რამ­დე­ნი­მე წე­ლია, რაც აქ­ტი­უ­რად ლა­პა­რა­კო­ბენ წინა ხე­ლი­სუფ­ლე­ბის მხრი­დან ტო­ტა­ლურ მოს­მე­ნებ­ზე. არა­ერ­თი ლე­გენ­და გაგ­ვი­გია იმა­ზე, რომ არა­მარ­ტო ტე­ლე­ფო­ნე­ბით გვის­მენ­დნენ, არა­მედ მათ­თვის ჩვე­ნი ინ­ტერ­ნე­ტფოს­ტა და სკა­იპ­ში მი­მო­წე­რის ში­ნა­არ­სიც კი იყო ცნო­ბი­ლი. მოს­მე­ნის შიში გან­სა­კუთ­რე­ბუ­ლად წი­ნა­სა­არ­ჩევ­ნოდ გა­ი­ზარ­და. ახ­ლან­დე­ლი ხე­ლი­სუფ­ლე­ბის მა­ღალ­ჩი­ნოს­ნე­ბის სა­ტე­ლე­ფო­ნო ჩა­ნა­წე­რე­ბის, ბი­ძი­ნა ივა­ნიშ­ვი­ლის ოჯა­ხუ­რი არ­ქი­ვი­დან მო­პა­რუ­ლი ვი­დე­ო­ე­ბის და ფო­ტო­ე­ბის შემ­დეგ, თით­ქოს ეჭვი არა­ვის ეპა­რე­ბო­და, რომ უს­მენ­დნენ.

და­კა­ვე­ბე­ბის მე­ო­რე სე­რი­ა­ში მოხ­ვედ­რი­ლი კუ­დის მა­ღალ­ჩი­ნოს­ნე­ბი სწო­რედ უკა­ნო­ნო მოს­მე­ნე­ბის ბრალ­დე­ბით და­ა­კა­ვეს. მთა­ვარ გმირ­ზე, 18 წლის ვა­სილ ჯა­მა­ლაშ­ვილ­ზე უამ­რა­ვი ჭორი თუ სი­მარ­თლე ვრცელ­დე­ბა. მას "ჰა­კე­რის" გარ­და გე­ნი­ოს­საც უწო­დე­ბენ, რად­გან მისი შე­საძ­ლებ­ლო­ბე­ბი ამ სფე­რო­ში მარ­თლაც გა­ნუ­სა­ზღვრე­ლი გახ­ლდათ.

ახალ­გაზ­რდა მა­ღალ­ჩი­ნო­სა­ნი ნა­გი­რა­ვებ ბი­ნა­ში, ავად­მყოფ დე­და­სა და მო­ხუ­ცე­ბულ ბე­ბი­ას­თან ერ­თად ცხოვ­რობს. მისი ნაც­ნო­ბე­ბის დიდ­მა ნა­წილ­მა მხო­ლოდ და­კა­ვე­ბის შემ­დეგ გა­ი­გო, რომ კუ­დის მე­ო­თხე სამ­მარ­თვე­ლოს უფ­რო­სის მო­ად­გი­ლედ მუ­შა­ობ­და, მაგ­რამ იქ რო­გორ მოხ­ვდა, ამა­ზე პა­სუ­ხის გა­ცე­მა უჭირთ.

ჩვე­ნი რეს­პონ­დენ­ტე­ბი ლაშა მე­ბო­ნია და გია ალა­ნია არი­ან. ლა­შას სხვა­დას­ხვა სო­ცი­ა­ლურ ქსელ­ში ყვე­ლა იც­ნობს. რამ­დე­ნი­მე წლის წინ მან სა­კუ­თა­რი ფო­რუ­მი planeta.ge გა­ა­კე­თა და სწო­რედ ამ დროს გა­იც­ნო ვა­სილ ჯა­მა­ლაშ­ვი­ლი. გია ალა­ნია ჩე­ხეთ­ში ქარ­თუ­ლი სათ­ვის­ტო­მოს წარ­მო­მად­გე­ნე­ლია და თა­ვის თავს პო­ლი­ტი­კურ დევ­ნილს უწო­დებს.

ლაშა მე­ბო­ნია:

- უც­ნა­უ­რი ამ­ბა­ვია, რო­დე­საც 18 წლის ბავ­შვი კუდ­ში ამ­ხე­ლა თა­ნამ­დე­ბო­ბა­ზე ხვდე­ბა. ვა­სი­კო სამი წლის წინ, 15 წლის ასაკ­ში გა­ვი­ცა­ნი. ჩემს სა­იტ­ზე მუ­შა­ო­ბი­სას ერთ-ერთ ფირ­მა­ში მი­ვე­დი და იმ კომ­პა­ნი­ის ხელ­მძღვა­ნელ­მა გა­მაც­ნო. ვა­სი­კო იქ მუ­შა­ობ­და. რა­საც ვხე­დავ­დი, უფ­როს­სა და ყმაწ­ვილს ნორ­მა­ლუ­რი ურ­თი­ერ­თი­ერ­თო­ბა ჰქონ­დათ. იმ პე­რი­ო­დის გან­მავ­ლო­ბა­ში, რაც ფირ­მა­ში დავ­დი­ო­დი, ჩვენ ჩვენს საქ­მეს ვა­კე­თებ­დით, მაგ­რამ ამ ბიჭ­ზე ჩემი შთა­ბეჭ­დი­ლე­ბა შე­მექ­მნა. რამ­დე­ნი­მე­ჯერ შევ­ხვდი, კო­მუ­ნი­კა­ბე­ლუ­რი ბავ­შვი იყო, "სის­ტემ­ში­კის" მა­ხა­სი­ა­თე­ბე­ლი თვი­სე­ბე­ბით. უყ­ვარ­და "ჩა­ტა­ო­ბა" თა­ნა­მო­აზ­რე­ებ­თან, ჰა­კე­რულ თე­მებ­ზე სა­უ­ბა­რი. უფ­რო­სის­გან გა­ვი­გე, რომ ვას­კას უსაფრ­თხო­ე­ბის პრო­ფი­ლი ჰქონ­და არ­ჩე­უ­ლი. ის კაცი ამ­ბობ­და, რომ უნ­დო­და, ვას­კა სა­ზღვარ­გა­რეთ წა­სუ­ლი­ყო სას­წავ­ლებ­ლად, მას­ზე და­დე­ბი­თად ლა­პა­რა­კობ­და. ვას­კას ყმაწ­ვი­ლუ­რი გა­ტა­ცე­ბე­ბი ჰქონ­და, "ჰა­კე­რინ­გის" თე­მა­ზე სა­უბ­რობ­და, რო­მე­ლი­ღაც სა­ი­ტის და­ჰაკ­ვა­ზე. ეს ჩვე­უ­ლებ­რი­ვი ამ­ბა­ვია და არ უნდა აღ­ვიქ­ვათ ტრა­გი­კუ­ლად, მით უმე­ტეს მაგ ასაკ­ში. სა­ქარ­თვე­ლო­ში არის რამ­დე­ნი­მე ჰა­კე­რუ­ლი სა­ი­ტი, სა­დაც, სა­ვა­რა­უ­დოდ, ვას­კაც იყო და­რე­გის­ტრი­რე­ბუ­ლი. შემ­დეგ გი­ორ­გი ალა­ნი­ას გა­ვა­ცა­ნი. გი­ორ­გი პო­ლი­ტი­კუ­რი დევ­ნი­ლია, ეროვ­ნუ­ლი ხე­ლი­სუფ­ლე­ბის გვარ­დი­ის მა­ი­ო­რი იყო, თა­ვა­დაც ვებ­მას­ტე­რია, ჩე­ხეთ­ში მოღ­ვა­წე­ობს, კარ­გად არ მახ­სოვს, რა დე­ტა­ლის გამო გა­ვა­ცა­ნი ერ­თმა­ნე­თი. შემ­დეგ თვი­თონ ჰქო­ნი­ათ ურ­თი­ერ­თო­ბა ჩემ გა­რე­შე.

- ორი წლის წინ გი­ორ­გი ალა­ნი­ამ სა­იტ­ზე, რო­მე­ლიც მა­შინ თქვენ გე­კუთ­ვნო­დათ, თემა გახ­სნა, ეს თემა დღეს ისევ აქ­ტუ­ა­ლუ­რია. ამა­ზე ვი­სა­უბ­როთ.

- თე­მას ერ­ქვა "კუდს რო­გორც ეგო­ნა, ისე არ არის". გი­ორ­გი წერ­და, რომ სკა­ი­პით უც­ნობ­მა პირ­მა ფა­ი­ლი გა­მო­უგ­ზავ­ნა. შემ­დეგ ვას­კამ გა­და­ა­მოწ­მა და "ტრო­ა­ნუ­ლი", ანუ ჯა­შუ­ში ფა­ი­ლი აღ­მოჩ­ნდა, რო­მე­ლიც შემ­დეგ კომ­პი­უ­ტერ­ში რჩე­ბა და ინ­ფორ­მა­ცი­ას იპა­რავს. გარ­კვე­უ­ლი სკეპ­ტი­ციზ­მი მქონ­და ამ თე­მას­თან და­კავ­ში­რე­ბით, რად­გან ერთხელ მეც მქონ­და ჩემს სა­იტ­ზე მსგავ­სი შემ­თხვე­ვა და შემ­დეგ დიდი შრო­მა დამ­ჭირ­და ამის გა­მო­სას­წო­რებ­ლად. ტრო­ა­ნუ­ლი პროგ­რა­მე­ბი 21-ე სა­უ­კუ­ნის სე­ნია. შე­იძ­ლე­ბა, სა­კუ­თა­რი კომ­პი­უ­ტე­რი რომ და­ათ­ვა­ლი­ე­როთ, რამ­დე­ნი­მე ტრო­ა­ნე­ლი იპო­ვოთ, ეს არ ნიშ­ნავს, რომ ვი­ღა­ცას პო­ლი­ტი­კუ­რად აინ­ტე­რე­სებთ, მაგ­რამ რო­დე­საც ვი­ღაც სკა­ი­პით ფა­ილს გიგ­ზავ­ნის, სა­დაც ტრო­ა­ნე­ლია, უკვე ეჭვს იწ­ვევს. გი­ორ­გი არც მა­ლავს, რომ ფა­ი­ლის შე­მოწ­მე­ბა­ში ვას­კა და­ეხ­მა­რა. ვას­კა ჩემ­თან სა­უ­ბარ­ში ამ­ბობ­და, რომ ფო­რუ­მე­ბი არ აინ­ტე­რე­სებ­და, მე ჩემი საქ­მე­ე­ბი მაქვს და მირ­ჩევ­ნია, იმა­ში ვხარ­ჯო დრო, ვიდ­რე ფო­რუმ­ზე კო­მუ­ნი­კა­ცი­ა­შიო. ორი წლის წინ გი­ორ­გის გახ­სნი­ლი თე­მის­თვის ყუ­რა­დღე­ბა არ მი­მიქ­ცე­ვია, რად­გან ქვე­ყა­ნა­ში საკ­მა­ოდ მძი­მე ამ­ბე­ბი ხდე­ბო­და. ეს თემა სა­ინ­ტე­რე­სო გახ­და ორი წლის შემ­დეგ, ის ფაქ­ტე­ბი, რაც დღეს ამო­ტივ­ტივ­და, გარ­კვე­ულ­წი­ლად იმ თე­მას მი­ე­ბა და ბევ­რი დე­ტა­ლი ემ­თხვე­ვა.

- ამ ორი წლის გან­მავ­ლო­ბა­ში ვას­კას­თან ურ­თო­ერ­თო­ბა აღარ გქო­ნი­ათ?

- სი­მარ­თლე გი­თხრათ, სა­იტ­თან და­კავ­ში­რე­ბით ხში­რად მქო­ნია სხვა­დას­ხვა ადა­მი­ან­თან ურ­თი­ერ­თო­ბა, მაგ­რამ არა­ნა­ი­რი სურ­ვი­ლი არ მქო­ნია, მას დავ­კავ­ში­რე­ბო­დი. იმა­საც არ გას­ჩე­ნია ეს სურ­ვი­ლი. არც ვი­ცო­დი რას საქ­მი­ა­ნობ­და. ფან­ტას­ტი­კუ­რი ფაქ­ტი იყო, რო­დე­საც და­ვი­ნა­ხე, რომ ვას­კა კუ­დის და­კა­ვე­ბულ მა­ღალ­ჩი­ნოს­ნებს შო­რის აღ­მოჩ­ნდა. მისი ხა­სი­ა­თი­დან გა­მომ­დი­ნა­რე, არ შე­იძ­ლე­ბო­და, მა­გას ვინ­მე ემარ­თა, თუნ­დაც ასა­კის გამო. ლი­დე­რის თვი­სე­ბე­ბი მას­ში არ შე­მიმ­ჩნე­ვია, სამ­სა­ხურ­ში ღამე მი­დი­ო­და, რო­გორც ბევ­რი სის­ტემ-ოპე­რა­ტო­რი. კომ­პი­უ­ტერ­თან ჯდე­ბო­და და დი­ლამ­დე მუ­შა­ობ­და. შე­იძ­ლე­ბა ვცდე­ბი, მაგ­რამ არ მგო­ნია ვცდე­ბო­დე, იმი­ტომ რომ მისი უფ­რო­სიც ამ­ბობ­და, რომ ღამე უყ­ვარ­და მუ­შა­ო­ბა და დღი­სით ეძი­ნა. კომ­პი­უ­ტე­რუ­ლი ცხოვ­რე­ბით ვინც არის და­კა­ვე­ბუ­ლი, ეს ყვე­ლას სე­ნია.

- გე­ნი­ო­სო­ბა თუ შე­ამ­ჩნი­ეთ?

- ვერ ვი­ტყვი, რომ გე­ნი­ო­სი იყო. ნი­ჭი­ე­რი ბიჭი იყო, რო­მე­ლიც უსაფრ­თო­ხე­ბის სა­კი­თხებს სწავ­ლობ­და და "ჰა­კე­რინ­გი" აინ­ტე­რე­სებ­და, მაგ­რამ მა­სე­თი ყმაწ­ვი­ლი სა­ქარ­თვე­ლო­ში ბევ­რია. გე­ნი­ო­სო­ბა რომ და­ვაბ­რა­ლოთ, მის­თვის­ვე იქ­ნე­ბა ცუდი. ვას­კა ნი­ჭი­ე­რი იყო და ეს სპეც­სამ­სა­ხუ­რებ­მა გა­მო­ი­ყე­ნეს. ვას­კა იმ სის­ტე­მის მსა­ხუ­რი გა­ხა­დეს. სა­ერ­თოდ, ჰა­კე­რის­თვის ბი­ძი­ნა ივა­ნიშ­ვი­ლის ან რო­მე­ლი­მე ცნო­ბი­ლი სა­ხის კომ­პი­უ­ტერ­ში შეს­ვლა საკ­მა­ოდ კარ­გი გა­მოწ­ვე­ვაა. ივა­ნიშ­ვილ­ზე გავ­რცე­ლე­ბუ­ლი ვი­დეო აშ­კა­რად მისი კომ­პი­უ­ტე­რი­დან არის მო­პა­რუ­ლი, მაგ­რამ ვინ მო­ი­პა­რა, არ ვიცი. არ შე­იძ­ლე­ბა ამით გარ­თო­ბა.

- ამ­ბო­ბენ, ვას­კას სამ­სა­ხურ­ში ეუბ­ნე­ბოდ­ნენ, რომ ის რე­ა­ლუ­რად რუ­სეთს ებ­რძო­და, რო­გორ ფიქ­რობთ, ამის სჯე­რო­და?

- ისე­თი ბავ­შვი იყო, რომ არ მგო­ნია, რუ­სე­თის, საფ­რან­გე­თის ან იტა­ლი­ის თემა და­ე­ჯე­რე­ბი­ნა. მარ­ტი­ვად მი­ვუდ­გეთ საქ­მეს, მას მოს­წონ­და უსაფრ­თხო­ე­ბის თემა, აინ­ტე­რე­სებ­და რამ­დე­ნად დიდ სი­მაღ­ლე­ზე ავი­დო­და და რო­გორც ჩანს, საკ­მა­ოდ დიდ სი­მაღ­ლეს მი­აღ­წია. სა­ერ­თოდ, მგო­ნია, რომ მის ასაკ­ში ამ­ხე­ლა თა­ნამ­დე­ბო­ბის მი­ღე­ბა უფრო დიდი სკან­და­ლია, ვიდ­რე ნე­ბის­მი­ე­რი ჰა­კე­რუ­ლი თავ­დას­ხმა.

რა მოხ­და წლე­ბის წინ გი­ორ­გი ალა­ნი­ა­სა და ვა­სილ ჯა­მა­ლაშ­ვილს შო­რის, ამ თე­მა­ზე სა­სა­უბ­როდ ალა­ნი­ას ჩე­ხეთ­ში და­ვუ­კავ­შირ­დით. ის ამ­ბობს, რომ სა­ქარ­თვე­ლო­დან 19 წლის წინ წა­ვი­და და დღემ­დე იძებ­ნე­ბა.

გი­ორ­გი ალა­ნია:

- ვა­სი­კო 2009 წელს გა­ვი­ცა­ნი. აქ ჩე­ხეთ­ში მე­გო­ბარს სერ­ვე­რი ჰქონ­და და ბევ­რი ქარ­თუ­ლი სა­ი­ტი მის სერ­ვერ­ზე გა­და­ვიყ­ვა­ნე. მა­შინ ვა­სი­კომ თხუთ­მეტ წუთ­ში მო­ნა­ხა ამ სერ­ვე­რის სუს­ტი ად­გი­ლე­ბი და მფლო­ბელს წე­რი­ლიც გა­უგ­ზავ­ნა. არა­და, ის პი­როვ­ნე­ბა ჩე­ხეთ­ში ერთ-ერთ უძ­ლი­ე­რეს პროგ­რა­მის­ტად ით­ვლე­ბა. რო­დე­საც ვუ­თხა­რი, რომ ვა­სი­კო 15 წლის იყო, და­ი­შო­კა.

- ბა­ტო­ნო გი­ორ­გი, თქვენ ამ­ბობთ, რომ 2010 წელს გა­მოგ­ზავ­ნი­ლი ვირუ­სის გა­შიფვ­რა­ში ვა­სილ ჯა­მა­ლაშ­ვი­ლი და­გეხ­მა­რათ, ეს გზა კუ­დამ­დე მი­ვი­და და მათი სერ­ვე­რე­ბი გა­თი­შა, ასე მოხ­ვდა 16 წლის ბიჭი ამ უწყე­ბა­ში?

- მოკ­ლედ, კუდ­მა გა­ი­გო, ვისი დახ­მა­რე­ბით გა­ე­თი­შათ ინ­ტერ­ნე­ტი და სერ­ვე­რე­ბი. დიახ, დარ­წმუ­ნე­ბუ­ლი ვარ ასე მოხ­და, იმი­ტომ რომ სა­ნამ მუ­შა­ო­ბას და­ი­წყებ­და, ვი­ლა­პა­რა­კეთ კი­დეც ამ თე­მა­ზე.

- კონ­კრე­ტუ­ლად რაზე?

- რო­დე­საც გა­და­წყდა, რომ კუდ­ში მუ­შა­ო­ბას იწყებ­და, ვი­ცო­დი, რომ ჩემ წი­ნა­აღ­მდეგ გა­მო­ი­ყე­ნებ­დნენ, ვურ­ჩიე, უარი არ ეთ­ქვა, რად­გან ამ უარს არ აპა­ტი­ებ­დნენ. კუდ­ში აინ­ტე­რე­სებ­დათ, მათი თა­ნამ­შრომ­ლე­ბი­დან რო­მელ­მა მო­მა­წო­და და­ვით ცინ­დე­ლი­ა­ნის მკვლე­ლო­ბის ამ­სახ­ვე­ლი დე­ტა­ლე­ბი და მე­ო­რე, ისე­დაც ვი­ყა­ვი კუ­დის ინ­ტე­რეს­თა არე­ალ­ში პო­ლი­ტი­კუ­რი საქ­მი­ა­ნო­ბის გამო. შემ­დეგ, ცინ­დე­ლი­ა­ნის თე­მა­ზე რე­პორ­ტა­ჟი ნანა ლეჟა­ვამ გა­ა­კე­თა.

- ვა­სი­ლის კუდ­ში მუ­შა­ო­ბის და­წყე­ბის შემ­დეგ რო­გორ გაგ­რძელ­და თქვე­ნი ურ­თი­ერ­თო­ბა?

- ამის შემ­დეგ ვას­კა ერთხელ შე­მეხ­მი­ა­ნა. სხვი­სი კომ­პი­უ­ტე­რი­დან სხვა სა­ხე­ლით და­მი­კავ­შირ­და, ეტყო­ბა, კუდ­ში ძა­ლი­ან მი­აწ­ვნენ ჩემს თა­ო­ბა­ზე. მა­შინ ასე მო­ვი­პა­ლა­რა­კეთ, რომ თუ ვას­კას­გან რა­ი­მე ცნო­ბა მო­მი­ვი­დო­და, ან სა­უბ­რის სურ­ვილს გა­მოთ­ქვამ­და სკა­ი­პით, არ უნდა მე­პა­სუ­ხა. კონ­ტაქ­ტი არ წაგ­ვიშ­ლია, ორი­ვემ და­ვი­ტო­ვეთ, რომ სამ­სა­ხურ­ში ეჭვი არ გას­ჩე­ნო­დათ, რომ ვას­კამ გა­მაფრ­თხი­ლა. ამის შემ­დეგ ყო­ველ­გვა­რი კონ­ტაქ­ტი შევ­წყვი­ტეთ. რო­გორ ვიცი, მუ­შა­ო­ბის და­წყე­ბი­სას ვას­კა ჩე­ხეთ­ში უნდა ჩა­მო­სუ­ლი­ყო ენის თუ პროგ­რა­მის­ტის კურ­სებ­ზე. აქ რომ ჩა­მო­სუ­ლი­ყო, უკან არ დაბ­რუნ­დე­ბო­და, ჩემ­თან დავ­ტო­ვებ­დი.

- სა­ბო­ლო­ოდ არ გა­მო­უშ­ვეს?

- ეს უკვე აღარ ვიცი. ის ბო­ლოს სხვა სა­ხე­ლით და­მი­კავ­შირ­და, რა­ზეც ზე­ვით მო­გი­ყე­ვით. ვას­კას უსაფრ­თხო­ე­ბის მიზ­ნით ჩემ­გან ყო­ველ­გვა­რი კონ­ტაქ­ტი და ინ­ტე­რე­სი შე­წყდა.

- რო­გორ და­ა­ხა­სი­ა­თებ­დით პი­როვ­ნუ­ლად?

- ვას­კა ბავ­შვია, ახ­ლაც, ამ ასაკ­ში, ალა­ლი გუ­ლის ბავ­შვი. ის სამ­სა­ხურ­ში არას­რულ­წლო­ვა­ნი აიყ­ვა­ნეს. კი, ბა­ტო­ნო მუ­შა­ობ­და კუდ­ში, მაგ­რამ მა­ნამ­დე მათ წი­ნა­აღ­მდე­გაც ხომ იმუ­შა­ვა. ვას­კა მე­რის არ­ჩევ­ნე­ბის პე­რი­ოდ­ში ირაკ­ლი ალა­სა­ნი­ას­თან მუ­შა­ობ­და პროგ­რა­მის­ტად. ვებგ­ვერ­დიც გა­უ­კე­თა ალა­სა­ნი­ას. დღეს სა­ქარ­თვე­ლო არ არის ისე­თი უსაფრ­თხო ქვე­ყა­ნა, რომ ვა­სი­კოს მანდ არა­ფე­რი ემუქ­რე­ბო­დეს.

- რო­გორ ფიქ­რობთ, მის შე­საძ­ლებ­ლო­ბებს ახა­ლი ხე­ლი­სუფ­ლე­ბა არ გა­მო­ი­ყე­ნებს?

- არ ვიცი, აქ უკვე მხო­ლოდ ხე­ლი­სუფ­ლე­ბა­ში არ არის პრობ­ლე­მა. ვა­სი­კო რამ­დე­ნად და­უ­ჯე­რებს ახალ ხე­ლი­სუფ­ლე­ბას, ან სა­ერ­თოდ ხე­ლი­სუფ­ლე­ბას. მის ად­გი­ლას რომ ვიყო, სა­ზღვარს გავ­ცდე­ბო­დი და სად­მე ნორ­მა­ლურ სამ­სა­ხურს ვი­შო­ვი­დი.

- იცო­დით მისი პო­ლი­ტი­კუ­რი ორი­ენ­ტა­ცი­ის შე­სა­ხებ, სა­ერ­თოდ აინ­ტე­რე­სებ­და ეს თემა?

- ვა­სი­კოს მხო­ლოდ ერთი პო­ლი­ტი­კუ­რი ორი­ენ­ტა­ცია აქვს, პროგ­რა­მის­ტია. სხვა ორი­ენ­ტა­ცია მის­თვის არ არ­სე­ბობს, ან თუ არ­სე­ბობს, მოჩ­ვე­ნე­ბი­თია.

რო­გორ ავა­რი­დოთ თავი მსგავს შემ­თხვე­ვებს და რამ­დე­ნად და­ცუ­ლე­ბი ვართ ინ­ტერ­ნეტ­სივ­რცე­ში, ამ თე­მა­ზე რამ­დე­ნი­მე რჩე­ვა სა­ინ­ფორ­მა­ციო ტექ­ნო­ლო­გი­ე­ბის სპე­ცი­ა­ლისტს ვკი­თხეთ.

არა­სო­დეს მი­ი­ღოთ სკა­იპ­ში უცხო ადა­მი­ა­ნის მიერ გა­მოგ­ზავ­ნი­ლი ფა­ი­ლი ან ფოტო, რად­გან შე­საძ­ლე­ბე­ლია, სუ­რათ­ში ჩა­კე­რე­ბუ­ლი იყოს ინ­ტერ­ნეტ­ჯა­შუ­ში და თქვე­ნი კომ­პი­უ­ტე­რი ჰა­კე­რე­ბის მსხვერ­პლი გახ­დეს.

სხვა­დას­ხვა სა­იტ­ზე შეს­ვლი­სას, შე­საძ­ლე­ბე­ლია გა­მო­გი­ტა­ნოთ სხვა სა­ი­ტის ლინ­კი, სა­დაც ეწე­რე­ბა, რომ თქვენს კომ­პი­უ­ტერ­ში აღ­მო­ჩე­ნი­ლია ვირუ­სი და თუ მას და­ა­ჭერთ, კომ­პი­უ­ტერს ვირუ­სის­გან გაწ­მენ­დს. რე­ა­ლუ­რად კი, თუ ამ ოპე­რა­ცი­ას და­თან­ხმდე­ბით, კომ­პი­უ­ტერ­ში ვირუ­სი შე­მო­აღ­წევს და თუ კა­მე­რა და მიკრო­ფო­ნიც გაქვთ მი­ერ­თე­ბუ­ლი, ჰა­კე­რი მო­გის­მენთ და ფო­ტო­ებ­საც გა­და­გი­ღებთ.

კომ­პი­უ­ტე­რი და­ჰა­კუ­ლია თუ არა, ამას ჩვე­უ­ლებ­რი­ვი მომ­ხმა­რე­ბე­ლი ვერ ხვდე­ბა, ხან­და­ხან ამის მიხ­ვედ­რა პრო­ფე­სი­ო­ნალ პროგ­რა­მის­ტებ­საც უჭირთ. და­ჰა­კულ კომ­პი­უ­ტერს მხო­ლოდ ვინ­დო­უ­სის გა­და­ყე­ნე­ბა არ შვე­ლის, ეს ყვე­ლა­ზე მარ­ტი­ვი სა­შუ­ა­ლე­ბაა, რე­ა­ლუ­რად კი მხო­ლოდ სპე­ცი­ა­ლის­ტი შეძ­ლებს, კომ­პი­უ­ტე­რი ჯა­შუ­ში­გან გაწ­მინ­დოს.

ინ­ტერ­ნე­ტფოს­ტის მომ­ხმა­რებ­ლებს ხში­რად უც­ნა­უ­რი მი­სა­მარ­თე­ბი­დან მის­დით წე­რი­ლი. სა­ერ­თოდ, მო­ე­რი­დეთ მსგავ­სი იმე­ი­ლე­ბის გახ­სნას, მაგ­რამ თუ მა­ინც გახ­სე­ნით და მხო­ლოდ ტექ­სტუ­რი შე­ტყო­ბი­ნე­ბა დაგ­ხვდათ, წე­რი­ლი სა­რეკ­ლა­მო ხა­სი­ათს ატა­რებს, მაგ­რამ თუ ლინ­კი გა­მო­გიგ­ზავ­ნეს, არა­ვი­თარ შემ­თხვე­ვა­ში არ მიჰ­ყვეთ ბმულს, თო­რემ შე­საძ­ლე­ბე­ლია, ამ დროს თქვენს კომ­პი­უ­ტერ­ზე ჰა­კე­რუ­ლი პროგ­რა­მა ჩა­იტ­ვირ­თოს.

P.S. მა­სა­ლა უკვე მზად გვქონ­და, რო­დე­საც ვა­სილ ჯა­მა­ლაშ­ვი­ლი 3000-ლა­რი­ა­ნი გი­რა­ოს სა­ნაც­ვლოდ გა­ა­თა­ვი­სუფ­ლეს. და­უმ­ტკიც­დე­ბა თუ არა ბრა­ლი 18 წლის ყო­ფილ მა­ღალ­ჩი­ნო­სანს, ამას დრო გვიჩ­ვე­ნებს.

ნინო გი­გიშ­ვი­ლი

ჟურ­ნა­ლი "რე­ი­ტინ­გი"

(გა­მო­დის ორ­შა­ბა­თო­ბით)