მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"საფრთხე სავსებით რეალურია, ყველაზე ცუდ სიზმარშიც ვერ წარმოვიდგენდი... პასუხისმგებლობა, რომ ვიზალიბერალიზაციაზე საფრთხე შეიქმნა, "ქართულ ოცნებაზეა" - ფოფხაძე
13:37 / 21-04-2025
პასუხისმგებლობა იმაზე, რომ ვიზალიბერალიზაციაზე საფრთხე შეიქმნა, ერთმნიშვნელოვნად „ქართულ ოცნებაზე“, დე ფაქტო ხელისუფლებაზე, გაყალბებულ არჩევნებზეა - თუ ეს არ იქნებოდა, ვიზალიბერალიზაციას არანაირი საფრთხე არ შეექმნებოდა, - ამის შესახებ კოალიცია „ცვლილებისთვის“ ერთ-ერთმა ლიდერმა, გედევან ფოფხაძემ „პალიტრანიუსთან“ საუბრისას განაცხადა.
- მისი შეფასებით, საფრთხე სავსებით რეალურია.
"მგონია, რომ საფრთხე სავსებით რეალურია. როცა ასეთი რაღაც ხდება, პასუხისმგებლობა ერთმნიშვნელოვნად ხელისუფლებას ეკისრება. კარგად უნდა გვქონდეს გააზრებული, რომ ეს მხოლოდ „ქართული ოცნების დამსახურება არ იყო, მაგრამ „ქართული ოცნების“ ხელისუფლების დროს მოხდა და იმ პროცესში ჩვენ ყველა ჩართული ვიყავით, რომ ეს [ვიზალიბერალიზაცია] საქართველოს მიეღო. ჩვენმა ევროპელმა პარტნიორებმა ვიზალიბერალიზაცია მოგვცეს, როგორც დიდი საჩუქარი და საქართველოს ევროპასთან ურთიერთობის დიდი პერსპექტივა.
ფაქტობრივად, ევროპამ საქართველოს ყველა მოქალაქეს გაუღო კარი და აგრძნობინა, რომ ის ევროპის ნაწილია. ყველაზე ცუდ სიზმარშიც ვერ წარმოვიდგენდი, რომ საქართველოში რომელიმე ხელისუფლება ვიზალიბერალიზაციას [საფრთხეს შეუქმნიდა], რომელიც წლების განმავლობაში შრომით იყო მოპოვებული - ამაში დავით აღმაშენებლის, ზვიად გამსახურდიას, ილია ჭავჭავაძის და ყველა ჩვენი დიდი წინაპრის შრომაც უნდა ვიგულისხმოთ. ყველაფერი ეს ქართულმა ოცნებამ ერთი ხელის მოსმით გადააგდო. პასუხისმგებლობა იმაზე, რომ ვიზალიბერალიზაციაზე საფრთხე შეიქმნა ერთმნიშვნელოვნად „ქართულ ოცნებაზე“, დე ფაქტო ხელისუფლებაზე, გაყალბებულ არჩევნებზეა - თუ ეს არ იქნებოდა, ვიზალიბერალიზაციას არანაირი საფრთხე არ შეექმნებოდა“, - განაცხადა გედევან ფოფხაძემ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
