12
მაისიდღის ზოგადი ასტროლოგიური პროგნოზი
შვედურმა დიზაინერულმა კომპანიამ პერსონალური საცხოვრებელი ბურთი Cocoon 1 (აბრეშუმის პარკი 1) წარმოადგინა. ბურთი განმარტოების მოყვარულებისთვისაა შექმნილი.
უშველებელი გამჭვირვალე ბურთი, რომელშიც ორი ადამიანი თავისუფლად მოთავსდება, დიამეტრით 180 სანტიმეტრია და 97 კილოგრამს იწონის.
გამოგონების კონსტრუქცია ორი ნაწილისგან შედგება - თავად ბურთისა და ორი მოდულისგან, რომელებიც მომხმარებლის სურვილის შესაბამისად შეიძლება როგორც ბურთის შიგნით, ისე გარეთ განთავსდეს.
შიგთავსის წყალობით Cocoon 1 შეიძლება როგორც საძინებლად, ისე მისაღებად და სამზარეულოდ იქცეს, უჯრებით, ქურით და ნიჟარითაც კი. ბურთის განთავსება როგორც სახლში, ისე ბუნებაშია შესაძლებელი. არსებობს მისი ხეზე, ან შენობაზე დაკიდების შესაძლებლობაც.
ბურთი ელექტროენერგით და უკაბელო ინერნეტითაა აღჭურვილი. ენერგიის ბლოკი კი 40 საათს ძლებს.
"ხანდახან, ჩვენ ყველას საკუთარ თავთან მარტო დარჩენა გვინდა. Cocoon 1 დასვენებისთვის უნიკალურია, თქვენ საკუთარ თავთან მარტო დარჩებით და ამავე დროს შეგეძლებათ გარემო ათვალიეროთ",- ამბობს გამომგონებელი.
უნიკალური საცხოვრებელი ბურთის ფასი 3000 დოლარია.
მომზადებულია lifenews.ru-ს მიხედვით.
