მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
“არასდროს მქონია, დაპირისპირება პოლიციელთან დაკავების შემდეგ, დღეს მქონდა - ბორკილდადებულ ადამიანს, ისანი-სამგორის სამმართველოს უფროსის მოადგილე წიხლს მირტყამს“ - ნიკა მელია
00:34 / 03-02-2025
“ბევრჯერ ვყოფილვარ დაკავებული, მაგრამ არასდროს მქონია, დაპირისპირება პოლიციელთან დაკავების შემდეგ, დღეს მქონდა - სკამზე მჯდომ, ხელბორკილდადებულს, ისანი-სამგორის სამმართველოს უფროსის მოადგილე, გიორგი ჩოქური წიხლს მირტყამს“, - ამის შესახებ “კოალიცია ცვლილებისთვის“ ერთ-ერთმა ლიდერმა ნიკა მელიამ პოლიციის განყოფილების დატოვების შემდეგ განაცხადა.
ოპოზიციონერი პოლიტიკოსი, რომელიც დღეს აქციაზე დააკავეს და შემდეგ გაათავისუფლეს აცხადებს, რომ შეუძლიათ შესაბამისი კადრები გაასაჯაროონ.
“რაც საზოგადოებამ დღეს იხილა, არ იყო პოლიციელებსა და საზოგადოებას შორის დაპირისპირება. იქ მყოფი ადამიანების აბსოლუტური უმრავლესობა უბრალოდ პოლიციელების ფორმაში იყვნენ გამოწყობილი, ეს არავის გვიკვირს, მაგრამ დღეს განსაკუთრებული აგრესიით იყვნენ განწყობილი. გასაგებია! გასაგებია ამ ქვეყანაში ყველაფერი, ყველასთვის. ეს არის მოცემულობა, როდესაც აღარც სახლში დაგედგომება, სახლში შემოგივარდებიან - აღარც უნივერსიტეტში, აღარც თეატრში, აღარც საავადმყოფოში, არსად.
ან იღებ თამაშის წესებს, რომელიც სახელმწიფოს ინტერესებს ეწინააღმდეგება, ან იბრძვი. საზოგადოებამ არჩია ბრძოლა, მართალი ბრძოლა. ამ ბრძოლით გამარჯვება.
მე 2013 წლიდან ვარ პოლიტიკურ პროცესებში და ასეთი აგრესიული ხალხი არ მინახავს. ბევრჯერ ვყოფილვარ დაკავებული,მაგრამ არასდროს მქონია, მაგალითად პოლიციის შენობაში ფიზიკური კონტაქტი და ფიზიკური დაპირისპირება პოლიციელთან, პოლიციის შენობაში, დაკავების შემდეგ, ხელბორკილდადებულს. დღეს მქონდა. ისანი - სამგორის სამმართველოს შენობაში, ე.წ. შუშებიან შენობაში ვიყავი დაკავებული, ხელბორკილებით და მთავარი სამმართველოს უფროსის მოადგილე ვინმე გიორგი ჩოქური, სახეზე ვცნობდი ამ ადამიანს, რადგან აქციებზე აქტიური ბიძინისტია - ამ ადამიანთან შელაპარაკება მქონდა. ხელბორკილდადებული ვიჯექი, შეიძლება კადრები ამოიღონ. საკუთარ ყოფილ პრემიერ-მინისტრს და შს მინისტრს ზონდერებმა მათი დავალებით რა პროვოკაცია მოუწყვეს ბათუმში, დღემდე არ აღირსეს ვიდეოჩანაწერი, ამ ვიდეოჩანაწერს ვინ მოგცემს, მაგრამ თუ ჩემს ნათქვამს შეეწინააღმდეგებიან, კადრები გამოაქვეყნონ, სკამზე მჯდომ, ხელბორკილდადებულ ადამიანს,ისანი-სამგორის სამმართველოს უფროსის მოადგილე გიორგი ჩოქური წიხლს მირტყამს“, - აცხადებს მელია.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აპლიკაცია გველების შესახებ - რა უნდა ვიცოდეთ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
