2000 წელს ნებისმიერ მსურველს შეეძლო დაეწერა წერილი, რომელსაც ადრესატი, გზავნილის ავტორის სურვილისამებრ, მიიღებდა და მიიღებს 5,10, 25, 50 ან 100 წლის შემდეგ. წერილები განთავსდა სპეციალურ სკივრებში და ინახება ეროვნულ არქივში.
სკივრი გაიხსნა 2005, 2010 წლებში და ახლახან - 2025 წლის 10 მარტს.
„კვირის პალიტრის“ რედაქციაში უკვე მრავალი ადამიანი მოვიდა კუთვნილი წერილის წასაღებად და ჩვენც თანაზიარები ვართ მათი დიდი ემოციების - სიხარულის და ცრემლების. თითოეული ადრესატი გაზეთს მადლობას უხდის ამ პროექტისთვის და მათი უდიდესი ნაწილი გვთხოვს, რომ „გზავნილი მომავალში“ გაგრძელდეს. ასევე, სოციალური ქსელებისა თუ სატელეფონო ზარების საშუალებით არანაკლებ თხოვნას ვიღებთ იმ მოქალაქეების მხრიდან, რომლებიც ახლახან შეიტყვეს პროექტის შესახებ.
მისწერე მომავალს, შექმენი ისტორია„პალიტრა მედიის“ ოცდამეათე საიუბილეო წელთან დაკავშირებით გაზეთ "კვირის პალიტრის“ რედაქციამ მოქალაქეების თხოვნა გაითვალისწინა და კიდევ ერთხელ მისცა საზოგადოებას შესაძლებლობა, მიეწერათ წერილი მათთვის ძვირფასი ადამიანებისთვის მომავალში. ადრესატი გზავნილს მიიღებს, ავტორის სურვილისამებრ, 10 ან 25 წლის შემდეგ. "კვირის პალიტრის“ 21 აპრილის, 28 აპრილისა და 5 მაისის ნომრებში დაგხვდებათ კონვერტი, კიდევ ერთი "გზავნილისთვის მომავალში“. თქვენი წერილი მოთავსდება საგანგებოდ დამზადებულ სკივრში, რომელიც დაილუქება და შეინახება ეროვნული არქივის საცავში, როგორც ეს 2000 წელს მოხდა.
როგორ შეძლებთ გაგზავნოთ წერილი მომავალში - ყველაფერი ამ პროექტზე ნახეთ სპეცპროექტში: შენთვის წერილია წარსულიდან