მნიშვნელოვანი ინფორმაცია
18
მარტიდღის ზოგადი ასტროლოგიური პროგნოზი
სამშაბათი, მთვარის მეცხრამეტე დღე, მთვარე მორიელშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"საშინელი პანიკა იყო, ხალხმა ერთმანეთი გადათელა... მე გადავრჩი, ჩემი და დაიღუპა" - ხანძრის გამო, რომელსაც ჩრდ. მაკედონიაში 59 ადამიანი ემსხვერპლა, ღამის კლუბის მეპატრონე და კიდევ 15-მდე ადამიანი დააკავეს
11:02 / 17-03-2025
ჩრდილოეთ მაკედონიაში ღამის კლუბში მომხდარ ხანძართან დაკავშირებით მიმდინარე გამოძიების ფარგლებში პოლიციამ 15-მდე ადამიანი დააკავა.
ქვეყნის შინაგან საქმეთა მინისტრმა, პანჩე ტოსკოვსკიმ განაცხადა, რომ დაკავებულები დაიკითხებიან. მისი თქმით, არსებობს ეჭვის საფუძველი, რომ ადგილი ჰქონდა ქრთამის აღებასა და კორუფციას შენობის მშენებლობისას. დაკავების ორდერი გამოიწერა იმ ოფიციალურ პირებზეც, რომლებმაც კლუბის ლიცენზია გასცეს. მანამდე ადგილობრივმა მედიამ კლუბის მფლობელის დაკავების შესახებ გაავრცელა ინფორმაცია.
თავდაპირველ ცნობებზე დაყრდნობით, ტოსკოვსკიმ განაცხადა, რომ ხანძარი პიროტექნიკის გამოყენებით წარმოქმნილმა ნაპერწკლებმა გამოიწვია, რომლებიც ძალიან აალებადი მასალისგან დამზადებულ ჭერს მოხვდა.
მარიჯა ტასევა შაბათს, დასთან ერთად, ჩრდილოეთ მაკედონიის კლუბ "პულსში“, ქვეყანაში ყველაზე პოპულარულ ჰიპ-ჰოპ ჯგუფის მოსასმენად წავიდა.
"უცებ ატყდა საშინელი ყვირილი, ადამიანები მოგვიწოდებდნენ გავსულიყავით შენობიდან... საშინელი პანიკა იყო, ხალხმა ერთმანეთი გადათელა..." - განუცხადა 19 წლის გოგონამ "როიტერსს".
სასოწარკვეთილი ხალხი ცდილობდა გაქცეულიყო ცეცხლიდან, მაგრამ აღმოჩნდა, რომ მხოლოდ ერთი გასასვლელი იყო ღია, დაახლოებით, 500 ადამიანისთვის, კლუბიდან კიდევ ერთი გასასვლელი დაკეტილი იყო.
"არ ვიცი, როგორ დავეცი, ადგომა ვერ მოვასწარი და იმ მომენტში პანიკაში მყოფი ხალხი ჩემზე გადარბოდა, დიდ ტკივილს ვგრძნობდი, თუმცა საბოლოოდ მაინც შევძელი უსაფრთხო ადგილამდე მისვლა, მაგრამ ჩემმა დამ ვერ შეძლო, მე გადავრჩი, მაგრამ ჩემი და გარდაიცვალა", - ყვება ის.
ჩრდილოეთ მაკედონიის მთავრობამ, მომხდარის გამო, შვიდდღიანი ეროვნული გლოვა გამოაცხადა.
შეგახსენებთ, გუშინ კოჩანში მდებარე ღამის კლუბში ხანძარი მაშინ გაჩნდა, როდესაც ასობით ქვეყანაში პოპულარული ჰიპ-ჰოპ დუეტის DNK-ის კონცერტზე იყო შეკრებილი. დაიღუპა 59 და დაშავდა 155 ადამიანი.
წითელი ჯვრის მოხალისე მუსტაფა საიდოვმა განაცხადა, რომ დაღუპულთა უმეტესობა 18-დან 20 წლამდე ახალგაზრდები არიან. ოფიციალური მონაცემებით, დაშავებულთაგან 20-ზე მეტი და დაღუპულთაგან სამი 18 წლამდე ასაკისაა.
"უმძიმესი ისტორიებია, სამწუხაროდ, ბევრი ახალგაზრდა დაიღუპა“, - თქვა მან.
იხილეთ ასევე:
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ავტოსაგზაო შემთხვევა სამგორში - თვითმხილველების ინფორმაციით, ავტომანქანა ველოსიპედით მოძრავ მოქალაქეს დაეჯახა.
კვირის კითხვადი სტატიები
მნიშვნელოვანი ინფორმაცია
მკითხველის რჩევით
