მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მაყურებელი ვერასდროს გაიგებს, ვინ მოიგებს ტიტულს, კადრები ბუნდოვანია - როგორ აჩვენებენ ჩრდილოეთ კორეაში პრემიერ ლიგას?
15:21 / 11-02-2025
ჩრდილოეთ კორეაში ტელემაყურებლებს ძირითადად საომარი ფილმების ყურება უწევთ - ფილმების, სადაც მხოლოდ ერთი გამარჯვებულია; ახალი ამბები რევოლუციური ენთუზიაზმითა და კიმების დინასტიის პროპაგანდითაა სავსე.
- მაგრამ ისეთი ქვეყანაც კი, რომელიც გარე გავლენებს ისე ფრთხილად ეკიდება, როგორც ჩრდილოეთ კორეა, როგორც ჩანს, პრემიერ ლიგის ფეხბურთის მიზიდულობას ვერ უძლებს - პრემიერ ლიგის ჩვენება ჩრდილოეთ კორეაში დაშვებულია, თუმცა მატჩები პირდაპირ ეთერში არ გადაიცემა.
იანვარში, პრემიერ ლიგის მიმდინარე სეზონის დაწყებიდან ექვსი თვის შემდეგ, სახელმწიფო მაუწყებელმა, კორეის ცენტრალურმა ტელევიზიამ (KCTV), მატჩების ტრანსლაცია დაიწყო, თუმცა ეს ფხენიანის რეჟიმის ცენზორების მძიმე ჩარევით მოხდა.
ვებსაიტ 38 North აქვეყნებს ანგარიშს, სადაც აღწერილია, როგორ უყურებენ ჩრდილოეთ კორეელები პრემიერ ლიგურ მატჩებს.
ანგარიშის მიხედვით, ჩრდილოეთ კორეაში სრულად არის უგულებელყოფილი მატჩებზე საავტორო უფლებები. ჩრდილოეთ კორეას არ აქვს პრემიერ ლიგის მატჩების ტრანსლაციის უფლებები - ეს შეთანხმება შეიძლება არღვევდეს საერთაშორისო სანქციებს, რომლებიც ქვეყნის ბირთვული და ბალისტიკური რაკეტების პროგრამების წინააღმდეგაა მიმართული. "როგორ იღებს KCTV კადრებს, საიდუმლოა," - ნათქვამია ანგარიშში.
გაშუქება არ არის ყოვლისმომცველი. როგორც წესი, 90-წუთიანი მატჩი ერთ საათამდეა დამონტაჟებული, ინგლისურ ენაზე ეკრანის გრაფიკა კორეულითაა გადაფარული. სხვა ლოგოები ვიდეოზე დაბლარულია, სავარაუდოდ, იმ უცხოური მაუწყებლის სახელის დასაფარად, საიდანაც მატჩები აქვთ აღებული.
2024-2025 წლების პრემიერ ლიგის სეზონის გაშუქება 13 იანვარს, "იფსვიჩსა" და "ლივერპულს" შორის მატჩით დაიწყო - თამაშის ჩატარებიდან 150 დღის შემდეგ. შემდეგი ტრანსლაცია, ორი დღის შემდეგ, ასევე იყო მატჩი, რომელიც წინა აგვისტოში ჩატარდა.
KCTV პრემიერ ლიგის 380 მატჩიდან მხოლოდ მცირე ნაწილს აჩვენებს, და ისინი, რომლებიც გადაიცემა, როგორც წესი, მინიმუმ სამჯერ მეორდება. 2023-2024 წლების სეზონიდან მხოლოდ 21 მატჩი აჩვენეს.
როგორც წინა წლებში, ნაკლებად სავარაუდოა, ჩრდილოეთ კორეელმა მაყურებლებმა ოდესმე გაიგონ პრემიერ ლიგის ტიტულის ბედი, რადგან მატჩებს თანმიმდევრობით არ აჩვენებენ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
