდაპირი ტრანსლიაციის სატრანსპორტო საშუალება) მძღოლად და მისი ანაზღაურება 3000 ლარს შეადგენდა. მსგავსი 700-მდე ფაქტი აღმოაჩინეს, რის შედეგადაც ტელევიზიას ქონდა გადახარჯვა. ამავე ინფორმაციით, ამჟამად ტელევიზიაში ტექნიკური პერსონალის შემცირება მიმდინარეობს, ხოლო დანარჩენ თანამშრომლებს ხელფასებს უმცირებენ.
