26
მარტიდღის ზოგადი ასტროლოგიური პროგნოზი
თენგიზ კიტოვანი საქართველოში თვენახევრის განმავლობაში დარჩება, - ამის შესახებ "ინტერპრესნიუსს" სამხედრო საბჭოს ყოფილმა წევრმა თავად განუცხადა.
მისივე თქმით, დაბრუნდა იმიტომ, რომ ოჯახის წევრები 7 წლის განმავლობაში არ უნახავს. "სააკაშვილის მთავრობა ვერ მიტანდა მხოლოდ იმის გამო, რომ კიტოვანი ვიყავი. 7 წელია არ მინახავს შვილები, შვილიშვილები, შვილთაშვილები. ამიტომ გადავწყვიტე, ჩამოვიდე და ვნახო, ხომ მაქვს ამის უფლება?!", - განაცხადა კიტოვანმა.
"ინტერპრესნიუსის" კითხვას, აქვს თუ არა კავშირი მის დარუნებას ხელისუფლების ცვლილებასთან, კიტოვანმა კონკრეტული პასუხი არ გასცა.
"ხელისუფლებას არ ვეხები. ერთი რამ შემიძლია ვთქვა - ბიძინამ გადაარჩინა საქართველო სააკაშვილის რეჟიმისგან. რომ არა ბიძინა, ამის შემცვლელი არავინ იყო და ამ კაცმა შეძლო სააკაშვილის რეჟიმის შეცვლა. დაახლოებით ერთი თვე ან თვენახევარი დავრჩები. შემდეგ უკან უნდა დავბრუნდე. სააკაშვილმა ყველაფერი გააკეთა იმისთვის, რომ გავეღატაკებინეთ. მე ერთი ბაბუა ვყავარ ამათ და ხელს ვუწყობ, რომ კარგად იყვნენ. როგორც ყველა ქართველი და ყოფილი სამხედრო მოსამსახურე, ვეხმარები ჩემს ოჯახს", - აღნიშნა კიტოვანმა. მისივე თქმით, რუსეთში ბიზნესსაქმიანობას ეწევა, თუმცა, რა ბიზნესი აქვს, კიტოვანმა არ დააკონკრეტა.
