მნიშვნელოვანი ინფორმაცია
13
მარტიდღის ზოგადი ასტროლოგიური პროგნოზი
ხუთშაბათი, მთვარის მეთხუთმეტე დღე დაიწყება 18:36-ზე, მთვარე ქალწულშია
ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას. კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისთვის. არ მიიღოთ: რძე და რძის პროდუქტები, ცხარე და ცხელი საკვები, ხორცი, ალკოჰოლი, შეამცირეთ სიგარეტის რაოდენობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"სიკვდილს ჩავხედე თვალებში... ხალხი ფანჯრიდან გადახტომას ცდილობდა" - ნგრევა და პანიკა: რას ჰყვებიან ნეაპოლში მყოფი ქართველები
14:12 / 13-03-2025
დღეს, 13 მარტს, იტალიის ქალაქ ნეაპოლში 4.4 მაგნიტუდის სიმძლავრის მიწისძვრა მოხდა. ეს იყო ყველაზე ძლიერი მიწისძვრა ბოლო 40 წლის განმავლობაში, რამაც გამოიწვია განმეორებითი ბიძგები, შენობების ნგრევა და მოქალაქეების დაღუპვა, რასაც მთელ ქალაქში სამაშველო ოპერაციების დაწყებას მოჰყვა.
ნეაპოლის ძლიერი მიწისძვრა
მიწისძვრა ადგილობრივი დროით 1:25 საათზე მოხდა, რის გამოც შეშინებულმა ტურისტებმა ქუჩებში გამოსვლა დაიწყეს. ადგილობრივებმა აღნიშნეს, რომ ბიძგებამდე რამდენიმე წამით ადრე „მძლავრი გრგვინვა“ გაიგეს.
როგორც იტალიური მედია იუწყება, მიწისძვრის ეპიცენტრი ნეაპოლის პატარა უბანი, პოცუოლი, იყო, რომელიც ქალაქის სანაპიროსთან ახლოს მდებარეობს.
ელექტრომომარაგების შეფერხება და საცხოვრებელი სახლების ნგრევა
ბიძგების შედეგად მრავალი შენობა დაზიანდა, რის გამოც მოქალაქეებს ღამე ქუჩაში მოუწიათ გათენება. ზოგიერთი მათგანი ნანგრევებში აღმოჩნდა მოყოლილი. მიწისძვრა დაახლოებით 20 წამს გაგრძელდა, რის შედეგადაც ელექტრომომარაგება შეწყდა.
ბაგნოლის რაიონში სამაშველო ჯგუფებმა სწრაფად იმოქმედეს, რათა მოსახლეობა უსაფრთხო ადგილას გადაეყვანათ. იტალიური საინფორმაციო სააგენტო ANSA-ს ცნობით, ნეაპოლის მიწისძვრის შემდეგ გამოქვეყნებულ ფოტოებზე ჩანს, როგორ ცდილობენ მოქალაქეები ფანჯრებიდან გადახტომას, რათა თავი დააღწიონ ნგრევას.
ბიძგები ნეაპოლის მეზობელ რეგიონებში
მიწისძვრის ბიძგები ნეაპოლის მიმდებარე რეგიონში, იგრძნობოდა. იტალიურმა ხელისუფლებამ გადაუდებელი დახმარების კოორდინაციის ცენტრი შექმნა, რათა ზარალის შეფასება განხორციელდეს.
იტალიური გამოცემა Corriere Della Sera-ს ცნობით, პოცუოლსა და რამდენიმე სხვა რაიონში სკოლები დახურულია, რათა შენობების მდგრადობა შემოწმდეს.
ქართველების ნაწილი, რომლებიც ნეაპოლში ოჯახებში მუშაობენ, სოციალურ ქსელში მომხდარს ეხმაურებიან.
"სიკვდილს ჩავხედე თვალებში ისეთი ძლიერი მიწისძვრა იყო. თან მე-4 სართულზე სად გინდა რომ გაიქცე. საშინელება იყო. ყველაფერი ირყეოდა. ხმა ხომ საერთოდ საშინელი იყო. ღმერთო შენ გვიშველე...“
„ვაიმე, ეს რა იყო. სიზმარს ვხედავდი მაგ დროს სიზმარში ვიგრძენი რომ საშინელება ხდებოდა უამრავმა კადრმა გამიარა გონებაში და ბოლო წამს გამეღვიძა. ერთი თვის უკანაც იყო ბიძგები მაგრამ სუსტი, მიწაში ჩაიქცა ქანები საშიშია განმეორება შესაძლოა მოხდეს. ამინდიც საშინელია ღრუბლები მოძრაობენ აქეთ იქეთ. ღამე ადამიანი ვერსად გაიქცევი უმწეო ხარ.“
ლია ძამსაშვილი AMBEBI.GE-სთან ამბობს, რომ ბიძგები დაახლოებით 15-20 წამს გრძელდებოდა,
- ნეაპოლში 01:25 საათზე, ძალიან დიდი სიმძლავრის მიწისძვრა მოხდა, რომელსაც თან მოჰყვა გრგვინვა და ხმაური. დაახლოებით 15-20 წამს გრძელდებოდა. ჩვენ გარეთ არ გამოვსულვართ, იმ ოჯახში გავათენე ღამე, სადაც ვმუშაობ.
ძალიან შემეშინდა, ახლაც ვკანკალებ. ჩვენი სახლი არ დაზიანდა, მაგრამ ყველა შეშინებული ვართ. რაც აქ ვცხოვრობ, ეს პირველი შემთხვევა არ არის, როდესაც მიწისძვრა მოხდა, მაგრამ ეს ალბათ ყველაზე ძლიერი იყო. უამრავი ქართველია ნეაპოლში, მოვიკითხეთ ერთმანეთი და ყველა ძალიან შეშინებულია.
წაიკითხეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საუდის არაბეთში გამართული მოლაპარაკებების მნიშვნელოვანი შედეგები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
