მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ლეგენდარული ჩეხი ჰოკეისტი მედვედევს მკვლელობის მუქარაში ადანაშაულებს - რუსეთის "სათადარიგო პრეზიდენტი" კი ურჩევს, “გზაზე ფრთხილად გადავიდეს“
11:06 / 24-04-2025
ჩეხი ვეტერანი ჰოკეისტი დომინიკ ჰაშეკი რუსეთის უშიშროების საბჭოს თავმჯდომარის მოადგილეს დიმიტრი მედვედევს მკვლელობის მუქარაში ადანაშაულებს.
ყველაფერი 6 აპრილს დაიწყო. მედვედევმა კომენტარი გააკეთა “ვაშინგტონის“ კაპიტნის ალექსანდრე ოვეჩკინის რეკორდზე - თამაშზე რუსმა ჰოკეისტმა “აილენდსის“ კარში გოლები გაიტანა (1:4) და კანადელ უეინ გრეცკის კარიერულ გოლებს გადაუსწრო, რომელსაც აქამდე ყველაზე მეტი - 894 გოლი ჰქონდა გატანილი.
- დიმიტრი მედვედევმა ოვეჩკინს მის "ტელეგრამარხზე" მოულოცა, თუმცა ირონიულად გაიხსენა დომინიკ ჰაშეკიც.
"895 - ეს დიდი რუსი ჰოკეისტის შედეგია!
P.S. ველოდებით გიჟი ჩეხი ჰაშეკის სუიციდს", - დაწერა მედვედევმა "ტელეგრამზე".
საქმე ისაა, რომ ლეგენდარული ჩეხი ჰოკეისტი ოკუპანტი რუსეთის დიდი კრიტიკოსია, რუსეთის უკრაინას შეჭრაზე საუბრისას მან განაცხადა, რომ ყველა რუსი სპორტსმენი დამნაშავე იყო უკრაინის წინააღმდეგ ომში.
"ყოველი რუსი სპორტსმენი წარმოადგენს პუტინს, ომს, მკვლელობასა და დანაშაულს, წარმოადგენს უკრაინელი ბავშვების გენოციდს... დიახ, ყველა მოქალაქე პასუხისმგებელია, სანამ საჯაროდ არ დაგმობს ამ დანაშაულებს. თუ მე საჯაროდ ვგმობ ჩეხეთის ქმედებებს, მაშინ ამ ქმედებებზე პასუხისმგებლობა მეხსნება. რუსეთის მოქალაქემ, სპორტსმენმა, საჯაროდ უნდა დაგმოს რუსეთის ომის დანაშაულები. რუსეთის ის მოქალაქეებიც კი, მათ შორის სპორტსმენები, რომლებიც არ უჭერენ მხარს დანაშაულს, ომსა და უკრაინელების მკვლელობას, სამწუხაროდ, წარმოადგენენ რუსეთს. და ყოველ ჯერზე, როცა ისინი გადიან ყინულზე, მოედანზე, კორტზე, ამ ფაქტით მხარს უჭერენ საშინელ დანაშაულებს. რა თქმა უნდა, პასუხისმგებელია მთელი ქვეყანა და ყველა სპორტული ფედერაცია", - განაცხადა მან.
მედვედევის უზრდელ კომენტართან დაკავშირებით ჰაშეკმა შეფასება რამდენიმე დღის შემდეგ გააკეთა. მისი თქმით, დარჩა შთაბეჭდილება, რომ მედვედევი დაემუქრა და გააკრიტიკა ჩეხეთის სპორტული ინსტიტუტები, რომლებსაც აღნიშნულ პოსტზე რეაგირება არ ჰქონიათ.
“მე არ ვითხოვ განსაკუთრებულ მიდგომას, მაგრამ მიმაჩნია, რომ როცა მსგავსი რამ ჩვენი ან სხვა ქვეყნის ნებისმიერ მოქალაქეს ემართება, აუცილებელია ყველა დემოკრატიულმა ინსტიტუტებმა დაგმონ ფაქტი და დახმარების ხელი გაუწოდონ ადრესატს. ჩემი აზრით, იგნორირება და სიჩუმე ასეთ შემთხვევებში საშიში და გასაკრიტიკებელია.
სცადა თუ არა ვინმემ ხომ ჩემი დაშინება? არა, არასდროს. თუ მედვედევის სიტყვები დაშინებად აღიქმება, მაშინ ეს პირველი შემთხვევაა. ჩემთვის ეს ნიშნავს, რომ თუ ასეთი სიტყვები ითქვა, მაშინ ყველაფერს სწორად ვაკეთებ“, - თქვა ჰასეკმა iSport.cz-თან ინტერვიუში.
რამდენიმე დღის შემდეგ ჰაშეკმა საჩივრები გაუგზავნა საერთაშორისო ოლიმპიურ კომიტეტს (IOC) და ყინულის ჰოკეის საერთაშორისო ფედერაციას (IIHF) გზავნილით, რომ რუსეთის ყოფილი პრეზიდენტი მას მოკვლით დაემუქრა. ამ ორგანიზაციის პასუხის შესახებ ინფორმაცია ჯერჯერობით არ ვრცელდება.
“დღეს ორი ოფიციალური წერილი გავუგზავნე. ერთი IOC-ის ხელმძღვანელობას, მეორე კი IIHF-ს. მე ვუთხარი, რომ რუსეთის ყოფილი პრეზიდენტი მედვედევი მოკვლით მემუქრებოდა. გარდა ამისა აღვნიშნე, თუ რამდენად მნიშვნელოვანი იქნებოდა მათი გადაწყვეტილებები უახლოეს თვეებში", - თქვა ჰაშეკმა.
ჩეხ ჰოკეისტს უპასუხა უშიშროების საბჭოს თავმჯდომარის მოადგილემ.
"დიმიტრი ანატოლიევიჩი მიიჩნევს, რომ ყოფილი მეკარე ჰაშეკი განიცდის ფსიქიკური დაავადების მძიმე ფორმას: “რუსოფობია დევნის ბოდვის სახით.
მე ვურჩევდი, რომ გზის გადაკვეთისას იყოს ფრთხილად, არ დალიოს ლუდი უცნობ ადგილებში და რეგულარულად ესტუმროს ფსიქიატრს", - განუცხადა TASS-ს მედვედევის სიტყვები მისმა ასისტენტმა ოლეგ ოსიპოვმა.
ჰასეკი რუსეთში იმ პერიოდში თამაშობდა, როდესაც პრეზიდენტი მედვედევი იყო.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აპლიკაცია გველების შესახებ - რა უნდა ვიცოდეთ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
