მნიშვნელოვანი ინფორმაცია
9
მაისიდღის ზოგადი ასტროლოგიური პროგნოზი
პარასკევი, მთვარის მეცამეტე დღე დაიწყება 17:58-ზე, მთვარე სასწორშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას; მგზავრობას, მოგზაურობის დაწყებას; საქმის, საქმიანობის შეცვლას. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
უკანასკნელი პაპი, რომის დაცემა და სამყაროს აღსასრული - რა არის ნაწინასწარმეტყველები ერთ-ერთ ყველაზე მისტიკურ წიგნში და რას ამბობს ვატიკანი?
15:46 / 24-04-2025
21 აპრილს, ვატიკანში რომის პაპი ფრანცისკე გარდაიცვალა. 88 წლის პონტიფიკოსის გარდაცვალებამ ბევრს გაახსენა 900 წლის წინანდელი წინასწარმეტყველება, რომელიც მსოფლიოს დასასრულზე აფრთხილებს კაცობრიობას.
პაპ ფრანცისკეს ცხრადღიანი გლოვის შემდეგ, 26 აპრილს დაკრძალავენ. ხოლო შემდეგ ახალი პაპის არჩევის ხანგრძლივი პროცესი დაიწყება.
თუმცა უძველესი წიგნის მიხედვით, შესაძლოა ფრანცისკე უკანასკნელი პაპიც იყოს...
ეს უძველესი დოკუმენტი კათოლიკურ ეკლესიაში ერთ-ერთ ყველაზე მისტიკურ ტექსტად მიიჩნევა, თუმცა არსებობს ეჭვებიც, როგორც მისი შექმნის თარიღთან, ისე ავტორთან დაკავშირებით.
წიგნი ცნობილია, როგორც “პაპების წინასწარმეტყველება“. როგორც ამბობენ, ის 1100-იან წლებში დაწერა ირლანდიელმა ბერმა, არმაგის მთავარეპისკოპოსმა სახელად მალაქიამ.
დოკუმენტის მიხედვით, მან იხილა რომის ყველა მომავალი პაპი, სელესტინე II-დან უკანასკნელამდე. საერთო ჯამში, ამ სიაში შედის 112 პაპი. სწორედ ფრანცისკე იყო 112 - ე.
მალაქია წმინდანად შერაცხეს მისი გარდაცვალებიდან რამდენიმე ათწლეულის შემდეგ.
როგორც უკვე აღვნიშნეთ, წიგნში ნახსენებია რომის 112 პაპი, მათგან ბოლო მოხსენიებულია "პეტრე რომაელის" სახელით.
ტექსტში მოცემულია თითოეული პაპის მოკლე აღწერა, რაც ნაწილობრივ შეესაბამება რეალურ ისტორიულ მონაცემებს. ყველაზე მძიმე წინასწარმეტყველებები ბოლო პაპს უკავშირდება. ფრაზის თარგმანი ასეთია:
"პეტრე რომაელი, რომელიც ბევრ გასაჭირში გამოკვებავს თავის ცხვრებს და როცა ეს დასრულდება, შვიდ ბორცვზე მდებარე ქალაქი განადგურდება. ეს იქნება დასასრული“.
მიიჩნევა, რომ ჩანაწერში ნახსენები "პეტრე რომაელი" ახლახან გარდაცვლილი პაპი ფრანცისკეა. თუმცა მეცნიერები საკითხის სერიოზული განხილვისგან თავის შეკავებას გვირჩევენ.
ეს 900 წლის წინანდელი დოკუმენტი მოგვიანებით აღმოაჩინეს ვატიკანის არქივში და მის მიხედვით, სამყაროს დასასრული შეიძლება დადგეს უკვე 2027 წელს.
დოკუმენტი პირველად 1595 წელს გამოაქვეყნა ბენედიქტელმა ბერმა არნოლდ დე ვაიონმა.
რას წინასწარმეტყველებს მალაქია?
რომის განადგურებას, შესაძლოა ვულკანის ამოფრქვევის ან ომის გამო;
ვატიკანის აღსასრულს (პაპიზმის ინსტიტუტის გაუქმება);
აპოკალიფსს, ქრისტეს მეორედ მოსვლას.
თანამედროვე მეცნიერთა უმეტესობა თანხმდება, რომ მაშინაც კი, თუ წინასწარმეტყველება არ არის პირდაპირი, მისი სიმბოლიზმი შეიძლება მიუთითებდეს კათოლიკური ეკლესიის ისტორიაში მნიშვნელოვანი ეპოქის დასასრულზე.
ფრანცისკეს გარდაცვალება შეიძლება იყოს არა აპოკალიფსის, არამედ მრავალსაუკუნოვანი ციკლის დასასრულისა და რაღაც ახლის დასაწყისი.
საინტერესოა, რომ ისტორიკოსების აზრით, პაპების შესახებ პირველი 74 წინასწარმეტყველება საოცრად ზუსტი იყო. მაგრამ შემდეგი ფრაზები უფრო ბუნდოვანი გახდა. არსებობს ვარაუდი, რომ ტექსტი გარკვეულ მომენტში გააყალბეს ან მას სხვა პირმა დაამატა საკუთარი მოსაზრებები.
აღსანიშნავია, რომ ვატიკანი არ ცნობს წმინდა მალაქიას წინასწარმეტყველების ნამდვილობას. მას მიიჩნევენ, მე-16 საუკუნეში პოლიტიკური მიზნებისთვის შექმნილ მხატვრულ ლიტერატურად. თუმცა, აღწერილობებსა და ნამდვილ მამებს შორის საოცარი დამთხვევების გათვალისწინებით, ეჭვები მაინც რჩება...
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
