9
მარტიდღის ზოგადი ასტროლოგიური პროგნოზი
ევროკავშირში ყველაზე მაღალი შენობა, 310 მეტრი სიმაღლის ცათამბჯენი Shard London Bridgе -ი 5 ივლისს ოფიციალურად გაიხსნა და პირველ სტუმრებს ელოდება.
85 სართულიანი შენობის სახელი ითარგმნება, როგორც - "ნატეხი". ლონდონის მოსახლეობამ შენობას ყატარის ქალაქ დოჰის პატივსაცემად "ლონ-დოჰი" უკვე შეარქვა. საქმე ის არის, რომ შენობის 80% კომპანია Qatar Holdings-ს ეკუთვნის, რომელიც ემირატების მმართველ ოჯახს წარმოადგენს.
310 მეტრიანი შუშის ცათამბჯენის პროექტის ავტორი იტალიელი არქიტექტორი რენცო პიანოა. შენობის კონსტრუქცია 800-ზე მეტი ფოლადის დეტალისგან და 11 000 მინისგან შედგება.
საოფისე ფართობის გარდა, Shard London Bridgе 200 ნომრიან სასტუმროს და "სამსართულიან" რესტორანს მოიცავს. ცათამბჯენის ბოლო სართულიდან ლონდონში ყველაზე მაღალი ხედი იშლება.
Shard London Bridge ევროკავშირის ყველაზე მაღალ შენობად 2016 წლამდე დარჩება. ამ დროისთვის ცათამბჯენ Hermitage Plaza-ს დასრულება იგეგმება, რომლის სიმაღლე 320 მეტრი იქნება.
მომზადებულია BBC News-ის მიხედვით.
