მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
ხუთშაბათი, მთვარის მეთორმეტე დღე დაიწყება 16:43-ზე, მთვარე სასწორში გადავა 11:07
თუ დღეს დახმარება გთხოვეს, უარი არ უთხრათ. კარგია მოწყალების გაღებაც; მოერიდეთ ახალი საქმეების დაწყებას, კამათს, ფულის ხარჯვას; ურთიერთობის გარჩევას. განსაკუთრებით შეყვარებულებმა; არავის გაუბრაზდეთ და გაანაწყენოთ. თუ დღეს ვინმეს გაებუტებით, მასთან შერიგება გაგიჭირდებათ; არ გირჩევთ მგზავრობასა და მოგზაურობის დაწყებას; კარგია მუშაობა ბაღში, საოჯახო საქმეების შესრულება კი სხვა დღისთვის გადადეთ; მოერიდეთ კუჭის გადატვირთვას. უპირატესობა მიანიჭეთ წყალს, წვენებს. შეამცირეთ ალკოჰოლისა და სიგარეტის დოზაც. იკვებეთ ზომიერად, არც შიმშილობაა სასურველი და არც კუჭის გადატვირთვა. ივარჯიშეთ სასიამოვნო მუსიკის ფონზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ძლივს ვიცანი, ვინ იყო... უბრალო მომლოცველი მეგონა" - პაპი ფრანცისკე მძიმე ავადმყოფობის შემდეგ, დასვენების რეკომენდაციის მიუხედავად, საქმიანობას აგრძელებს
12:59 / 18-04-2025
ლორენა არაუხო პინეირო წმინდა პეტრეს ბაზილიკაში პაპ ურბან VIII-ის მე-17 საუკუნის აკლდამის რესტავრაციას ამთავრებდა, როდესაც შენიშნა კაცი ზოლიანი პონჩოსმაგვარი სამოსით, შავი შარვლითა და ფეხსაცმლის გარეშე, რომელსაც მისკენ ეტლით მოაგორებდნენ.
"შუადღე იყო და ბაზილიკა, პრაქტიკულად, ცარიელი იყო", - იხსენებს პინეირო, - "ძლივს ვიცანი, ვინ იყო... უბრალო მომლოცველი მეგონა".
ეტლში პაპი ფრანცისკე იყო, რომელიც პინეიროსა და მისი კოლეგისთვის მადლობის გადასახდელად იყო მოსული.
ეს მეორე შემთხვევაა, როდესაც პაპმა, რომელიც თებერვალში, პნევმონიის მძიმე შეტევისას კინაღამ გარდაიცვალა, 23 მარტს საავადმყოფოდან გაწერის შემდეგ, საჯაროდ მოულოდნელად გამოჩნდა, მიუხედავად იმისა, რომ ექიმებმა სთხოვეს, 2 თვე მაინც დაესვენა. პირველ შემთხვევაში, იგი წმინდა პეტრეს მოედანზე კვირის წირვაზე გამოცხადდა. ფრანცისკე ასევე პირადად შეხვდა მეფე ჩარლზსა და დედოფალ კამილას, როდესაც ისინი იტალიაში სახელმწიფო ვიზიტით იმყოფებოდნენ.
პაპმა წმინდა კვირის ლიტურგიების ჩატარება კარდინალებს დაავალა, თუმცა ტრადიცია შეინარჩუნა და რომის რეჯინა კოელის ციხის პატიმრებს ესტუმრა. მოსალოდნელია, რომ იგი აღდგომის კვირის მესაზეც გამოჩნდება.
მაგრამ ბაზილიკაში ვიზიტი მისი სახლის, კაზა სანტა მარტას მეზობლად საკმაოდ გაბედული ნაბიჯი იყო. მას ტრადიციული სამოსი არ ეცვა, რამაც კათოლიკური ეკლესიის კონსერვატიული ფრთა გააღიზიანა. თუმცა, ფრანცისკემ, რომელიც სუნთქვაში დასახმარებლად სპეციალურ აპარატს იყენებს, ორივე რესტავრატორს მადლობა ხელის ჩამორთმევით გადაუხადა.
ვატიკანის წარმომადგენელმა მომდევნო დღეს განაცხადა, რომ ეს ყველაფერი პაპის ჯანმრთელობის გაუმჯობესების მტკიცებულებაა. მაგრამ შესაძლოა, სხვა მოტივებიც არსებობს.
"თუ გავიხსენებთ, როდესაც პაპად აირჩიეს, ფრანცისკემ გადაწყვიტა, უარი ეთქვა ტრადიციულ სამოსზე და კაზა სანტა მარტაში ეცხოვრა. შედეგად, მან პაპობა მეამბოხის ამპლუაში დაიწყო", - თქვა კრისტოფერ უაითმა, National Catholic Reporter-ის ვატიკანის კორესპონდენტმა, - "ახლა, 88 წლის ასაკში და სერიოზული ჰოსპიტალიზაციის შემდეგაც კი, ის კვლავ მეამბოხედ რჩება".
პაპი ფრანცისკე თავისი პაპობის განმავლობაში მუდამ არღვევდა საზღვრებს, მაგალითად, 2021 წელს ერაყში წავიდა, მიუხედავად იმისა, რომ მკაცრად ურჩიეს, ეს არ გაეკეთებინა, რადგან მსოფლიოში კვლავ COVID-19 მძვინვარებდა და შესაბამისად, უსაფრთხოების რისკები მაღალი იყო.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდება იმ შემთხვევაში თუ პირი ჯარიმას არ გადაიხდის და რა ვადებს უკავშირდება მისი აღსრულება?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
