გიორგი მარგველაშვილი: "ტყუილია, რომ მე ვარ აგენტი"
განათლებისა და მეცნიერების მინისტრი ბოლო პერიოდში უწყების და მის შესახებ გავრცელებულ რამდენიმე ინფორმაციას უარყოფს.
როგორც მინისტრმა, გიორგი მარგველაშვილმა დღეს გამართულ პრესკონფერენციაზე განაცხადა, ხშირ შემთხვევაში სხვადასხვა მედიასაშუალებების მიერ დაუსაბუთებელი ინფორმაცია ვრცელდება, რაზეც სამინისტრო განმარტებების გაკეთებას აპირებს, "იმისთვის, რომ გაუგებრობები გამოირიცხოს".
"სააგენტოებმა განაცხადეს, რომ თითქოს სტუდენტებისთვის 500 ლარს ვარიგებთ საახალწლოდ, ეს არის ტყუილი. ისევე, როგორც ტყუილი იყო ის, რომ განათლების სამინისტრომ თითქოს სწავლის გადასახადი გააძვირა. ისევე, როგორც ტყუილი არის, რომ მე შევიძინე ძვირადღირებული მანქანა. კიდევ ტყუილია, რომ მე ვარ რომელიმე პოლიტიკური დაჯგუფების, მაგალითად გია ნოდიას აგენტი. რადგან ჩვენ გადავდივართ გარკვეული ავტოკრატიული სისტემიდან დემოკრატიულ სისტემაზე, შესაბამისად, მედიაც ბევრად უფრო თავისუფალია და აკეთებს ხშირად აბსოლიტურად დაუსაბუთებელ განცხადებებს, ჩვენ გადავწყვიტეთ ახსნა გავაკეთოთ იმისთვის, რომ გაუგებრობები გამოვრიცხოთ", - განაცხადა მარგველაშვილმა.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
