მნიშვნელოვანი ინფორმაცია
9
მაისიდღის ზოგადი ასტროლოგიური პროგნოზი
პარასკევი, მთვარის მეცამეტე დღე დაიწყება 17:58-ზე, მთვარე სასწორშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას; მგზავრობას, მოგზაურობის დაწყებას; საქმის, საქმიანობის შეცვლას. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
“ზოგიერთს დაავიწყდა, რომ საქმე გვაქვს ქართველ მოსამართლეებთან“ - უზენაესი სასამართლოს თავმჯდომარე სანქციებზე
18:56 / 04-04-2025
“ვერ ვხსნი იმას, რომ მოსამართლე შეიძლება დასანქცირდეს მხოლოდ იმიტომ, რომ პროფესიულ საქმიანობას ახორციელებს - ვერც ერთი არგუმენტი ვერ იქნა დადებული რომელიმე გადაწყვეტილების უკანონობის თაობაზე
სანქცირებულთა სიებში მოსამართლეთა გვარების გამოჩენა მიუთითებს, რომ ზეწოლა უკვე სხვა მიმართულებითაა, სავარაუდოდ, გათვლა კეთდება იმაზე, რომ თვითგადარჩენის ინსტინქტი გაძლიერდეს ინდივიდუალურ მოსამართლეში და ამან უზრუნველყოს ხელისუფლების ერთ-ერთი შტოს შიგნიდან ჩამოშლა“, - ამის შესახებ უზენაესი სასამართლოს თავმჯდომარე ნინო ქადაგიძემ უზენაეს სასამართლოში განაცხადა, სადაც საქართველოს პრემიერ-მინისტრი ირაკლი კობახიძე მოსამართლეებსა და იუსტიციის უმაღლესი საბჭოს წევრებს შეხვდა.
- როგორც ნინო ქადაგიძემ აღნიშნა, განსაკუთრებით შემაშფოთებელი და საწყენია, რომ ზეწოლაა ისეთი სახელმწიფოების, გარე აქტორების მხრიდან, რომელთა დემოკრატიაც დღემდე იდგა მოსამართლის ინდივიდუალური დამოუკიდებლობის დაცვის პრინციპებზე.
„ჩვენ მოსამართლეები მივეჩვიეთ, რომ ფაქტებსა და რეალობასთან შედარებით, უპირატესობა უნდა მივანიჭოთ აღქმებს და განცდებს, ვიცხოვროთ პარალელურ რეალობაში, თუმცა ამ მოცემულობაშიც კი ვერაფრით ვერ ვეგუები და ვერ ვხსნი იმ მოცემულობას, რომ მოსამართლე შეიძლება დასანქცირდეს მხოლოდ იმის გამო, რომ ის თავის პროფესიულ საქმიანობას ახორციელებს. განსაკუთრებით იმ პირობებსა და ვითარებაში, როდესაც ვერც ერთი დასაბუთებული არგუმენტი ვერ იქნა დადებული რომელიმე გადაწყვეტილების უკანონობის თაობაზე. ჩვენთვის ეს ზეწოლა არ არის ახალი, ბუნებრივია, წლების განმავლობაში თითოეული ჩვენგანი ამას მიეჩვია. აქამდე ყოველთვის მიმაჩნდა მეც, რომ ეს ზეწოლა, გარე აქტორების მოჭარბებული და გამძაფრებული ინტერესი სასამართლოსა და მართლმსაჯულების სისტემის მიმართ, ძირითადად მიმართული იყო იქითკენ, რომ საზოგადოების კონსოლიდირება მოეხდინათ სასამართლოს ნეგატიური განწყობების მიმართულებით და ამით მოეხდინათ სასამართლო ხელისუფლების პოლიტიზება. თუმცა ბოლო პერიოდში, როგორც ჩანს, ეს სამიზნეები შეიცვალა და უკვე წინა სიებში პრიორიტეტულად, სანქცირებულთა სიები მაქვს მხედველობაში, მოსამართლეთა გვარების გამოჩენა უკვე მიუთითებს, რომ ზეწოლა უკვე მიემართება სხვა მიმართულებით, სავარაუდოდ, აქ გათვლა კეთდება იმაზე, რომ თვითგადარჩენის ინსტინქტი გაძლიერდეს ინდივიდუალურ მოსამართლეში და ამან უზრუნველყოს ხელისუფლების ერთ-ერთი შტოს შიგნიდან ჩამოშლა. მინდა, ვთქვა, რომ საბედნიეროდ ზოგზოგიერთებს დაავიწყდათ, რომ ჩვენ ამ შემთხვევაში საქმე გვაქვს ქართველ მოსამართლეებთან, რომელთათვისაც ღირებულია პრიორიტეტები, გააჩნიათ პროფესიული თავმოყვარეობა და მაღალი საზოგადოებრივი პასუხისმგებლობა, ამდენად ჩვენ ეჭვი არ გვეპარება ჩვენი სისტემის მდგრადობაში, თითოეული ჩემი კოლეგის სიმყარეში.
მე კიდევ ერთხელ მინდა, თითოეულ მათგანს მადლობა გადავუხადო იმ გამძლეობისათვის, რომელსაც თითოეული თქვენგანი იჩენს და ღრმად მწამს, რომ თითოეულ ჩვენგანს გაცნობიერებული აქვს ის მთავარი მიზანი, რომლისთვისაც ჩვენ, ქართული მართლმსაჯულება იბრძვის. ბუნებრივია, ამ რთულ პირობებში, რომელშიც ძალიან ღრმად ვარ დარწმუნებული, რომ ძალიან მალე დასრულდება და ჩვენს სასარგებლოდ დასრულდება, სასამართლო ხელისუფლებისთვის ძალიან მნიშვნელოვანია იმ პოზიციებისა და ხედვების მოსმენა, რომელიც აღმასრულებელ ხელისუფლებას გააჩნია“, - განაცხადა ნინო ქადაგიძემ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდება იმ შემთხვევაში თუ პირი ჯარიმას არ გადაიხდის და რა ვადებს უკავშირდება მისი აღსრულება?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
