მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
“კვერცხუჯრედის ფერმა" საქართველოში“: როგორ მოხვდა 100-მდე ტაილანდელი ქალი ხაფანგში - რას წერს ტაილანდური მედია?
11:38 / 06-02-2025
ტაილანდური მედია წერს სკანდალურ, კრიმინალურ სქემაზე, რომლის ნაწილად საქართველოც არის მოხსენიებული.
Nationthailand -ის ინფორმაციით, ქალთა ფონდმა Pavena Foundation-მა ტაილანდის მთავრობას მოუწოდა, ჩინეთს მთავრობასთან ერთად, სასწრაფოდ გამოიძიოს ჩინური დაჯგუფების კრიმინალური საქმე.
როგორც გამოცემა წერს, დაჯგუფებამ 100 ტაილანდელი ქალი მოტყუებით, დასაქმების მიზნით ჩაიყვანა საქართველოში და იქ “კვერცხუჯრედის ფერმაში“ არალეგალურად ამუშავებს.
ფონდის განცხადებით, დაახლოებით 100 ტაილანდელი ქალი, მათი ნების საწინააღმდეგოდ, შენობაშია დატყვევებული და მათ კვერცხუჯრედების წარმოებას აიძულებენ, რასაც სარფიანად ყიდიან.
ფონდის პრეზიდენტმა პავენა ჰონგსაკულმა თქვა, რომ მსხვერპლებს თავდაპირველად დაჰპირდნენ სუროგატებად მუშაობას, მაგრამ ამის ნაცვლად. ისინი დაატყვევეს.
“ვინც უარს ამბობდა კვერცხუჯრედების გაცემაზე, თავისუფლების სანაცვლოდ უნდა გადაეხადათ გამოსასყიდი - 70 000 ბატამდე (დაახლოებით 2000 დოლარი - რედ.)",- წერს გამოცემა.
ფონდის წარმომადგენლის თქმით, მან აღნიშნული ინფორმაცია შეიტყო ერთ-ერთი მსხვერპლისგან, რომელმაც ნათესავებთან დაკავშირება და გამოსასყიდის შეგროვება შეძლო.
დაზარალებულის სახელი შეცვლილია და მედია მას “ნა“-დ მოიხსენიებს. ის ფონდს 2024 წლის 27 სექტემბერს დაუკავშირდა, მოუყვა დეტალურად და სხვა დატყვევებული ქალებისთვის დახმარება სთხოვა.
ხაფანგი - როგორ ჩამოიყვანა ჩინურმა დაჯგუფებამ ქალები საქართველოში?
წყაროს ინფორმაციით, დაჯგუფება ქალებს სუროგაციის სანაცვლოდ 400000-დან 600000 ტაილანდურ ბატს სთავაზობდა. ისინი თავს ე.წ. სუროგაციის ბროკერებად ასაღებდნენ.
როგორც დაზარალებული ჰყვება, ის სამუშაოს ეძებდა საზღვარგარეთ, როდესაც “ფეისბუქზე“ წააწყდა რეკლამას. დაუკავშირდა მათ, რის შემდეგაც გვერდის ადმინისტრატორმა განუმარტა, რომ სამუშაო შეეხებოდა ლეგალურ სუროგაციას საქართველოში. ე.წ. სუროგაციის ბროკერი შეჰპირდა, რომ დაახლოებით ერთი თვის განმავლობაში თავისი ხარჯებით გაუკეთებდა ყველა საბუთს.
პასპორტის მიღების შემდეგ “ნა“ 10 სხვა ქალთან და ჯგუფის ლიდერთან ერთად გაემგზავრა საქართველოში. ჯგუფის ლიდერმა თითოეულ ქალს გადასცა 500 აშშ დოლარი ნაღდი ფული, რათა აეროპორტში წარედგინათ მტკიცებულებად, რომ ისინი ტურისტები იყვნენ. საქართველოში ჩამოსვლისთანავე მათ პირველი ღამე გაათიეს სასტუმროში. მეორე დილით ქალები წაიყვანეს კომპლექსში, რომელიც შედგებოდა ოთხი სახლისგან.
ჯგუფს პირველ სახლში 60-მდე ტაილანდელი ქალი დახვდა. როგორც მედია წერს, ზოგიერთი მათგანის ჯანმრთელობის მდგომარეობა მნიშვნელოვნად გაუარესებული იყო.
მეორე დღეს კი “ნა“ გადაიყვანეს მეორე სახლში, სადაც მისი შეფასებით, დაახლოებით 10 სხვა ტაილანდელი ქალი იყო დატყვევებული.
როგორც დაზარალებული ჰყვება, მთლიანობაში კომპლექსში დაახლოებით 100 ქალი იქნებოდა. ის ასევე ხშირად ხედავდა ჩინელ მამაკაცებს, რომლებიც მიდიოდნენ მათ საცხოვრებელ სახლში, თუმცა იქ დიდ ხანს არ რჩებოდნენ.
მოგვიანებით მან სხვა ქალებისგან შეიტყო, რომ ყველა მათგანს სუროგატად დასაქმებას დაჰპირდნენ, თუმცა სანაცვლოდ ისინი აიძულეს ყოველთვიურად გაეცათ კვერცხუჯრედები.
- ცნობისთვის, კვერცხუჯრედის იძულებითი მიღება გულისხმობს ჰორმონალურ სტიმულაციას და ინვაზიურ სამედიცინო პროცედურას, რომელიც ჯანმრთელობის მნიშვნელოვან რისკებს შეიცავს.
2025 წლის 30 იანვარს წარმატებული სამაშველო ოპერაციის შედეგად, რომელსაც ტაილანდის სამეფო პოლიცია ინტერპოლთან კოორდინაციით ახორციელებდა, ტაილანდში დაბრუნება სამმა ქალმა შეძლო.
გადარჩენილების თქმით, 100-მდე ტაილანდელი ქალი კვლავ რჩება არალეგალური ქსელის ტყვეობაში.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
