მნიშვნელოვანი ინფორმაცია
9
მაისიდღის ზოგადი ასტროლოგიური პროგნოზი
პარასკევი, მთვარის მეცამეტე დღე დაიწყება 17:58-ზე, მთვარე სასწორშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას; მგზავრობას, მოგზაურობის დაწყებას; საქმის, საქმიანობის შეცვლას. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
შემდეგი პაპი შესაძლოა აფრიკელი იყოს? - ვის განიხილავენ კანდიდატებად დასავლურ მედიაში
12:50 / 23-04-2025
რომის პაპი ფრანცისკე 88 წლის ასაკში გარდაიცვალა. მას შაბათს, 26 აპრილს დაკრძალავენ. პაპმა ფრანცისკემ ანდერძის დაიბარა, რომ არ იყოს მისი დაკრძალვა პომპეზური, თუმცა ეს ალბათ, რთულად მოხერხდება, რადგან დაკრძალვის ცერემონიაზე დასწრებას მსოფლიოს არაერთი ლიდერი აპირებს, მათ შორის, დონალდ ტრამპი.
ანდერძის მიხედვით, ფრანცისკემ ითხოვა, რომ დაკრძალონ რომში, სანტა-მარია-მაჯორეს ბაზილიკაში.
შემდეგ პაპს კარდინალების კოლეგია აირჩევს. სხვადასხვა მედია ასახელებს პაპობის კანდიდატებს. ვნახოთ, ვინ შეიძლება გახდეს შემდეგი პაპი BBC-ის ვერსიით:
- პიეტრო პაროლინი, იტალიელი, 70 წლის
კარდინალი პაროლინი იყო ვატიკანის სახელმწიფო მდივანი, პაპ ფრანცისკეს მთავარი მრჩეველი, პოლიტიკოსის უნარებით. ეფექტიანად მოქმედებდა პაპის მოადგილის პოზიციაზე. ზოგიერთის აზრით, მისთვის უფრო პრიორიტეტულია დიპლომატია, გლობალური პოლიტიკა, ვიდრე კათოლიკური დოგმები, მისი კრიტიკოსები ამას პრობლემად მიიჩნევენ, ხოლო მომხრეები ამ ყველაფერში ძალას ხედავენ,
ის აკრიტიკებდა მთელ მსოფლიოში ერთნაირსქესიანთა ქორწინების ლეგალიზებას და ამას აფასებდა, როგორც "კაცობრიობის მარცხს“.
- ლუის ანტონიო გოქინ თეგლი, ფილიპინები, 67 წლის
შესაძლებელია, რომ შემდეგი პაპი აზიელი იყოს? - დიახ, ამის შესაძლებლობა არსებობს.
კარდინალ თაგლის აქვს პასტორალური გამოცდილება, რაც იმას ნიშნავს, რომ იყო ეკლესიის აქტიური ლიდერი ხალხში, განსხვავებით ვატიკანის დიპლომატისა ან ეკლესიის კანონების ექსპერტისა.
ეკლესია ფილიპინებში მასიურად გავლენიანია, იქ მოსახლეობის დაახლოებით 80 პროცენტი კათოლიკეა. ქვეყანას ამჟამად ჰყავს კარდინალების კოლეგიაში რეკორდულად ბევრი, ხუთი კარდინალი, რაც მნიშვნელოვანი ლობიზმი შეიძლება გამოვიდეს, თუ მხარს დაუჭერენ კარდინალ თეგლს. მას "აზიელი ფრანცისკეც" კი უწოდეს სოციალური საკითხების მიმართ თავდადებისა და მიგრანტების მიმართ სიმპათიის გამო. ის ეწინააღმდეგებოდა აბორტის უფლებას და აბორტს უწოდებს "მკვლელობის ფორმას“. ამბობს, რომ ცხოვრება იწყება ჩასახვისთანავე. "აზიელი ფრანცისკე" წინააღმდეგია ევთანაზიის.
2015 წელს, როდესაც მანილას არქიეპისკოპოსი იყო, კარდინალმა მოუწოდა ეკლესიას, გადაეხედა თავისი მკაცრი პოზიციისთვის გეი ადამიანების, განქორწინებულებისა და მარტოხელა დედების მიმართ. მისი თქმით, წარსულში გამოჩენილმა სიმკაცრემ მიახვედრა, რომ თითოეული ადამიანი იმსახურებს პატივისცემას და თანაგრძნობას. კარდინალი პაპობის კანდიდატად ჯერ კიდევ 2013 წელს მიიჩნეოდა, თუმცა მაშინ ფრანცისკე აირჩიეს.
წლების წინ, როდესაც ჰკითხეს, რომ შესაძლოა, ის იყოს შემდეგი პაპი, ასე უპასუხა - "ხუმრობასავით ჟღერს, ეს სასაცილოა“.
- ფრიდოლინ ამბონგო ბესუნგუ, კონგო, 65 წლის
დიდია შანსი იმისა, რომ შემდეგი პაპი აფრიკიდან იყოს, სადაც კათოლიკური ეკლესია სულ უფრო მზარდია. როგორც BBC წერს, კარდინალი ამბონგო პაპობის წამყვანი კანდიდატია. ის კონგოს დემოკრატიული რესპუბლიკიდანაა.
შვიდის წლის განმავლობაში კინმასას არქიესპისკოპოსი იყო და პაპმა ფრანცისკემ კარდინალად დანიშნა. ის არის კონსერვატორი, ეწინააღმდეგები ერთნაირსქესიანთა ქორწინების კურთხევას და აცხადებს, რომ ეს არის კულტურულ ნორმებთან წინააღმდეგობა და ბოროტება.
მიუხედავად იმისა, რომ კონგოში უმრავლესობა ქრისტიანია, იქ ქრისტიანები სასტიკ დევნას განიცდიან "ისლამური სახელმწიფოს“ წევრების მხრიდან. ამ ფონზე კი კარდინალი ამბონგო ეკლესიის შეუპოვარ დამცველად მიიჩნევა.
2020 წლის ინტერვიუში მან ისაუბრა რელიგიური პლურალიზმის სასარგებლოდ და თქვა: "მოდით, პროტესტანტები იყვნენ პროტესტანტები და მუსლიმები იყვნენ მუსლიმები. ჩვენ ვაპირებთ მათთან მუშაობას, მაგრამ ყველამ უნდა შეინარჩუნოს საკუთარი იდენტობა“.
- პიტერ კოდვო აპია თურქსონი, განა, 76 წლის
ის გავლენიანი კარდინალია. 2013 წელს ერთ-ერთ ინტერვიუში თქვა, რომ არ ესწრაფვის გახდეს რომის პაპი. ის იყო პირველი განელი, რომელიც კარდინალი გახდა ჯერ კიდევ რომის პაპ იოანე პავლე მეორის დროს, 2003 წელს.
კარდინალ თეგლის მსგავსად, თურქსონიც პოტენციურ პაპად მიიჩნეოდა მაშინ როცა ფრანცისკე აირჩიეს. ბუკმეიკერები მაშინ ფავორიტად ასახელებდნენ.
ის იყო გიტარისტი და ოდესღაც პანკ ჯგუფში უკრავდა. კარდინალი თურქსონი ცნობილია თავისი ენერგიულობით. აღსანიშნავია, რომ ის ეწინააღმდეგებოდა გეი ურთიერთობების კრიმინალიზაციას აფრიკის ქვეყნებში, მათ შორის მშობლიურ განაში. ამბობდა, რომ გრძნობს, ჰომოსექსუალობა არ უნდა განიხილებოდეს როგორც დანაშაული.
ნახეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდება იმ შემთხვევაში თუ პირი ჯარიმას არ გადაიხდის და რა ვადებს უკავშირდება მისი აღსრულება?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
