მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
ორშაბათი, მთვარის ოცდამეხუთე დღე დაიწყება 06:11-ზე, მთვარე მერწყულში იქნება 19-19-დან
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ დაძაბოთ და გადაღალოთ თვალები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ევროპა მესამე მსოფლიო ომისთვის ემზადება - "გადარჩენის გზამკვლევები", მასობრივი ევაკუაციები, უზარმაზარი ბუნკერები: როდის ელოდებიან საფრთხეს?
09:51 / 22-03-2025
“ევროპა “გადარჩენის გზამკვლევებით“, ბირთვული ბუნკერებით და სამხედრო გაწვევის გეგმებით, მესამე მსოფლიო ომისთვის ემზადება,“ - ამის შესახებ გამოცემა thesun წერს და კონტინენტზე არსებულ მდგომარეობას მიმოიხილავს.
სტატიაში ნათქვამია, რომ კონტინენტი ხელახლა იარაღდება, რადგან არის საშიშროება, რომ ვლადიმერ პუტინი რამდენიმე წელიწადში დაიწყებს ომს, რომელიც ნატოს აღმოსავლეთ ევროპიდან განდევნის და რუსეთის იმპერიას აღადგენს.
ევროკავშირი თვლის, რომ შესაძლოა რუსეთმა შეტევა 2030 წელს განახორციელოს.
“ბლოკი უნდა მოემზადოს მოსკოვთან სრულმასშტაბიანი ომისთვის,“ - წერს გამოცემა.
ქვეყნები ამზადებენ თავიანთ მოქალაქეებს სასტიკი ბრძოლისთვის და ბრიტანეთს მოუწოდებენ შეუერთდეს ევროპულ ქვეყნებს.
საფრანგეთმა შეჭრის შემთხვევაში თავისი მოქალაქეებისთვის გადარჩენის სახელმძღვანელოც გამოსცა.
20 გვერდიანი ბუკლეტი საფრანგეთის მოქალაქეებს ურჩევს, თუ როგორ უნდა დაიცვან თავები და საყვარელი ადამიანები შეიარაღებული შემოჭრის, ბირთვული ავარიის ან სხვა სახიფათო შემთხვევებში.
ამ კვირის დასაწყისში საფრანგეთის პრეზიდენტმა ემანუელ მაკრონმა განაცხადა, რომ ფრანგული გამანადგურებლები, რომლებიც აღჭურვილია შემდეგი თაობის ჰიპერბგერითი ბირთვული რაკეტებით, განლაგებულია მოკავშირე გერმანიის საზღვარზე.
ბერლინი, სავარაუდოდ საფრანგეთის ბირთვული იარაღით არის დაცული.
რაც შეეხება ვარშავას, იმედოვნებს რომ ბირთვულ დაცვას მიიღებს ან საფრანგეთისგან, ან ვაშინგტონისგან. თავად კი საფრთხის შემთხვევაში ყველა მამაკაცის გაწვევას გეგმავს.
ნორვეგიის ხელისუფლება ემზადება მასობრივი წვრთნების ჩასატარებლად. ქვეყანა რუსეთთან 121 მილის არქტიკულ საზღვარს იზიარებს. ის ნატოს წვრთნებს მომავალ წელს უმასპინძლებს.
სკანდინავიის ქვეყნების “გადარჩენის გზამკვლევები“ უკვე დაურიგდათ.
“გერმანიის გეგმები, მოემზადოს მესამე მსოფლიო ომისთვის, უკვე გამოვლინდა 1000 გვერდიან საიდუმლო დოკუმენტში, სახელწოდებით Operation Germany“, - აღნიშნავს გამოცემა.
Frankfurter Allgemeine-ის თანახმად, საიდუმლო დოკუმენტებში იდენტიფიცირებულია კონკრეტული შენობები და ინფრასტრუქტურა, რომლებიც სამხედრო საგანგებო სიტუაციის შემთხვევაში სპეციალურ დაცვას საჭიროებენ.
მთავრობა ასევე ადგენს ბუნკერების სიას, რომლებიც შეიძლება იყოს თავშესაფრები მშვიდობიანი მოსახლეობისთვის.
ბერლინი მზად არის განათავსოს 200 000 მანქანა და ნატოს 800 000 ჯარისკაცი თავის ტერიტორიაზე, თუ რუსეთთან სრულმასშტაბიანი ომი დაიწყება.
ხოლო ბალტიისპირეთის ქვეყნები რუსეთთან საზღვარზე ერთობლივ თავდაცვით ხაზს აშენებენ. ის იქნება ტანკსაწინააღმდეგო თხრილები, ტყეები, დაბრკოლებები, “ზღარბები“ და სარაკეტო სისტემები.
ევროკავშირი სრულ გადაიარაღებას გეგმავს და ამისთვის დაახლოებით 800 მილიარდ ევრომდე დახარჯავს.
იხილეთ ასევე:
- მზადება ბირთვული ავარიის ან შეიარაღებული კონფლიქტისთვის? - საფრანგეთი მოქალაქეებს “გადარჩენის გზამკვლევს“ დაურიგებს: რა წერია ბროშურაში
- “სასწრაფოდ უნდა გადავაიარაღოთ ევროპა... მნიშვნელოვანია, მოვემზადოთ უარესისთვის“ - ლონდონში სამიტი დასრულდა: რაზე შეთანხმდნენ ლიდერები?
- "აღმოსავლეთის ფარი": როგორ აძლიერებს პოლონეთი თავდაცვას რუსეთისა და ბელორუსის საზღვართან - დანაღმული ველები, ბუნკერები და AI-ს მქონე სათვალთვალო სისტემები
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
