მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
“უბრალოდ “ფეხი შევცვალე“, ავწიე, რაზეც ყვირილი დაიწყო ფეხი დამარტყაო, არა ქალბატონო, არ დამირტყამს-მეთქი“ - თემურ ქათამაძე ნინო ნადირაძის ბრალდებებს უარყოფს: სხდომის დეტალები
15:24 / 24-03-2025
შინაგან საქმეთა სამინისტროს წარმომადგენლის განმარტებით, აქტივისტმა ჯაფარ ილმაზიმ, იგივე თემურ ქათამაძემ საზოგადოებრივი თავშეყრის ადგილზე, კლინიკა “ვივამედის“ დირექტორს, ნინო ნადირაძეს სიტყვიერი შეურაცხყოფა მიაყენა. კერძოდ, მისი მხრიდან ნადირაძის ლანძღვა-გინებას ჰქონდა ადგილი.
- როგორც შინაგან საქმეთა სამინისტროს წარმომადგენელმა განმარტა, ქათამაძე 6 მარტს კლინიკაში იმყოფებოდა, სადაც მას სამედიცინო მომსახურება გაუწიეს, მან კი შეურაცხყოფა მიაყენა ნინო ნადირაძეს. მისივე თქმით, ადგილზე მიგრაციის დეპარტამენტისა და კლინიკის თანამშრომლები იმყოფებოდნენ, რომელთაც სხდომაზე დაკითხავენ.
თავის მხრივ, ქათამაძემ განმარტა, რომ ის კლინიკაში არასათანადო პირობებში განათავსეს, კერძოდ “48-დღიანი შიმშილობის შემდეგ ძვლები სტკიოდა და დიდი ხნით ჯდომა არ შეეძლო, პალატაში კი ისეთი მატრასი მიუტანეს, საიდანაც ზურგში მავთულები ერჭობოდა“.
ქათამაძემ მომხდარ ფაქტზე სასამართლო პროცესზე ასეთი განცხადება გააკეთა:
“არც სიტყვიერი, არც ფიზიკური შეურაცხყოფა არ მიმიყენებია, პირიქით, მათი მხრიდან იყო შეურაცხყოფა. ფეხის მოქნევაო - მე, უბრალოდ, “ფეხი შევცვალე“, ავწიე, რაზეც ყვირილი დაიწყო [ნადირაძემ]. სამი ადამიანია მოწმე... ფეხი დამარტყაო, არა ქალბატონო, არ დამირტყამს-მეთქი. სულ წყნარი ვიყავი, ხმისთვის არ ამიწევია, ჩემ მიმართ აგრესიულად იყვნენ განწყობილი“, - განაცხადა ქათამაძემ.
სხდომის დაწყებისთანავე ქათამაძემ შუამდგომლობა დააყენა. მან სახალხო დამცველის აპარატის წარმომადგენლის მოწმის სახით სასამართლოში დაკითხვა მოითხოვა, რომელიც ინციდენტის შემსწრეა. ასევე, ქათამაძემ საქმეზე საკვები რაციონის ნივთმტკიცებად დართვა და მისთვის ფოტოების გადაღება მოითხოვა, ვინაიდან მისთვის, “როგორც მოშიმშილე პირისთვის საკვების შემადგენლობას მნიშვნელობა ჰქონდა“. ქათამაძის თქმით, მას “მარილიანი, ძმრიანი, კარაქიანი საჭმელი აჭამეს“. მისივე თქმით, ეს ყველაფერი დაგეგმილი იყო.
მოსამართლე ლელა ცაგარეიშვილმა წერილობითი მტკიცებულებები საქმეს დაურთო, დანარჩენი შუამდგომლობები კი არ დააკმაყოფილა, “რადგან ან დასაბუთებული ან საქმესთან შემხებლობაში არ იყო“.
თავის მხრივ, ქათამაძის ადვოკატის განმარტებით, მისი დაცვის ქვეშ მყოფი მიგრაციის დეპარტამენტის თანამშრომლების მხრიდან ზეწოლის ქვეშ იყო. ასევე, ადვოკატის თქმით, ის კლინიკაში მხოლოდ მას შემდეგ გადაიყვანეს, რაც გონების კარგვის ეპიზოდი ჰქონდა. უფლებადამცველის თქმითვე, შიმშილობის შეწყვეტის მიუხედავად, მისთვის კვება გათვალისწინებული არ იყო და რამდენიმე საათის დაგვიანებით მისცეს, თან მარილიანი, რამაც მისი ჯანმრთელობის გაუარესება გამოიწვია. ადვოკატის თქმით, ის მთელი დღის განმავლობაში კლინიკაში უყურადღებოდ იმყოფებოდა.
გარდა ამისა, ადვოკატის განმარტებით, ნადირაძემ ფაქტიდან 2 საათის შემდეგ განახორციელა ზარი 112-ში და თან მისთვის ფეხის მოქნევის ფაქტზე ისაუბრა, რასაც მიგრაციის თანამშრომლები უარყოფენ.
თემურ ქათამაძეს შინაგან საქმეთა სამინისტრო ადმინისტრაციულ სამართალდარღვევათა კოდექსის 166-ე მუხლით გათვალისწინებული ქმედების ჩადენას ედავება, რაც წვრილმან ხულიგნობას გულისხმობს. კერძოდ, მას ედავებიან, რომ კლინიკა “ვივამედის“ დირექტორს, ნინო ნადირაძეს სიტყვიერი შეურაცხყოფა მიაყენა.
ინფორმაციისათვის, აქტივისტი თემურ ქათამაძე “ვივამედში“ შიმშილობის პერიოდში გადაიყვანეს. ამ დროისთვის მას შიმშილობა შეწყვეტილი აქვს და კლინიკიდან კვლავ შსს-ს მიგრაციის დეპარტამენტის დროებითი მოთავსების ცენტრში იმყოფება.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
