13
მაისიდღის ზოგადი ასტროლოგიური პროგნოზი
ისრაელის ხელისუფლება და "ჰამასი" დაზავების სანაცვლოდ პირობებს აყენებენ. BBC-ის ცნობით, კაიროში მიმდინარე მოლაპარაკებებისას "ჰამასის" ლიდერმა, ჰალედ მაშაალმა ისრაელს "აგრესიისა და მკვლელობების" შეწყვეტისა და ღაზას სექტორისთვის ბლოკადის მოხსნისკენ მოუწოდა.
ისრაელის წარმომადგენლებმა კი, ცეცხლის შეწყვეტის სანაცვლოდ ოთხი პირობა დაასახელეს. მათ შორის არის ღაზას სექტორის მხრიდან ცეცხლის შეწყვეტა და გარანტიების წარდგენა, რომ "ჰამასი" მას ხელახლა არ შეაიარაღებს.
ეგვიპტის ხელისუფლების წარმომადგენლებმა განაცხადეს, რომ მოლაპარაკებების პროცესში "პოზიტიური ძვრები" შეინიშნება. ერთ-ერთი ეგვიპტელი მაღალჩინოსანი არ გამორიცხავს, განცხადება დაზავების შესახებ დღეს გაკეთდეს.
"ჰამასის" ლიდერი ჰალედ მაშაალი ირწმუნება, რომ დაზავების თხოვნით მას ისრაელის პრემიერ-მინისტრმა ბენიამინ ნეთანიაჰუმ მიმართა, რასაც ოფიციალური ისრაელი კატეგორიულად უარყოფს.
ამასთან, ღაზას სექტორში ორმხრივი სროლები ამ დრომდე გრძელდება. ისრაელი სამხედრო ოპერაციის გაფართოებას არ გამორიცხავს.
ღაზას სექტორში შეიარაღებული კონფლიქტის 6 დღის განმავლობაში დაღუპულია 100-ზე მეტი ადამიანი.
