მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
სამშაბათი, მთვარის მეჩვიდმეტე დღე დაიწყება 23:15-ზე, მთვარე მშვილდოსანს ესტუმრება 12:33-ზე
კარგი დღეა ფინანსური საკითხების მოსაგვარებლად, ახალი საქმეების დასაწყებად.
ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას. არ გადაუსხათ სხვას სისხლი და პირიქით.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორი იქნება აშშ მიგრანტების გარეშე? - მიზეზები, რის გამოც ამერიკელი ექსპერტები მასობრივი დეპორტაციის წინააღმდეგები არიან
09:27 / 25-01-2025
თეთრ სახლში - დაბრუნების დღეს პრეზიდენტმა დონალდ ტრამპმა მიზნად დაისახა "მიგრანტების შეჭრის" წინააღმდეგ ბრძოლა. მან გამოაცხადა საგანგებო მდგომარეობა აშშ-მექსიკის საზღვარზე და სამხედროებს უბრძანა საზღვრის "დაკეტვა". ტრამპმა ასევე განაცხადა ამერიკის მოქალაქეობის მიღების პრაქტიკის დასრულებაზე. აქამდე ამერიკაში დაბადებულ სხვა ქვეყნის მოქალაქეების შვილებს აშშ-ის მოქალაქეობა ავტომატურად ეძლეოდათ. თუმცა, უკვე მეორე დღეს, 22 შტატის გენერალურმა პროკურორებმა, ასევე ვაშინგტონის ოლქმა და სან-ფრანცისკომ სასამართლოში სარჩელი შეიტანეს ტრამპის ამ ბრძანების დასაბლოკად.
მანამდე ტრამპმა დაპირება გასცა, რომ თეთრ სახლში დაბრუნებისთანავე დაიწყებდა იმ ადამიანების მასობრივ დეპორტაციას, რომლებიც აშშ-ში არალეგალურად შევიდნენ.
- მიგრანტების როლი აშშ-ში - რას ნიშნავს ეს ცვლილებები ქვეყნისთვის, რომელიც მიგრანტებით შეიქმნა.
მოსახლეობის დაბერება და დაბალი შობადობა
მიგრანტების გარეშე აშშ-ის მოსახლეობა მნიშვნელოვნად შემცირდება. 2023 წელს აშშ-ში მცხოვრები უცხოეთში დაბადებული ადამიანების რაოდენობა რეკორდულ მაჩვენებელს – 47.8 მილიონს – მიაღწია, რაც აშშ-ის მთლიან მოსახლეობას 14.3%-ს შეადგენს. მექსიკაში დაბადებული ადამიანების რაოდენობა 10.6 მილიონია, ინდოეთში – 2.8 მილიონი, ხოლო ჩინეთში – 2.5 მილიონი.
მიუხედავად მიგრანტების ზრდისა, აშშ-ში მოსახლეობის ბუნებრივი მატება მნიშვნელოვნად შენელდა დაბალი შობადობის გამო.
დემოგრაფების შეფასებით, კრიტიკული წელი 2040 იქნება, როცა პირველად ამერიკის ისტორიაში გარდაცვალების რაოდენობა შობადობაზე მეტი იქნება. "ამ დროისთვის მოსახლეობის ზრდა მხოლოდ მიგრანტების ხარჯზე მოხდება", ნათქვამია აშშ-ის კონგრესის ბიუჯეტის ოფისის პროგნოზში.
- მომავლის გათვალისწინებით, ექსპერტები მიიჩნევენ, რომ მიგრაციის ხელშეწყობა აუცილებელია ეკონომიკის ზრდის უზრუნველსაყოფად და სამუშაო ძალაზე მზარდი მოთხოვნის დასაკმაყოფილებლად. განსაკუთრებით მწვავედ ეს საკითხი იგრძნობა სოფლად.
მკვლევარი აღნიშნავს, რომ მისი და კოლეგების კვლევები აჩვენებს, რომ მიგრაცია ხელს უწყობს ინოვაციებს, რაც თავის მხრივ აჩქარებს პროდუქტიულობის ზრდას ეკონომიკის ყველა სექტორში.
იმიგრანტების უმრავლესობა შრომისუნარიან ასაკშია. დღეს ისინი აშშ-ის მოსახლეობის 14%-ს შეადგენენ, მაგრამ მათ წილი 19%-ია შრომის ბაზარზე – 31 მილიონი დასაქმებული. გარდა ამისა, იმიგრანტები გაცილებით აქტიურები არიან შრომის ბაზარზე, ვიდრე აშშ-ში დაბადებულები.
სოფლის მეურნეობისა და სხვა სექტორებზე მიგრაციის გავლენა
განსაკუთრებით მნიშვნელოვანი მიგრანტების ნაკადი სოფლის მეურნეობისთვისაა. აშშ-ის შრომის სამინისტროს მონაცემებით, ქვეყნის სასოფლო მეურნეობის მინდვრებზე დასაქმებულთა 70% მიგრანტებია, რომელთაგან ბევრს დოკუმენტები არ აქვს. მიგრანტების დაკარგვა ფერმებისთვის სამუშაო ძალის დეფიციტს ნიშნავს, რაც ზიანს მიაყენებს მოსავლის აღებას, განსაკუთრებით ბოსტნეულისა და ხილის სექტორებში, აღნიშნავს ამერიკის იმიგრაციის საბჭოს წარმომადგენელი.
მიგრანტების მიერ გადახდილი გადასახადები
აშშ-ის ბიუჯეტში შესული ყოველ მეექვსე დოლარი მიგრანტების მიერ გადახდილი გადასახადებიდან მოდის. 2022 წელს მათ 580 მილიარდი დოლარის გადასახადები გადაიხადეს. მიგრანტების 23% აშშ-ში არალეგალურად იმყოფება. ეს არის დაახლოებით 11 მილიონი ადამიანი, მათ შორის 4 მილიონი – მექსიკიდან.
საზოგადოებრივი აზრი და მიგრაციის პოლიტიკა
მიუხედავად იმისა, რომ მიგრანტებს დიდი წვლილი შეაქვთ ეკონომიკაში, 2024 წლის ივლისში ჩატარებული Gallup-ის გამოკითხვის მიხედვით, ამერიკელთა 55% მიიჩნევს, რომ მიგრანტების ნაკადმა უნდა იკლოს.
ამასთან, არსებობს ფართო პოლიტიკური კონსენსუსი მიგრაციის კონტროლის გამკაცრების აუცილებლობაზე, განსაკუთრებით როცა საქმე ეხება მექსიკიდან საზღვრის უკანონო გადაკვეთას.
პროფესორი ჯოვანი პერი აღნიშნავს, რომ პოლიტიკოსები და მედია ხშირად ფოკუსირდებიან საზღვრის „ქაოსზე“ და ნაკლებად განიხილავენ მიგრაციის დადებით გავლენას ეკონომიკასა და საზოგადოებაზე.
მიგრაციის საკითხები კომპლექსურია და მასთან დაკავშირებული დისკუსია, როგორც ჩანს, კიდევ გაგრძელდება.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აპლიკაცია გველების შესახებ - რა უნდა ვიცოდეთ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
